رحلتي الجميله لانقاص الوزن ...

السلام عليكم بنات أمس كان عندي مناسبه وكنت ناويه انزل بس للأسف مانزل وزني
وكان شكلي بالحفل حلو بس عندي مناطق زايده والثقل متعبني الحمد لله عندي دسك
والدكاتره كلهم طلبووو مني انزل وزني ورفضو العمليه خطره فما عندي غير تنزيل الوزن أنا طولي 150
قصيره 🙄😬 ووزني 60 يبي لي عشان أوصل الوزن المثالي 10 كيلوووو انزل 😭😭
ونزولي صعب أمس بالحفل شفت وحده والله كانت سمينه ماعرفتها ناحفه وصايره حلوه
صح السمنه تكبر الوحده طالعه تجنن امون عليها قريبه وصديقه سألتها عن سر
ضعفها وقالت لي انها تسوى رجيم التمر واللبن لمده أسبوع بس بس بس وبعدها تكسره ثلاث أو اربع
ايّام تخفيف تاكل الي نفسها فيه بس تخفيف وترجع تسويه أسبوع وزي كذا
يعني ماتستمر عليه اكثر من أسبوع والله شكلها تغير 180
وتمدح بالرجيم وصديقاتها بالدوام كلهم مسوينه ونزلو عاد أنا قررت خلاص بسوي رجيم التمر واللبن مده أسبوع
قرار لارجعه فيه والله تعبت من الثقل ماشاء الله على البنات أمس بالحفل كلهم ناحفات الا أنا زي مانا ليش والله تعبت
الحين بسوى رجيم التمر واللبن وقريت تجارب لبنات بالمنتدي مشجعه بنات ابي منكم التشجيع تعرفون الاراده والتشجيع
من اسباب الوصول للهدف وراح أصور وزني يوميا عشان اتشجع وتحمس طبعا بنزله بالباوند مو الكيلو لانه بالباوند العداد ينزل
أسرع من الكيلو مجرد عامل تشجيع ولا هو نفسه نفسه
بدايه اليوم الاربعاء وراح أتوقف عن الرجيم يوم الثلاثاء الجاي باْذن الله
الي لها تجربه مع الللبن والتمر تذكرها عشان اتشجع اكثر.
يالله منو جربته تعطيني تجاربتها مابي تحطيم تكفون ابي رفع معنويات بكون قد التحدي لمده أسبوع
والي حابه تسويه معاي عشان نتشجع أنا وياها تبدأ معاي نحمس بعض


يالله انقلوووو تجاربكم برجيم التمر واللبن المحمسه والمشجعه التجارب الايجابيه فديتكم ياحلوات 🌹