غيم2000 @ghym2000

عضوة شرف عالم حواء

يابنات انا قررت قرار لارجعة فيها باذن الله (رجيم الصيام)

السلام عليكم ورحمة الله وبركاته... بسم الله نبتدي وببركة الله نقول ونستفتح على خيرة الله ...
مع الاراده القوية والعزيمة ماشاء الله تبارك الرحمن .... قد قررت قرار لارجعة فيها ابدا باذن الله ان اعمل هذا الرجيم ...
اولا ..كيف حالكم ياسيدات المنازل اللي ذبحتكم القعده واكل الحلى :10_8_9: طول اليوم وزيارات وطلعات وووالخ :lookaroun ؟؟؟؟

الى هنا ونوقف خلاااااااااااااااااااااااااص ؟؟؟!!! لازم نضع حدّ لهذه المهزلة ؟؟
:16:
نعم مهزلة السمنة مهزلة ؟؟
الى متى ونحن سمان ؟؟ الناس الحين يستعدون للسفريات والزيارات والزواجات واحنا يالله يالله نمشي مضبوط واذا مشينا نفحم عشان نوصل للمشوار :( :icon36: :icon8:
جاء الوقت اللي نصك فيه فمنا عن الاكل ولو بس شهر :f226:

تعالواااااااااااااااااااااااااااا يالله نبتدي ونشجع بعض طوال هذا الشهر واللي جاااي وان شاء الله على الاقل ننزل النص من الوزن ...( لاتسالوني عن وزني .. خلو كل شيء مستر واللي يرحم والديكم ) :06:
ودي مرررة اروح السوق واشتري ملابس سنعة :7_18_2:

على العموم انا عندي طريقتين للرجيم ولكن هو راح يكون قااااسي شوي .. لكن مايهم نضغط على انفسنا شوي لاحد بداية الاجازه ان شاء الله ..يعني عندنا شهر هذا 3 والشهر الجاي 4 كله باذن الله وكمان ناخذ من 5 اذا شفنا انه نفع معنا الرجيم ..

في طريقه مجربة مني انا زمان قد جربتها ونجحت معي نجاح تمام ولكن يافرحة ماتمت ( حملت على طووووول ) والحمدلله .....
والرجيم ياخواتي...هو رجيم الصيــــام ... مررررررره رووووعه ومفعوله سريع ...هذا الرجيم يصلح لغير العاملات ...وبالذات اللي عندهم شغاله.. :3_2_8v:

اما للعاملات راح اعطيكم رجيم مشابه للرجيم تبعنا بس من غير صيام
( اصبروا علي راح يجي دوركم )

اول شيء رجيم الصيام ..... اتبعوا الطريقه صح وخلونا نتشجع ونبتدي مع بعض من يوم السبت هذا باذن الله والشاطره اللي تنزل تمام ..

اولا .. قبل كل شيء .. الصيام صحه والرسول صلى الله عليه وسلم قال
( صوموا تصحوا ) فالصيام بركه للانسان ويعمل عمل التنظيف والراحة لابني آدم
وصدقوني يابنات والله اذا اتبعنا هذه الطريقه بحاذفيرها شوفوا وش راح تصيرون وتقولون غيم قالت باذن الله ...
وبعدين نجعل هذا الصيام عبادة ومن القلب .. مانخلي هذا الصيام كانه غصب وانه عشان الرجيم ...اعتبروا هذا الصيام عبادة مباركه منك لله سبحانه وتعالى ...تخيلي نفسك برمضان الله يعوده علينا يارب..
ثم اعتبريها حالة صحيه لك ...مافيها شيء .... الصيام نعمه .. تصدقوا في دول اوروبا فتحوا عيادات يعالجون بعض المرضى بطريقة الصيام ...وهم كفار.. واحنا مسلمين مانسويها ...

شوفوا الطريقه ....
باذن الله تعالى ...يوم الجمعة ليلة السبت .. السحور ....
نتسحر على توست مع كوب شاي قليل الدسم وحبة فاكهه او خيارة .. ننوي الصيام لله سبحانه وتعالى ...اوكي بنات( قولوا ان شاء الله ) ...معليش بنحس اول يوم ثقيل وعشان النهار طويل راح نشعر بالتعب لكن مايهم ...اللي يبغى الدح لا يقول اح ..:)

صباح السبت بعد مايروحوا اولادنا المدارس ....طبعا فاضيه.... الشغاله تشتغل وبتقوم باعمال البيت .. معليش اول يوم مانتي طايقه عمرك لانه راح يكون الوضع متعب شوي ...نرتاح مانعمل شيء طبعا ....
طول اليوم اقضيه مابين العمل الخفيف ومابين الراحه التامه ...بالعصر قبل اذان المغرب بنصف ساعه يعني احنا بالرياض ياذن تقريبا 6 و22 دقيقه اوكي من الساعه 6 الا عشره دقايق العبي رياضة الدرج .. اطلعي وانزلي اطلعي وانزلي الايام الاولى من عشره مرات الى 15 مره ...وفي كل مره يزيد العدد ممكن يصل الين 40 مررره.. وكل يوووووووووووم ...

