شاركي في النقاش

سجلي الدخول لإضافة تعليق.

التعليقات

1,876
  1. بنات اليوم شفت صوره لدينا كرزون
    نحفااااااااااااانه وصاير شكلها يجنن
    فاعطتني امل وتفائل ان في يوم من الايام ممكن ينزل وزننا

    يالله يا بنات بلاش كسل واحباط واربطوا الاحزمه والى الامام سر
  2. @el_wafaa

    انا اليوم ثالث يوم لي على هالرجيم والحمد لله نزلت كيلوو ونص

    اكيد يعتمد على طبيعة الجسم


    ++++++++++++++

    شووو السالفة صابتكم عين ولا ايش

    شو هالاحباااط شو هالنفسياااااات

    وين إلي متشجعين ويبوون يوااصلووون وينزلووون

    شو إلي صاااااار

    يالله خلوو عنكم هالكلام ونبدا بدايه جديده من اليوم

    خلونا انبطل كلمه رجيم بنظام غذاائي لمدا الحياه تخفيف وحركه مش رجيم لفتره وعينه ونرجع دبل

    ما بي اسمع هالكلام مره ثانيه

    اخاف انحبط معاكم بعدين "حشرن مع الناس عيد"

    واليوم انا صايمة

    وطبعا مواصله على نظام ام عوشي ( :


    +++++++++++++++

    رجيتكم يا جمااعه

    دعواااتكم لرفيجتي الله يفرج همهاااااااا تراها بمشكله كبيره

    ادعولها الله يسر امرهااا وما يتعسر ...

    ادعوو معاي دخيلكم .....
  3. @wt_ever

    السلام عليكم و الرحمة ...

    كيفكم يا بنات ... إن شاء الله تكونون ماشين صح و النفسيه مرتاحه :26:

    حاولت اقرا الردود قد ما اقدر ... والله فيه الي حالته ترفع المعنويه و فيه الي تطيحها سابع ارض ...

    مشكلتي دلوعه

    شوفي يا قلب أختج ...
    هذا الي يسمونه الوصول على الحضيض او القاع ... يعني اسوء من جيه ما فيه ...
    و الغلط تتشاركين فيه انتي و اهلج و بيئتج بالتناصف ... هم غلطانين بالاسلوب الي يتعاملون فيه معاج لان واضح ان مشكلتج متعمقه من زمان و انج وصلتي هالمرحله لانهم زارعينها فيج من زمان
    و انتي بعد غلطانه لانج متواكله تنتظرين حد ايي و يمسكج و يشجعج و يمدحج و تضعفين من هالتشجيع بدون بذل جهد ...

    اعرفي يا أختي ان محد بيتأذى و تتاثر حياته سواء شجعج او ذمج.. ومحد بيسال عنج فقدتي الامل و زدتي فوق وزنج ولا نحفتي .. الفايده بتكون لج و التاثير بيكون في حياتج انتي ...

    فلا تنتظرين الزين من حد و لا تنتظرين المدح من حد و اعملي لنفسج و لراحتج موب عشان ترضين الناس ... اصنع من اليمون الحامض عصيراً حلواً .. خلي هالتعليقات دافع لج مثل الأخت راس المعزه ماشاء الله عليها موقف بايخ مع وحده خلته دافع لها موب العكس ..

    إنتي يا أختي واضحه مشكلتج من كنا في رجيم رمضان وإنتي بهالنفسيه التعبانه ... مشكلتج مش الرجيم ولا المتن مشكلتج نفسيتج ... و علاجج يبدى بعلاج نفسيتج متى ما عالجتيها بيتعدل وزنج و اكلج تلقائي ...
    نصيحه يا اختي اعملي على الناحيه النفسيه و الدينيه فيج ... صدقيني لو تقعدين تدعين ربج بتالي اليل و تشغلين وقتج بسماع المحاضرات مثل لا تحزن ( و هي من اروع المحاضرات الي متاكده بيكون لها الفضل بعد الله بتحسن نفسيتج ) .. صدقيني لو تسوين جيه وزنج من نفسه بيبدا يتغير و بتنشغلين بامور فيها فايدتج بدل الاكل .. و لا تضايقتي المره اليايه بدل ما تعفدين على الاكل حدي سيادتج و صلي ركعتين لله و ادعي انه يصبرج و يكون معاج ...

    لا تتواكلين يا اختي و خذي بالاسباب ثم توكلي على الحي الي لا يموت ... و ساعتها اذا خذتي بنصيحتي و ما فادتج انا مستعده للي تبينه
  4. @wt_ever

    صهيل الخيل

    ضحكتيني يا شيطانه .. تعاااالي اشوف بتوقيعج طقيتي الثمانينات .. والله فرحت لج يا الخاينه ,, احلى خيانه والله :26:
    عقبال ما تطقين السبعينات يا رب ... بس بعدي طبعا :kiss:


    (A7la)

    يا الي احلى من كذا ما فيه ^-^
    كيفك يا دبه ... ماشاء الله عليج شاده حيلج في هالموضوع ... ربي يعينج و توصلين الـ 55 <<== قمة الكرم
    بس حالج حال صهيل ... توصلينه بعدي انا ... كذا عادي سماح :cool:


    يوم ميلاد حبي

    كيفك يا ميلاد ... والله و انا اقرا حادثة المسجد مسكت صيحتي لان ابني كان جمبي و ما حبيت يشوفني كذا ... والله حريمكم يرفعون الراس و فخر لكل مسلم و مسلمه ... ربي وعدكم بالنصره ,,, الله يعجل فيها يا رب :26:
    قوي قلبج شهدائكم في الجنه إن شاء الله و المجاهدين لهم اجرهم و الصابرين مقربين لربنا ,,, و الله كفيل بهالحيوانات اليهود ... يكفي لا قريتي القرآن يرتفع ضغطج من افعالهم في الانبياء و في حق ربنا عز و جل ... ربنا الحليم غضب عليهم و لعنهم و توعدهم ... و ربي بيقتص لكم منهم في الدنيا و بعد في الآخره... ربي يكون في عونكم و يشد ازركم و يرد كيد اليهود في نحورهم :26:

تابعي تجارب أخرى من هذا القسم.