يا هلا ر و ز
:)

الله يبارك في حياتج وايثبتنا يارب

هل لعبت فيه من هنا ولا من هنا؟؟ وهل فيه أي رياضة..؟
طول الاسبوع امشي في السليم بس يوم الجمعة فيه غش اصغير مب اكبير :)
يعنى زمن الاكل بدون تفكير انتهي مع ها البرنامج
والضمير يشتغل شغل
اهم شي معالجة الادمان فالاكلات وفهم وحساب كمية السعرات الحرارية
:)
رياضه المشي 20 دقيقة تقريبا كل يوم ما عدا الخميس والجمعة
:)
وزني مب وايد وايد ولا اشويه اشويه يعنى عادى
والله يسلمج من كل شر
:)
وكل الشكر لبنات الكويت ع توضيح البرنامج
:)

السلام عليكم

اقبلوني عضوه معاكم :(

جولي تلاقين دايت فيمتو بكل الجمعيات بس مو مع البيبسيات ... يحطونه يم العصيرات

و متوفر وايد و ما يخلص من جمعيتنا ( جمعية اليرموك) تلقينه بالثلاجه اللي فيها عصير كي دي دي بس بروحه على جنب

انا بمشي عالنظام من اليوم لتاريخ 5/4 .. موعدي مع دايت سنتر .. :(

انا في قمة اليأس من وزني و شكلي
و قمة الاحباط
لدرجه امس قلت لريلي خلاص مابي اسافر بالصيف :(

على فكره .. انا بعد قايل لي الدكتور دشتي اني لازم امشي عالمرحله الاولى شهر .. و متوقع اني انزل 8 الى 10 كيلوات ابهالشهر .. بس بشرط امشي يوميا نص ساعه و اشرب 3 لتر ماي و لازم اتعشا سلطه فيها 3 قفاش زيت زيتون

اليوم الصبح و انا يايه الدوام كانت وحده من رفيجاتي تمشي جدامي بس بعيد شويه .. ماشالله على جسمها صارت سمبتيك و انا اللي معلمتها عن هالريجيم و طبقته من العام و انزلت 10 بشهر و ماشالله للحين محافظه عالوزن اليديد
اعبالنا مع انها بعيده عن ويهي :(
اللي حبطني زياده اني امس رايحه الصالون و اخترعوا يوم شافوني قالولي مدام اشفيج متنتي :( ... قلت بقلبي الله يسامحكم ضيقتوا خلقي قولو امين انشالله ايكو الشهر الياي و اتقولون واي ماعرفناج اشسويتي و ضعفتي ( اتحلم) :(

هاي بنات أنا مشيت على الرجيم شهر..........بس للاسف ما نزلت ولا كيلو....

صج الجسم هضم وكل من شافني قالي وايد ضاعفه..........بس قهر ولا كيلو....

بس هالحين عرفت السبب....الله ينور عليكم وخصوصا هاله لبنان........

أنا قريت كتاب د\ دشتى وطبقته أكل من المسموح كثر ماأبى بدون حساب الكربوهيدرات

يعنى بالعربى طايحتله بببببللللللللللع ومستانسه أن مافى يوع...........

أثرا حتى المسموح لازم ينحسب .......يازينى ياحلوى اخواره......

اليوم أن شاالله ببدأ بدايه سنعه....واللله كريم...........

ومشكوره يا هاله على المجهود المبذول.....الله يجعله فى ميزان حسناتك.....


يا بنات شدو حيلكم الصيف وصل......والملابس الصيفيه تطلع المتن.....

يعنى المدربحه بتبين من بعيد شدو حيلكم...........

اعرف وحده قالها المرحلة الاولي اتمين فيها 6 اشهور ع حسب التحاليل اللى سواها لها لانه وزنها وايد زايد .

ووحده ثانيه كملت 4 اسابيع وما نزل وزنها ولا اتحرك مؤشر الميزان بس يبين ع ملابسها وشكلها انها خفت.

وكل الامور ترجع لطبيعة الاجسام بنات و متزوجات طبيعة الهرمونات تختلف ونسبة الدهون ... الخ

وبالتوفيق للجميع

تجمعنا فالمنتدي يشجعنا ع الاستمرار :)

اتمنى من البنات اللى انتقلوا للمرحلة الثانية يفتحون موضوع علشان كل مرحلة تحمل معلومات وتجارب .

وشكراا
:)