السلام عليكم ورحمة الله وبركاته
بنات والله اكتب لك وانا فيني صيحه من القهر من ام زوجي
انا ساكنه بمدينه وأهلي بمدينه ..
المهم ام زوجي ساكنه بفله وانا بشقة غرفتين وصاله ع قدي وقد زوجي
وبحكم اني توني طالعه من النفاس مالي يومين جايه لشقتي الا وهي نايمه عندي حتى يتصلون عليها بناتها وتقول مراح اجي اليوم اشوف بكرا ولا بعده
وزوجي مبسوط من هالشي كل وقته طالع وطلباتي تتاجل ليوم ثاني بحكم وجودها بالبيت
ليت وقفت بس كذا حتى ولدي ما تبيني انومه معي ترفض بحجة انها جايه عشانه وكل شوي فاتحه غرفة نومي والادراج وانا انسانه أقدس الخصوصيه وأكره اللقافه احب الحدود ومره مالي بالميانه اللي كذا
قررت أكلم زوجي لانها فعلا وصلت معي مو قادره اخذ راحتي ببيتي ولا تعاملي مع طفلي تعاملني وكأني ما اعرف كل شي أسويه تنتقده وتعطيه أشياء ما تصلح للرضيع وهنا انا اعصب وما أتحمل زياده حتى تتجاهل كلامي وتطلب من سواق بنتها تجيب لولدي أشياء انا رافضتها وفوق كذا كل ما جلس زوجي تنتقدني قدّامه وتقول شف كيف ناحفه حسافه تتقضى لبيتك وتخسر ترا مراح تاكل
قولو لي تكفون كيف أتكلم مع زوجي واتخلص من هالكابوس احسني طرطوره ببيتي مو حرمة البيت كرهت وجودها والله 💔💔
شاركي في النقاش
سجلي الدخول لإضافة تعليق.
التعليقات
16- الله يعينك
ان شاء الله البنات يفيدونك - كلها يومين وهي رايحة
ومعروفأغلب الجدات يدلعون أحفادهم لدرجة يخربونهم
ولما تقولج وتعلمج عن الرضيع وسعي بالج عديها بحسبة أمج
أمج كنتي بتتضايقين منها لو قالت لج مثل كلامها
نصييييييييبحة
لا تشتكين لريلج عشان ما يقول تكره أهلي
وتدخلين الفكرة براسه
ولا تبينين جدامها انج متضايجة
عادي تحطج براسها وتتعمد تزيد بعدين - نصيحه نصيحه لاتشتكين لزوجك
أنتي عارفه من تشتكين ؟ امه ترا يعني لاتغلطين غلطة عمرك حتى لو تجاوب معك الحين راح تصير لعنه عليك ووصمة عار كل ماصار مشاكل معه يذكرك فيها
تحمليها وخلي عندك صبر
هي بثره تخلي بيتها وتجي بس ماتقدرين تقولين شي هذا بيت ولدها
ودام الكورة بملعبك اسكتي واصبري قبل يوم تندمين وممكن ولدها يوصل الكلام الرجال مافيهم ثقه اذا الموضوع اهله
ارفعي كل حاجه خاصه بمكان بعيد وخليها يمكن تختبر صبرك
اطلعي بالزينه احسن من تطلعين بشي يسود الوجه تصبري يومين ورايحه - هذي امه فاهمه
يعني لو الغلط منها لو مسويه اللي مسويته ومعك حق مستحيييييييل يقول لها روحي ولا يوديها عند بناتها ولا يسوي الشيء اللي في راسك لانه وقتها بيكون عاق
وماراح تجنيني الا على نفسك
فنصيحه اصبري دامها ايام وبتروح لاتخربين علاقتك بزوجك خاصه انه طاير فيها وفرحاان
تخيلي انها امك ومثلا غلطت فيه وش افضل يجي يشتكي لك من امه يعني مو مرحب فيها ولا يتحمل ويصبر ولا يقولك
انتي لواشتكى لك بتقولين اصبر وش اسوي هذي امي صح
نفس الشيء معاه هذي امه ولاتحسبين انه موحاس انك متضايقه بس هذي امه مهما كان
وفي شيء مهم انا وانا اعامل ام زوجي كاني اقول في نفسي ابغى ولدي وزوجته يعاملوني كذا لان اعرف وحده شخصيا كانت تقول كنت انا وزوجي ناخذ اكل وكذا وناكل في غرفتنا وامه تشم الريحه وعلى اساس انها نايمه مايحسبون حسابها
سبحان الله كبرت وزوجت ولدها وتشتكي لامي ان ولدها يجيب فطور ويروحون يفطرون في الغرفه كبده وكذا وهي تشم الريحه ولا احد يكلمها لكن عرفت انه غلطها
فتحملي خالتك تجملي منها اغاريد🌹 هذي امه فاهمه يعني لو الغلط منها لو مسويه اللي مسويته ومعك حق مستحيييييييل يقول لها روحي ولا يوديها عند بناتها ولا يسوي الشيء اللي في راسك لانه وقتها بيكون عاق وماراح تجنيني الا على نفسك فنصيحه اصبري دامها ايام وبتروح لاتخربين علاقتك ب…
انا أعاملها نفس ما أعامل امي وامي بنفسها يوم جت المدينه اللي انا فيها سكنت بشقه ثانيه مع اخوي وتجيني زياره وهي جايه من سفر ، لانها مقدره خصوصيتنا حتى وانا ابيها تنام ما نامت لكن هذي مسببه لي ازعاج وما اتخيل نفسي اسوي بولدي كذا واطفش زوجته مني !! يعني تصرفاتها فيها قلة تقدير واذية
مواضيع مشابهة
تابعي تجارب أخرى من هذا القسم.