فكرة حلوة حبيبتي سجلي بالنادي واهتمي بصحتج واتبعي نظام غذائي صحي أهم شي حافظي على صحتج وأنصحج بالمشي بشكل يومي وربي يوفقج وتضعفين وانتي بصحة وعافية

انتي صح وتفكيرك سليم
اهم اهم شي بصراحه حتى ينزل وزنك عن نفسي كنت اسويها
امسكي ورقه وقلم واكتبي جدولك الاسبوعي او الشي اللي بتسوينه طول فتره الدايت فرضا العصر مشي ساعه العشا تونه وخبز او شوربة خضار الصباح مشي ١٠ دقايق وهكذا .
وامسكي ورقه ثانيه اكتبي فيها اتعهد انا فلانه ........ على نفسي بعد ٣ شهور من تاريخ اليوم بشرط يوصل وزني ..... راح اكافئ نفسي .................> حطي هديه كبيره
واذا لم انجح راح اعاقب نفسي .............> حطي عقاب وتنفذينه


اوكي هاذي الورقتين تحطينها ع الجدار بحيث وانتي طالعه او داخله تشوفينها لازم .
غير كذا لازم تحددين هالاسبوع كم تبين تنزلين ؟ كيلو او كيلوين ؟ ولازم تكافئي نفسك كل نهايه اسبوع بشي بسيط لانك نقصتي كيلو وتعاقبي نفسك لو مانزلتي مثلا جري ساعتين بدون توقف او اطلع درج ١٠ مرات اي شي
اهم شي في فتره الدايت الجوائز ماتكون اكل او وجبه مفتوحه 🤣


وبس والله انك راح تنزلين بسرعه
لان كل نهايه اسبوع راح تتحمسين للهديه وتتذكرين وانتي تسوين الرياضه لو تعبتي او حسيتي ان ودك تتراجعين تذكري وراك عقققاااب 🤣
وامم وزنك لاتقيسينه الا من جمعه لجمعه ويكون ف الصباح او م تصحي بعد الحمام .
وبس بالتوفيق

شوفي البيت بتسوين فتره اتوقع ما راح تزيد عن اسبوع وتملين مو مثل النادي لما تدخلينه وتشوفين الناس وتتشجعين وتغيرين روتين يومك بالروحه له لا تسمعين كلام اللي يقولون النادي بعده يرجع وزنك اللي يحافظ مستحيل يرجع بس ادخلي نادي يكون في كل شي من اجهزه ومسبح مثل وقت اللياقه او في غيرهم عاد ابحثي اللي يناسبك ولا يهمك كلام احد لما تنحفين يبداؤن يشجعونك و بالتوفيق ❤️.

النادي قبل مايكون للتنحيف أولا
بيكون سبب انك تغيرين جو وتشوفين ناس وتتكلمين معهم وتعيشين جو حلو
يعني نفسيتك رح تتغير الملل بالبيت رح يتغير وفوقها لما تسوي تمارين بتنحفين وتشدين جسمك وتعدلين صحتك
بالبيت لو كنتي بتسوين شي كان سويتي للحين !! ودام عندك الفرصة والقدرة للنادي فروحي ليش لا !
مافي ضرر من التجربة !


ثاني شيء مع تعديل لنظامك الغذائي " ركزي مو ريجيم " لكن تعديل لنظام أكلك وعاداتك السيئة رح تخسري وزن وتعودي نفسك على الأكل الصحي ووقتها حتى لو تركتي النادي بتكونين عارفة التمارين الي فادتك بتكونين عارفة


كمان وش الي لو تركتي النادي بيرجع وزنك دبل ؟ اسمحيلي هذول جاهلين تماماً وكلامهم عن غير علم
طبيعي لو تركتي الحركة ورجعتي لعاداتك السيئة رح يزيد وزنك
لكن لو فعلا التزمتي وبنيتي عضل فحتى لو تركتي النادي بتظلي مدة لا بأس بها وزنك مستقر
وما اعتقد شخصيا أنك لو نحفتي وعدلتي جسمك رح يهون عليكي ترجعي تسمني !


لذلك أشوف مافي ضرر تجربين شهر مثلا , وتشوفين نفسك ناسبك الوضع وجو النادي والتمارين والناس حولك وقدرتي تعدلين اكلك خلاص كملي بالنادي على قد فلوسك , شفتي نفسك لا ماناسبك بباقي الفلوس تشترين لك اشياء تتمرنين فيهابالبيت

ما في افضل من النادي في البيت الوحدة تكسل