وبعدين استعدي للافطار وهو3 حبات تمرفقط......مع كوب لبن قليل الدسم مع حبة خيارة او فاكهه او عصير طازج ...
بعد الصلاة ....نرتاح ربع ساعه يكون الغداء والعشاء جاهزلك (((( كلي مايحلو لك من غداء وعشاء سوا(((( مره رز مع ربع دجاجه وسلطه وشوية مرق ادام .... ومره سمك مع شوية رز .... ومرة مكرونه مع سلطه ومرة صينية خضار مشكله مع رز ابيض ساده ... ومرة مرقوق اذا اشتهيتي ..... ومرة شوية جبنة بيضاء مع شوية زيتون اسود وحلاوة طحينيه اكل حجازي .... ومرة كلي سندوتش فقط محشي باي شيء تبغينه >>> يعني كلي كل ماتتمنين ولكن بشروط ..
1 -بدون ملح واجد..قليل الملح ..استخدمي الليمون بديلا>>> طبعا على اي طعام هذا الكلام يشمل كل شيء ..
2-ابتعدي عن المخللات بانواعها والدهون والشحوم وقللي من الزيت اثناء الطبخ
3- ابتعدي عن قلي البطاطس ممكن طبخها مسلوقه مع بصل وثوم تكون افضل
4- ابتعدي عن الغازيات والحلويات الدسسسسسسسمه مررررررره
5-السكريات ممنوعه الا بقدر قليل جدددا ...
6-الكاكو مسموح بس بقدر قليل كشهية فقط ..
7-ابتعدي عن النوم بعد الاكل مباشره
8- اكثري من شرب الماء
9-ممارسة الرياضه ( على راحتك اي رياضه تحبينها وتعرفين لها مثل رياضة المشي ورياضة الدراجه ورياضة البطن ورياضة الحركات الجسميه.....الخ
10-لاتخبرين احدا بعمل ماتقومين به حتى لايحبطون عملك...
11- خففي زيارات الاهل والجيران عشان تبتعدين عن المغريات الا اذا كانت اراداتك قوية ..
12-اهتمي بجسمك من ناحية العناية الشخصيه وانشغلي بقراءة الكتب وانشغلي
بشعرك وببشرتك .. حتى تنسين موضوع الرجيم من بالك عشان ماتصابين بالاحباط ..
13-لا تحاولين من ثالث يوم انك تسالي اي احد عن جسمك .. ماعليك من احد سوي اللي انتي مقتنعه فيه دون اللجوء لاحد ..
14- اشربي اي شيء تشعرين انه راح يفيدك مثل الشاي الاخضر .. بذرة الكتان..الميرميه ...اي شيء كيفك انتي حره ...
15-مسموح بشرب الشاي والكافي بقليل من السكر.... واكثري من شرب المااااااء
ابتعدي عن العصائر الجاهزة.بتاتا......
16- اجعلي من كل خميس اكل حرّ لك لكن بحذر جددددددددا يعني اعتبري يوم الخميس اجازه لك ..ولكن اكل صحي جدا ...
18-حاولي ان يكون نومك منتظم ...
طبعا بعد ماتغديتي وعاينتي خير وارتحتي نص ساعه وشربتي اي شيء بعد الاكل مثل الاعشاب او شاي اخضر او اي شيء ......

بعد كذا خلاااااااااااااااااااااااااااااااص ماعاد في شيء (( ارجوكم )).....صوم ليلي ماعدا المشروبات مثل الماء او الكافي والشاي ...............اذا شعرتي بجووووع بعدين على الساعه 11 و12 بالليل كلي خياره او خس اوفاكهه مثل تفاحه اوكي
وبعدين مارسي الرياضه :7_5_131: ...مابين الساعه الى الساعه والنصف
( الرياضه اي شيء على كيفك ) اهم شيء رياضه ... :10_8_11:

وقت السحور.....كلي توست محمص مع كوب شاي طبعا يدهن التوست اما مربى او جبنة قليلة الدسم او زبده اي شيء.....
.قبل اذان الفجر العبي رياضه خفيفه عوضا عن عدم استطاعتك بلعب الرياضه بالصباح لانك تعبانه من الصوم ماراح تلعبي ...
واشربي مااااااااااااااااااااااااااااااء وانوي الصوم والله معك ...وجربوووووووووووووو اسبووووووع وشوفوووووووووووا الفرق باذن الله ....

