التجمع106 للمقبلات على الحقن المجهري واطفال الانابيب

انا مسويتها عند الدكتور بندر اذا حابه اي سؤال .

الله يسعدك شموعي بكثر عليك اساله تحمليني 🙁من اول مارحتي عنده بدا معك ابر من ثاني يوم اكيد طيب وين تروحين تأخذين الابره لازم تدخلين عنده ولا تروحين المختبر عالطول تأخذين الأبره ولا كيف كنتي تسوين وتروحين انتضار عشان الابره من الساعه٨ ولابس تروحين المختبر بدون موعد ولا انتظار؟

مدري فهمتي علي ولالا و من لما بداتي التنشيط لين خلصتي كم مره قابلتي الدكتور يعني كل يوم بقابله لين اخلص تنشيط ولا كيف نظامهم ؟

ومتى عطاك الأبره التفجيرية في اليوم كم من الدوره ومتى كان السحب في اليوم كم ؟

معليش كثرت اساله والله تكسبين فيني اجر قسم بالله ضااااايعه الله يكتب الي فيه الخير انا ابي اعرف ايش بكون عليه قبل اروح للدكتور عشان زوجي يبي يكلم الدوام عن الاجازه وابي اروح وانا متطمنه

Rfvf مبروووك حبيبتي الف مبروووك الله يتمم لك على خير و يكرمك بتوأم سليمين صالحين يا رب

شموعي حاولي بنفسك تغيري نظامك الغذائي وخاصة انك تأخذي جلوكوفاج راح ينقص وزنك كثير
اولا اكلك يكون صحي ، الوجبات كلها لازم تحتوي على بروتين وخضار وكارب ، بين الوجبات تأخذي سناك فواكه
واذا جاك الجوع كلي خس اوجزر اوخيار لأن سعراتها الحرارية قليلة
ابتعدي عن الحلويات والاكل الدسم وخاصة اكل المطاعم
وكثري شرب الماء اكثر من ٨ اكواب باليوم
مع المشي ساعة باليوم
والافضل قسميها نصف ساعة الصباح ونصف ساعة المساء حتى ماتحسي بالملل

ابشري ولا يهمك الحين اجاوب على كل الأسئلة
طبعا البداية من ثاني يوم الدورة رحت له وشاف الأشعة وبدأ يكتب لي المنشطات كانت ابرتين يعني نوعين وكتبها لمدة ٥ أيام واليوم السادس قال لي اجي عنده
الأبر ما يحتاج ابداااااا تجين عيادته لأن بتكون معك ورقة فيها مثل الجدول يسمونها وصفة الابر انا كنت اخذها الساعة ١٢ الظهر
شريت الكمية اللي هو كتبها حقت ٥ ايام من الصيدلية تحت ثم طلعت للمختبر قلت لهم ابغى احد يعطيني الابرة مباشرة وحده من ممرضات المختبر تدخل معك غرفة مخصصينها لهالشيء وتعطيك الابر اهم شيء تكون بنفس الوقت كل يوم
اليوم الثاني جيت ١٢ الا ربع وصلت عندهم وطلعت مباشرة للمختبر وهكذا
لحد ما خلصت ال ٥ ايام طبعا ما تمرين عنده وبنفس الوقت تقدرين تاخذين الابر بأي مستوصف قريب من عندك لكن ياخذون مبلغ يمكن ٢٠ او ٣٠
لكن عند مختبر بندر مجانا طبعا

اليوم السادس يا قلبي جيت الساعة ٩ الا ربع واخذت كرت الانتظار ثم توجهت سويت الاشعة ودخلوني عليه تقريبا ١١ ونص
شاف الاشعة وعطاني جدول جديد مدد لي زيادة ٤ ايام اخذ الابرتين وزيادة عليهم ابرة ثالثة مثبت البويضات
طلعت من عنده وكانت الساعة ١٢ وربع تقريبا شريت من الصيدلية باقي الابر حقت الاربعة ايام تمديد ثم طلعت للمختبر مثل كل مرة
ولما خلصت الاربع ايام حقت التمديد رحت له طبعا من الساعة ٨ ونص عشان تلحقين على كرت الانتظار ودخلت عنده على الساعة ١٢ الا ربع قالي اوقف ابر التنشيط وهذا باليوم التاسع واخذ بس الابره الثالثة حقت التثبيت اخذتها بالمختبر اول ما طلعت من عنده برضو على الساعة ١٢

اما بخصوص الابرة التفجيرية قالي اخذها بالضبط الساعة ١ بالليل وهذا باليوم العاشر وبعدها ب ٣٦ ساعة بالضبط عملية السحب

انا بالنسبة لي يوم الجمعه اخذت الابر في الحبيب التخصصي وطبعا دفعوني ٢٧ ريال والسبب لان مختبر بندر ما يفتح الجمعه الا ١ الظهر وانا الابر موقتتها على ١٢
فاخذتها في الطوارىء
حتى الابرة التفجيرية لانها بنص الليل اخذتها بالطوارى

وبس