بنتي تكرهني

قسم بالله حسيت بغصه وثقل على قلبي يوم قرأت كلامهم
ببساطه الوحده تعترف بكل برود العالم انها تنفر وتكره بنتها لاسباب اتفه من التفاهه
وكأن البنت سلعه او آلة يحركونها على مزاجهم بدون اعتراض واذا ماطاعتهم طاعه عمياء او تكلمت وعبرت بطريقتها الطفوليه انها محتاجه اهتمام منهم يسحبون عليها ويركنونها على جنب
وياويلها لو تصير متمرده او تتكلم اصلاً هي حلت عليها اللعنه وصارت من المغضوب عليهم الى يوم الدين

مدري ألوم مين
ولا اعاتب مين
لكن اللي مو قد التربيه لا يجيب عيال

ما اقول غير الله يلطف ويرحم قلوب واجساد تتعذب وماتلاقي من ينصرها

راح يجي يوم والبنت تشوف نفسها فجأه صارت كبيره
وهي وحيده واقفه من سنوات تنتظر وتشحذ !
فجأه كبرت وما عاشت طفوله ولا مراهقه
وتبقى عالقه بالنص عاطفياً ونفسياً ملخبطه ومشتته
لا هي قادره تكبر وتكمل ولا قادره ترجع للماضي وتعيشه
راح تعيش عمرها وفي شي بحياتها ناقص
مهما تسعى في اكماله ومهما تسامح وتصفح راح يبقى في داخلها تجويف عميييق
راح تبقى مكسوره من داخل وتحس نفسها غير

طيب بنتك طفله محد يقدر يعاتبهاا على مشاعرهاا
بس انتي !!!
الاطفال بشكل عاام يحبو على الفطره يعني اللي يسعدهم ويجيبلهم اشياء يحبوهاا يهتم فيهم ويحضنهم يحبوه ويتعلقو فيه
انتي يمكن اهملتي بنتك بعد ماجبتي غيرهاا
وهيا اكيد حست ولاحظت
ودها ترجعي تهتمي فيهاا تعطيهاا الحب اللي تستحقه
ماتعرف تعبر الا بذي الطريقه
وانتي مع الاسف زدتي الطين بله
انا مااقولك دليلها وخليهاا دلووعه
لا بس على الاقل اعطيهاا حقهاا من الاحتواء

عشان كذا الحمدلله ان للحياة حد
فتره مؤقته وينتهي كل شي
تخيلي لو الحياه ابديه
مااتخيل كمية العذاب للناس او المخلوقات الحيه يستمر

الله يهديها و يصلحها 🌹🌹