ياناس خلاص انا مليت ارجوكم

توكلي على الله وابدئ نظام واشتركي في مجموعة في نادي رياضي علشان تتحمسين
وفي البيت تخلصي من كل انواع الاكل الي تسبب السمنة من حلويات ومعجنات وشوكلاتات
اذا بديتي اكل اكلي ابدئ بسم الله والدعاء ان الله يقويك
وبعدها ابدئ فطورك بالبيض المسلوق(2) مع خبز البر
او بيضة وملعقة زيت زيتون مع ثلاث ارباع رغيف بر
واشربي بعدها كاس مويه على ملعقة خل تفاح
والغداء استبدلي الارز بالبر مع مرق خضار وسلطة
والعشاء كمان خبز بر مع تونه او صدر دجاج وسلطة
وبين الوجبات خوذي زبادي قليل الدسم لانه يحرق الدهون بالذات دهون البطن
ولاتفكرين بالريجيم خلي اكلك صحي وانتي راح تشوفين النتيجة
الشوكلاته بامكانك تاخذين مرتين بالاسبوع بمكان الزبادي اصبعين كت كات او مارس صغير او سنكرز صغير طبعا مايكون عندك في البيت لانك رح تضعفين وتاكلين منه
خليه اذا طلعتي مشوار
وخوذي 20 جم كاجو او اي نوع مكسرات قبل الوجبة بنصف ساعة علشان المخ يرسل اشارة الشبع للمعدة خلال 20 دقيقية من بداية الاكل ولما تتعود معدتك على قل الاكل

اختي الريجيم اكذوبه لانك تتعبين وترجعين الوزن نصيحة اخت مجربة بدلي بنظام اكلك وخلي نوع الاكل ذو قيمة عالية لانه المعدة تاخذ وقت بهضمه وماتجوعين بسرعة
وقولي لنفسك كم لي وانا على هالوزن ماتغيرت مايضرني اذا جربت التبديل في انواع الاكل
وامشي على الاقل 3مرات في الاسبوع في البداية لمدة 20 الى 30 دقيقة

طبعا اكلي الفاكهه
مثل حبة تفاح او موزه صغيرة او 3حبات تمر او برتقالة بين الوجبات بدل الزبادي
وبامكانك كوب كابتشينو من نستلة مكتوب عليه 59 سعرة الي يجي 9ظروف في علبة
والوعد معك بعد شهر
وان شاء الله تشوفين الفرق وتدعين لي

واكتبي يومياتك في الموضوع واحنا نتابعك ان شاء الله ونشجعك

اختي بديت اليوم وبديت امشي على السير الكهربائي

ممتاز اكتبي لي في الموضوع كل شئ تعمليه من رياضة واكل وانا بعطيك النصائح الي اقدر عليها وان شاء الله البنات يشجعونك
عندي اخت كان وزنها 59 وتزوجت ومع الولادة المتكرره وصلت اكثر من 87 وكنت دائم احاول بها تعمل ريجيم وفجأة تحمست بعد رمضان وبدت الحين وصلت ماشاء 74 ومعنوياتها عايه ودايم احمسها واشجعها واي شئ تحس فيه ارسلت رسالة او كلمتني
اخر رسالة اكتبتها اليوم تقول الله يوفقك في الدنيا والاخرة على دعمك المعنوي
انا اكتب لك هالكلام علشان اقولك ان الانسان اذا عرف ان فيه احد يهتم له ويتابع ويكون القائد له يتشجع ويتحمس

الحين ابغى اشوف الهمه وحاولي ماتطلعين الايام الاولى وتمشين نصف ساعة مو اكثر وابعدي اي شئ مغري عن عيونك
والعشاء حاولي يكون خفيف

وبالتوفيييييييييييييق ان شاء الله

بعدين وزنك 104 اذا حابه تفقدين 2 كيلو بالاسبوع من غير الرياضة خلي اكلك بحدود 1500 سعرة وبكذا تنزلين 8كيلو في الشهر
ومع الرياضة راح تنزلين اكثر