مستجداتي

يازينك والله والله اني فرحت مع اني ماعرفك الله يحفظك ويسعدك ويستر عليك بس مبسوطه انك فرحانهوحسيتي بالنصر مبسوطه انك حسيتي بطعم القهوه
مبسوطه انك مرتاحه وماهمك منه قولي امين اسال الله ان يجعل ايامك كلها فرح ومسرات اسال الله ان يعطيك حتى يرضيك اسال الله ان يعزك ولايذلك اسال الله ان يجعل كل من اراد بك سوء يجعل تدبيره تدميره ويعزك ويرفع شانك انتي بطله وبنت رجال الله يوفقك

الحمد لله

والله اني فرحت لك وليتني مع اخوانك ابرد حرتي فيه النذل اسمعي حبيبتي امسكي فلوسك ولاتصرفينها وهو لارجع لاتكلمينه ولاترسلين له عيالك خليه هو اللي يجيك ويبدا الكلام معاك واذا رجع لمجلسه قلعته اهم شي كافك شره لاتروحين له
ونصيحتي لك لاتخرجين من بيتك وتروحين البقاله مثل ماقلتي ارسلي ولدك بس انتي لاتروحين تراه بيدور الزله عليك ويقلب الطاوله عليك والله يعلم ايش مخبيلك خليك فطينه وبردي لعصابك للنهايه وتحكمي بعقلك واذا كلمك فكري الف مره قبل لاتردين عليه
ونصيحه لك لارجع اصحك ثم اصحك تعايرينه بضرب اخوانك اصحك حتى لو هو نذل انتي لاتصيرين مثله والله يعلم ابوه ماسكه يعبي براسه ويعلمه ايش يسوي
الله يسخره لك تسخير من عنده ويبعده عن الحرام واهله ويسعد قلبك وروحك وماتشوفين شر يارب

يازين الأهل عزوه وسند وابوك واخوانك اقسم بالله ينشد بهم الظهر خليه يعرف ان وراك ارجال علشان ثاني مره يعمل الف حساب قبل لايمد يده ولا يتلفظ عليك أعجبني تصرفهم مع أشباه الرجال الله يسعدهم يارب وانتي عيشي حياتك وانبسطي وارميه وراء ظهرك ان فتح معك الموضوع تكلمي معه بهدوء وان طنشك وما كلمك طنشيه ولا كأنه موجود لانه يبي يقهرك الله يسخره لك يارب ويبعد عنك وعن اعيالك كل شر ويارب تجين تبشرينا انه اعتذر منك وصالحك ورجعتوا سمن على عسل

احسن ماسوو اهلك يوه احس الناس سمعت صياح والاكشن الله يصلح حال زوجك ويرده لك
ودي والله اني مع اهلك وامردغه واضرب فيه وامط شعره 🤓