السلام عليكم ورحمة الله وبركاته .،،
انا تعبانه كثير مع بنتي الله يصلحها ويهديها ويعيني على تربيتها ..
اول ماجبتها فرحت فيها وكانت كل شي بالنسبه لي .. من وقت ولادتها وهي متعبتني ..
من يوم ولدت وخرجت من المستشفى وهي مستلمتني طول الليل الى صباح اليوم الثاني بكاااااء متواصل .. كنت تعبانه ادور فيها طول الليل وظهري مكسر تكسير من بعد الولاده والطلق الصناعي والله اني احيانا ابكي من التعب وقلة النوم .. طبعا هي اول مولود لي ..
واجلس ادور فيها الى الفجر تصحى الشغاله وتستلمها بدالي ..طبعا انا عند امي وهي كبيره في السن وتعبانه ومافيه غيري انا والشغاله نتناوب عليها ..
وكل يوم رايحه وجايه من المستشفى وكل الدكاتره قالوا عادي مغص فتره ويروح واعطوها ادويه وقطر بس مافيه تحسن ابدا..
رجعت لبيتي بعد شهرين والحال نفس الحال يوميا لمده شهرين ثاااانيه .. يعني راح المغص بعد 4 شهور بالضبط .. انهد فيها حيل لانوم ولا راحه ومزاج سيء للغاااااايه اثر على حياتي كلها ..
بعد الا ربعه شهور كانت كل ساعه تصحى من النوم وتبكي وارجع انيمها وعلى هذا الحال لين كملت ثلاث سنوات وبعدها انتظم نومها الحمدلله ..
بس صارت شقيه بشكل لا يطااااق اتفشل اخذها لأحد .. تخرب كل شي وماتخلي اي شي في حااااله والحين بتكمل اربع سنوات وهي على هالحال وزادت الحاله الان بعد ماجبت البيبي الثاني بإختصار صارت لا تطاق .. وهي مزاجيه وعنيده جدا جدا
كنت اتعامل معاها بالطيب والهدوء والكلام ولكن بدون فايده ..
صرت اسمع من الناس لأنك ماتضربيها صارت متمرده كذااا .. قلت يمكن صرت اضربها واشد عليها اذا غلطت وزادت حالتها سوء ..
والله اني تعبت وكرهت الامومه والاطفال ..
وحياتي انقلبت فوق تحت .. دايما معصبه منها ونومي قليل مررره بسببها ولا عرفت الراحه من طلعت على الدنيا ..
حتى علاقتي بزوجي تأثرت لأن مزاجي دايما سيء ،.،
ومااصدق تروح عند عماتها او احد ياخذها مشوار .. اشعر بالسعاده والراحه واستمتع بوقتي ،..
وش الحل معاها .. يمكن انا ماعرفت اتعامل معاها زين .. بحكم اني كنت اخر العنقود ولا شلت مسؤلية احد ...
على فكره هي ذكيه جدا وشخصيتها قياديه ولمى تلعب مع الاطفال تكون هي القائد لهم برغم من انها اصغر عمر منهم ... وجميله جدا من ولادتها ماشاء الله .. يعني فيها مميزات ماودي ادمر شخصيتها او اقلل ثقتها بنفسها ..
دلوني على طريقه اتعامل معاها فيها ..اللي عندهم خبره يوجهوني .. ولهم دعوووووه-
ظل الياسمين* @thl_alyasmyn_11
عضوة نشيطة
يلزم عليك تسجيل الدخول أولًا لكتابة تعليق.
الله يحفظها لك ويهديها وتكبر وتشوفيها عروسه
ياقلبي انا اشوف أن الضرب يخلي الطفل يتمرد أكثر ويصير عنيف بزيادة جربي العقاب بدون ضرب احرميها من الأشياء الي تحبها يمكن يفيد
ياقلبي انا اشوف أن الضرب يخلي الطفل يتمرد أكثر ويصير عنيف بزيادة جربي العقاب بدون ضرب احرميها من الأشياء الي تحبها يمكن يفيد
حاسه فيك والله
طيب جربتي تستخدمي معاها اسلوب العقاب
مو الضرب لا عقاب غير
يعني اذا ازعجت او خربت شي او بكيت تطنشي وتخليك هاديه لأن ترى هي تآخذ الصفات منك اذا صرتي عصبيه تصير بنتك عصبيه اذا صرتي هاديه تصير هاديه
سبحان الله هم كذا الاطفال
المهم
اذا ازعجت لاترفعين صوتك ولاتعصبين امسكي ايدها وامشي معاها بهدوء طلعيها برا الغرفه
واذا رجعت نفس الطريقه لاتصارخين خليك هاديه اهم شي ولاتكلمينها
خوذيها ورجعيها وكرري الطريقه كذا مره وارجعي اجلسي مكانك ولاتكلمينها
او احرميها من شي تحبه ولاتستسلمين لبكاها وصراخها هذا اهم شي
لأن الاطفال اذكياء يعرفون ان اهلهم ينزعجون من حنتهم وبكاهم ويستسلمون ويعطونهم اللي يبونه
وكمان اسلوب المكافأه مثلاً تجينها فجأه تعطيها لعبه او شوكولاته او اي شي تحبه وتقولين شاطره بنتي عشانك ماتزعجيني وتسمعين الكلام جبت لك هديه
وكل ماتصرفت بهدوء او ساعدتك في شي اهديها
من افضل اساليب التربيه
اسلوب العقاب والمكافأه
كلامي من تجربه
الله يهدي لنا اطفالنا
طيب جربتي تستخدمي معاها اسلوب العقاب
مو الضرب لا عقاب غير
يعني اذا ازعجت او خربت شي او بكيت تطنشي وتخليك هاديه لأن ترى هي تآخذ الصفات منك اذا صرتي عصبيه تصير بنتك عصبيه اذا صرتي هاديه تصير هاديه
سبحان الله هم كذا الاطفال
المهم
اذا ازعجت لاترفعين صوتك ولاتعصبين امسكي ايدها وامشي معاها بهدوء طلعيها برا الغرفه
واذا رجعت نفس الطريقه لاتصارخين خليك هاديه اهم شي ولاتكلمينها
خوذيها ورجعيها وكرري الطريقه كذا مره وارجعي اجلسي مكانك ولاتكلمينها
او احرميها من شي تحبه ولاتستسلمين لبكاها وصراخها هذا اهم شي
لأن الاطفال اذكياء يعرفون ان اهلهم ينزعجون من حنتهم وبكاهم ويستسلمون ويعطونهم اللي يبونه
وكمان اسلوب المكافأه مثلاً تجينها فجأه تعطيها لعبه او شوكولاته او اي شي تحبه وتقولين شاطره بنتي عشانك ماتزعجيني وتسمعين الكلام جبت لك هديه
وكل ماتصرفت بهدوء او ساعدتك في شي اهديها
من افضل اساليب التربيه
اسلوب العقاب والمكافأه
كلامي من تجربه
الله يهدي لنا اطفالنا
الصفحة الأخيرة
الاكيد معاها فرط حركه ومو عيب لو تستشيري طبيب بيديكي دوا يخفف من الفرط واعرضيها على كذا طبيب
ولد اختي كان بكااااي ونصحتها تنقع الحلتيت بزيت زيتون وتدهنه بالليل وتروشه الصباح وكان يهدى جربيها عليها لازم تستمري لان اللي كذا يسمونه شعاث لازم علاج وهو اللي مسبب لها الشقاوه الزايده