وهكذا يااخواتي على هذا المنوال ...........وكل يوم حاولي تخترعي شيء من نفسك ...
يعني مررررره تطلعي انتي وزوجك وروحي امشي معاه ...

ومررررررره اطلعي انتي واولادك حوش بيتكم وتمشي على رجولك ..
وبعد صلاة العشاء روحي على غرفة نومك رتبيها اشتغلي فيها تحركي عشان تتحركين ...واشربي مااااء... حاولي تقراي عن قصص اللي نحفوا عشان تتحمسين ... تذكري اللي راح يشوفونك بصورة اخرى ايش راح يقولوا عنك واولهم زوجك ....واذا عندك حموات وصديقات رشيقات انقهري في نفسك عشان تتحمسين صدق والله ...كل شيء مايجي الا بالغيره...والمراة معروفه بغيرتها...نغير المهم ننحف

طبعا هذا النظام ينطبق على اللي مثل حالتي عندها شغاله .. قاعده طول الوقت لاشغل ولا مشغله الا شيء بسيط ... وحده فاضيه طول الليل ماتنام الا شويه وتقوم على قرب الفجر ...تقدرون تمشون على هذا النظام بكل سهولة ( لاتقولون والله عندي رضيع عندي اطفال عندي زوجي لازم اتغدى معاه ووووووالخ ... معليش تغدي معاه بس هو وعياله لهم غداءهم وانتي لك غداءك .....

للعاملات لهم نفس النظام ينطبق عليكن وتنطبق على اللي ماتقدر تصوم كل يوم ....وهو
ممكن تفطري فطورعادي فطور جميل ... ...
وتتغدى غداء رجيم من غير مانقول ونشرح ...اوتغدى ان تاكلي فقط سلطه او زبادي مع خياره فقط ...وتمشي على الرياضه
وتتعشى عشاء خفيف..........
او تجمعي الغداء والعشاء مع بعض على الساعه 7 ..وهكذا ....نفس الطريقه لا اختلاف ابدا ..ومع الرياضه بالذات رياضة الدرج ...

لكن صدقوني مع الصيام افضل واحسن ...لان الصيام يعمل عمل الراحه والتنظيف للمعده .. ويعطي فرصة للجسم بحرق الدهون ...؟؟

يالله يابنات تشجعوا وخلونا يدا بيد ونبتدي من يوم السبت هذا باذن الله ...
اللي حابه تبتدي الله يحيها انا والله ناويه باذن الله ولكن حبيت نتشجع ونتحدى السمنه بالاراده القويه باذن الله ,, لاتنسون الدعاء ..
الله يشفينا من هذا الداء ... لان فعلا السمنه دااااء ...

في شيء بقولكم عليه . انا قاعده الحين استخدم خلطة عبد العال للكرش ... اخذته من عند العطار ...خلطة اعشاب يقول انها خلطة عبد العال...اخذ مقدار ملعقه صغيره اسفها سف مع مااااء يساعد ني على راحة بطني ويعمل على ليونة المعدة والحمدلله مايسوي اسهال لالالالالا ابدا ... ولكن يسهل عليك الامر بسرعه ولله الحمد ...
هذا اللي انا قاعده استخدمه حاليا ..

يالله هااااه وش رايكم ؟؟؟؟؟؟؟؟ طولتم عليكم .. لكن لازم اشرح كل شيء لكم عشان الله يخليكم لاتقعدون تسالوني .. مثل ماقلت لكم ...كل شيء موضح .... بس ابغى تشجيعكم وهمتكم معي وكلنا مع بعض ...

هذا الرجيم ( رجيم الصيام ) مافي احسن منه ...ومفعوله جدا رهيب ومع الاستمرار ممكن ينقص والله الى 10 كيلو الى 15 بالشهر او اكثر بعد ..

انتم سووووا اسبوع وشوفوا هل ارتحتم عليه والا لا .. وبكيفكم انتن حرييييين ...

وشكرا لكم ...
تمنياتي لكم بالصحة والعافيه ... :icon28:

سلاااااااااااااااااااام .. :) :27:
.... ...

65K

يلزم عليك تسجيل الدخول أولًا لكتابة تعليق.

