تجربتي الجديدة " رجيم الباستا والسلطة المشوية " لعشاق المعكرونة اللي مثلي

" السلام عليكم ورحمة الله وبركاته "

بين الفترة والثانية احب ابتكر انواع من الانظمة الغذائية الموزونة واطبقها
على نفسي ولما المس منها النتائج اعرضها لكم..

هالمرة ابتكرت نظام ما استمريت عليه اكثر من 3 ايام .. لاني بعدها سافرت
وحاليا اكتب لكم وانا اقضي بعض الايام والاجازة في عاصمة الضباب ...

عموما الفكرة باختصار كالتالي...

* اسلقي معكرونة اي نوع تحبينه ابيض او اسمر وبأي شكل كان
سباجيتي او نودلز او شرائط صغيرة .. المهم تكون الكمية مفتووحة
اي نعم وانا واثق من كلمتي الكمية مفتوحة لانج راح تعتمدين على الباستا
كنظام متكامل وماراح نخلطها مع بروتينات او دهون علشان نخاف من اضرارها
وتسلقينها طبعا بدون اضافة مكعب ماجي ..

تخلين هالكمية على جنب ..

وتشترين كل انواع الخضروات اللي تشتهينها بالاضافة لانواع معينة تكون
ثابتة بالنظام وهي ..

** الفلفل البارد الرومي بجميع الوانه البراقة
** المشروم الطازج ذو الاحجام المتفاوته
*** الطماطم الحمراء
بالاضافة لكل الاصناف اللي تحبينها كالجزر والباذنجان والقرنبيط والبروكلي
والبصل وكل ما يحلو لكي من خضروات ..

فقط ابتعدي عن البطاطا !!

اشوي هذي الخضروات على الفحم وشمي رائحتها الزكية
وعند الاكل امزجيها بالمعكرونة المسلوقة وكلي وانتي مرفوعة الرأس
والمعنويات لانكي ستنحفين حتما ...

** المشروبات المسموحة
- دايت كولا بأي كمية
- شاي وقهوة مع بديل للسكر بدون اضافة حليب.

3 ايام .. وكان الفاقد كيلو وربع والحمدلله..
وكنت آكل المعكرونة بكميات مخيفة :(

لكن النتيجة كانت سعيدة :39:

واللي ماتحس في بوادر النحافة من اول اسبوع انا مستعد اتحداها باثبات
علمي وهو ان المعكرونة لا تسمن اذا لم تخلط بعناصر اخرى...

** المدة مفتوحة حتى تشعرين بالنقصان المطلوب وهالله هالله بشرب الماء
بكميات وفيرة ...

وبالتوفيق...

*** الطامح للرشاقة - لندن

:)