شاركي في النقاش

سجلي الدخول لإضافة تعليق.

التعليقات

35
  1. صاحبة الموضوع
    حبيبة مبارك
    لما يستوي يبي له على الاقل ساعه ونصف . انا احب يكون مستوي حيل . نطلعه من الماء . ضروري اذا تبون تقلونه بعد فتره . لا تخلونه بماء السلق . ترا يخرب ويصير طعمه ماصخ . لازم تطلعونه . وحتى لو برد لا تخافون . ردوه لماء السلق يغلي له غلوه واحده…
    الملووخيه واايد سهله .

    نحتاج الى :
    كوبين ماء من ماء سلق الحفيده .
    ثوم ـ فلفل اخضر حار ـ كزبره يابسه
    و طبعا ملوخيه مثلجه مفرومه


    الطريقه سهله .

    نجيب الجدر
    ونحط فيه ماء السلق . نخليه يحتر لا يوصل للغليان على نار هاديه
    ونفتح جيس الملوخيه . ونخليها بالجدر .
    شوي شوي اهي بتذوب .

    نكون بالفتره هذه ( مقشرين الثوم على الاقل 10 حبات ) و نحطها بصحن عميق و نفرم عليها الفلفل الاخضر الحار و نحط كزبره يابسه مطحونه على الاقل ملعقتين أكل كبيره . و نطقهم عدل بيد الهاون . تعرفونه ؟
    نخلي التتبيله تنفرم عدل .

    نحط نص الكميه فوق الملوخيه .

    و النص الثاني نقليه بالزيت بمقلاه ( شوي زيت ) بعدين نحطه فوق الملوخيه .

    و نخلي الملوخيه على نار هاديه ..



    ملاحظه هامه .. من اساسيات الملوخيه انها ما تغلي . لو غلت و فاحت راح تخرب .
    لا تنسون الملح


    الحين بالخطوات المصوره ..

    هذه ماء السلق مع الملوخيه بالبدايه


    الحين ذابت الملوخيه
    نحط عليها نصف مقدار الثوم و الكزبره و الفلفل ( مو مقلي )


    هذا النص الثاني بالقلي . .



    بعدين نضيفه على الملوخيه . ونخليها شوي تسخن . و نحوسها عدل .
    بعدين سكروها .
    وخلو المغطى حق الجدر مفتوح لا تسكرون عليها .. عشان لا تنزل الملوخيه بالاسفل ويصير الزيت فوق ... خلو الجدر مفتوح ..

    و سكروا النار . و عند التقديم بس تسخين لا تغلي عشان لا تخرب ... وقد اعذر من انذر :):) :) واااي درس رياضيات :)
  2. @aatr_almntd

    حبيبة مبارك
    الملووخيه واايد سهله . نحتاج الى : كوبين ماء من ماء سلق الحفيده . ثوم ـ فلفل اخضر حار ـ كزبره يابسه و طبعا ملوخيه مثلجه مفرومه الطريقه سهله . نجيب الجدر ونحط فيه ماء السلق . نخليه يحتر لا يوصل للغليان على نار هاديه ونفتح جيس ا…
    الله يجزاك خير

    بصراحة شرح وافي :26: :26:

    رببي يعطيك الف عافيه يارب:26:


  3. ياعيني عالحفيدة أول مرة أسمع فيها..

    تسلم ايدج يالغلاااااااا حبيبة مبارك.. وربي يعطيج العافية..

    تم وضع الشعار.. وحياج عيوني..


    ¸.
    •
    ( `•.¸
    `•.¸ )
    ¸.•
    (`'•.¸(` '•. ¸ * ¸.•'´)¸.•'´)
    «´¨`.¸.*..*المسافرة*..*.¸.´¨`»
    «´¨`.¸.* *. ¸.´¨`»
    (¸. •'´(¸.•'´ * `'•.¸)`'•.¸ )
    .•´ `•.¸
    `•.¸ )
    ¸.
    •
  4. صاحبة الموضوع
    عطر المنتدى
    الله يجزاك خير بصراحة شرح وافي :26: :26: رببي يعطيك الف عافيه يارب:26:
    في بعد صحن بطاطا بالفرن . بس مو واضح كثير ..
    يبت بطاطتين كبار
    و غسلتهم عدل عدل لاني ما راح اقشرهم
    و قطعتهم مثل بطاط الودجز
    و سلقتهم لمده 10 دقائق
    بعدين حطيتهم في صحن قصدير . و فركتهم بزيت الزيتون و الكركم و الملح
    و حمرتهم بالشكل هذا








    و السلطه وااايد سهله . .عاديه اللي موجود في البيت و زينوها بالكريمه الحامضه و قطع من الخبز المقلي و مقطع مثلثات ..

    و التتبيله . عباره عن ( زيت زيتون ـ جيس من تتبيله كنور اللي اسمها ثاونزند آيلند ـ هذه جديده واايد حلوة بس مكتوب نضيفها مع المايونيز . انا ما حبيت بس خلطتها مع الزيت و الليمون ورشيتها على صحن السلطه )

    ترا تعطي لون على أحمر شوي .

    وزينوها بالكريمه الحامضه و بالعافيه

تابعي تجارب أخرى من هذا القسم.