تسجيل دخول

كلام الحب • 19 سنة

ما شاء الله عليك جدولك حلو...بس ما يصلح لي انا ضعيفه...

ان شاء الله تبلغينا النتيجه..

دمووووع الاسى • 19 سنة

ماشالله عليج اختي غيم على كثر الريجيماااات ماعجبني غير طريقتك وان شاللله راح ابد معاك لانه من بكره

يبنــــــــــــــــــــــــــــــــــــــــــــات تبدا الايــــــــــــــــــــــــــــــــام البيض فاجا هذا المووووضوع بوقته
سيري ونحن ورائك يالغاليه واحب ازيد عليه اضافه بسيطه انشالله تنفعك والي هي ماخليت احد بالمنتدى ماخبرته فيهااا واكيد ملووا من كثر ماكررها وال اهي

خــــــــــــــــــــــل التفـــــــــــــــاح مع مـــــــــــــــاء الورد

تخلطينهم مع بعض وبعد كل ترويشه تدهنين جسمك فيهااااا وبس راح تنحفك وتشد جسمك

وبعد خلطة ام سلطااااان حلوه نشربها مثلا بعد العشاء وعلى الريق نشرب ليموووون
هذا الي استخدمه مع رجيمي ونحفني وفادني وايد اكثر من الرجيم
وفيه بذر الكتان امكن ابدا اشربه على الريق لان مفعوووله زين جربيه يالغلا
هاااه وش رايك في اضافاتي وتراني ببدا معاااااااك

غيم2000 • 19 سنة

هلا اختي كلام الحب .. شكرا لمرورك ...وماشاء الله عليك ...العقبى لنا يارب نصير ضعيفات مثلك ....وان شاء الله راح تسمعي الاخبار الزينه يارب ياكريم .. دعواتك بس ...

هلا اختي دموووووع الاسى ..
لا دموع بعد اليوم :) انتي اعزمي من قلبك ولايهمك ... واضافتك روووووعه ... بس اذا دهنت جسمي بخل التفاح مايترك ريحه شينه شوي ...؟؟؟

وحياك الله معنا يالغاليه .. وذكرتيني بالثلاثه الايام البيض ....صح بكره 13 ...ان شاء الله نبدا من بكره ان شاء الله ...

همتكم يابنات ...الله يجزاك خير .. شجعتيني ... الله يوفقك ...

خلاص يدك بيدي يادموووووع ...وان شاء الله ماتشوفين الا اللي يرضيك ..

ياريت تذكريني بخلطة ام سلطان ...ولك شكري ..

دمووووع الاسى • 19 سنة

صباااح الخير يااحلوه والله تمنيت انك تكونين صاحيه علشان نتقف على الرجيم المهم يا الغاليه
الخلللللل ريحته شووي وبعدين اول ماتطلعين تروح صدقيني

اما خلطة ام سلطان( مراميه _بابونج _شمر _اكليل الجبل _نخاله) هذي اهي بس انا ازيد عليهاااا قشر الرمان وزنجبيل وكمووووون بس جدا رائعه جربيها يالغلا ولاتنسين الليمون عللى الريق راااح يخفي نص بطنك في فتره قصيره

خلينا نودع السمنه اللي لعوزتنااا تصدقين لي 3شهور اسوي رجيم بس مانتظم زين الي منتظمه عليه الخللل والليموون والخلطه فتره اطول عليها وفتره اتركهااا
وهكذا الله ينحفنا يارب جميعا

غيم2000 • 19 سنة

صباح الخير والورد والياسمين ..
يارب دعواتك يالغلا....والله اتمنى اغمض عين وافتح الثانيه ولاقي نفسي وكل الاخوات اللي يبون الرشاقه رشيقات من غيرشر....يارب ياكريم ..
لكن ماعلى الله ببعيد ..هو كله يعتمد بعد الله على القوة والاراده ...

نعم ذكرتيني بخلطة ام سلطان الله يجزاها خير ويجزاك خير .. بس انتبهي ترى النخاله كثرتها يسبب تعفن بالبطن زي اختي .... حاولي ما تكثرين منها ..
وان شاء الله باامشي على طريقتك بالنسبه للخل وماء الورد ...باذن الله
والليمون كمان ...
بس كيف تحسي ان بطنك صغر عن اول بكثييييييييير ...

على العموم ... انا من اول موجوده انتظر من يشجعني . والحمدلله لقيت استجابة وباذن الله الباقيات بالطريق ...
انا بروووووح اريح شوي وانام ... والتقي فيكم مرة اخرى ...ولاقي الردود السنعه باذن الله ...

مع خالص تحياتي ...