٥/رمضان

الحمد لله .. مازلت مستمرة

وصرت بفضل الله آكل بشوي وأتطعم بالأكل
كان على السفرة منتو وأخذت حبة وتطعمتها زين وكفتني مو مثل أول آكل بلاشعور

أكلت نفس أمس تقريبًا

ومشيت على الجهاز نص ساعة واستيبر عشر دقايق ..

يارب أستمر 🪷

٦|رمضان

الحمد لله .. ماشية على النظام
بس أحس كثرت فواكة
والمفروض فاكهة وحدة تكفي

وطلبت لي من محل اسمه تايغر دايت
برقر لذيذ وفيه ٣٠٠ سعره
وسعرات البطاطس يمكن ١٣٠
الحمد لله مشبعة وخفيفة تبارك الله

اللهم أعنّي لأستمر ✨

٧|رمضان
على النظام ولله الحمد
ومشيت على الجهاز نص ساعة
وستيبر ١٠ دقائق

وأنا الحمدلله أحب الكوسة وتفاجأت أن سعراتها مرة قليلة طبغا مطبوخة بدون زيت وأحط فوقها دبس رمان شوي وشطة وآكلها ساخنة تطلع قمة الروعةً💕💕
يارب في هالشهر الفضيل اجعلها لي بداية درب الرشاقة ومن يتمنى ..

٨|رمضان
ليلة الجمعة.. اللهم صلّ وسلم على نبينا محمد وعلى آله وصحبه أجمعين ..

اليوم الحمد لله على النظام
بس وسعت على نفسي شوي بمناسبة مرور أسبوع
أخذت شوكولاتة صغيرة
وأخذت بفك

والباقي صحي ومحسوبه سعراته

واكتشفت شي فظيع :
( جهاز الستيبر ) ممتاز ونتائجه سريعة لمن تريد شد منطقة أسفل البطن والجزء السفلي
تلاحظين نتيجة واضحة خلال أسبوع
كيف باللي تستمر ؟!!!

ناوية بإذن الله أركز عليه ، ويارب مايجي العيد إلا وأنا ٧٥ 💕💕💕

٩/رمضان

على النظام الحمد لله ..

وفيه فكرة ينصحون بها .. ولاحظتها على نفسي
إذا أردت تكتفي بوجبتك وتشبعك .. كل مايكفيك وقم امش بعدها ولو ١٠ دقايق

أما يجلس الواحد كذا على الوجبة يسولف أو بطالع شي فكذا راح تزيد شهيته ومايحس بالاكتفاء ..

يارب أعنّي لأستمر