تعبت وانا احاول :(

حبيبتي .. ادخلي معهم عن طريق استفسار او شي عن الجامعه . وكلمي اللي معك في الكلاس
والقي السلام عليهم . وخليك دايم مبتسمه واذا احد سأل عن معلومه تعرفينها لا تستحين تكلمي وقولي اللي تعرفينه


واللي تصير معك اساليها عن الدراسه وايش طموحها ومن هالاشياء يعني تكون هي البدايه في السوالف


حاولي كذا بيحسبون انك انطوائيه او م تبين تسولفين مع احد .. خذي وعطي معاهم والله يسخر لك خلقه الطيبين ♥️

مشكوره حبيبتي وباذن الله بيكون سهل♥️♥️

ترا للأسف هذا اللي يحصل 💔 بس الإنسان بطبعه اجتماعي يحتاج يكون صداقات ولكن مع اختيار الصديقات المب كفو هذا اللي يحصل..
بس عقب ما فضفضت هني وقريت كلامكم ارتحت
والله يوفقج حبيبتي ويرزقج صحبه صالحه تبقى وياج للأبد ♥️♥️♥️♥️♥️♥️

توني كنت افكر في هذا الشي ومتضايقة منه وبالصدفة شفت موضوعك. وانا والله مثلك حبيبتي بالجامعة ولسا ما قدرت أكون علاقات💔 الله يعيني ويعينك
انا من النوع اللي ما اقدر افتح سوالف مع احد جديد بس احاول ع قدر المستطاع. وبديت اتعرف ع البنات واحس انهن يلاحظون اني من النوع الهادي ويبعدون عني💔 واكتشفت انه البنت اللي تسولف وتتكلم وحركية بسرعه البنات يكونون معها علاقات. (ما شاء الله).والبنت الهادية يحسبوها انطوائية وهي تبي صديقات وتحاول
والله ما ادري وش اقولك لأني نفس الوضع واحاول
ان شاء الله يا رب يصير عندك صديقات وتكونين علاقات صداقة ☘موفقه حبيبتي

شكرا على كلامج الراقي والحلو ♥️😘 وصح كلامج البنت الهاديه مب شرط تكون انطوائيه بس أنا اللي مصبرني الصديقات اللي تعرفت عليهم في السوشل ميديا ادري في الناس مايوافقوني الراي في هذا الموضوع بس ترا مب كل مره العلاقات الإلكترونية تفشل عاااادي تنجح وتستوي أعمق من اي علاقه ثانيه بس ان شاءالله نطور من شخصيتنا ونستوي اجتماعيين ♥️ لانه صدق فيه بنات اعرفهم ( ماشاءالله) كانو هادييين وساااكتين وولا لهم حس بس لما اختلطو ويا ناس اكثر في الجامعه او أماكن ثانيه استوو ناس غييير ( ماشاءالله عليهم مره ثانيه😂) جد والله والحين هم اللي يسولفون وماشاءالله سوالفهم شزينها وما تخلص 😁 والله يوفقج اختي ♥️♥️♥️♥️