نسبة دال ٣٣ والمختبر معطيني المعدل من ٧٥ الي ٢٥٠

بنات مثل ماهو موضح ب العنوان عن نسبة دال عندي واستخدمت بيودال ٥٠ الف لكن سببت لي أعراض ووقفتها. لكن حابه أسألكم هل من اعراض دال شد خلف الأذن ووخز مثل الدبابيس والم مثل الطعن متنقل ب الجسم وخوف و وسوسه مع ملاحظه اني اذا طنشت الأعراض تروح لكن إذا ركزت يجيني رعب. بناااات دال ليش مايرتفع بسرعه. والله عقدني وحرمني لذة الحياه لي كم اسبوع عظامي تألمني وكل دكتور له رأي اللي يقول نسبة دال عاديه واللي يقول منخفض ابي ارتاح والله احس نفسيتي دمار حتى عيالي ملو من كثر اوجاعي ومن كثر ما اشكي

31 تعليق 12,940 مشاهدة

شاركي في النقاش

سجلي الدخول لإضافة تعليق.

التعليقات

31
  1. @aaoatf_trky_2

    انا سبق رديت عليك في موضوعك الاول
    هل طبقتي شي من الكلام اللي ذكرته لك خلال الـ 6 أيام من اخر رد لك على كلامي ؟
    هل شربتي العصير الاخضر الطازج بالليمون ؟
    هل اكلتي تين ولوز وبطاطا حلوه وطماطم وسبانخ ؟
    ترى العلاج مايجي في يومين ثلاثه لازم تستمرين وتطبقين الكلام اللي ذكرته لك اسبوعين ثلاثه ثم شوفي بعدها اذا ماتحسنتي تعالي افتحي مواضيع واشتكي واطلبي الحلول
    لانك كذا جالسه تضيعين وقتك وتشحنين نفسك وساوس وخوف وكل هذي المشاعر المرعوبه اللي فيك تلعب في هرموناتك وتأثر عليك
    ترى الوخز والطعنات اللي تحسين فيها غالباً من العضلات لانها محتاجه مغنيسوم وبوتاسيوم وصوديوم والعصير الاخضر بيعطيك كميه ممتازه منه لو تشربينه يومياً على الريق طازج
    وانا وضحت لك في الموضوع اللي قبل عن ضرورة المغنيسيوم في حالات نقص فيتامين د
    لان اذا نقص فيتامين معين علاجه احياناً يحتاج فيتامينات ومعادن ثانيه عشان جسمك يقدر يمتصه ويستفيد منه
    وانا سهلتها لك ونصحتك بالعصير الاخضر والتين واللوز واكل الورقيات الخضراء جربي اسبوعين ثلاثه اذا ما استفدتي اقطعيها بكيفك
    والاحتمال الثاني ممكن ب12 يكون ناقص عندك وعلاجه انك تاكلين بيض ولحوم واسماك وكبده وبإذن الله يرتفع عندك
    واذا عندك مشكلة حموضه او تاخذين ادوية حموضه ترى هي السبب في عدم امتصاص الجسم ب 12
  2. @aaoatf_trky_2

    حروف 2020
    ايش هي مقادير العصير الاخضر
    العصير الاخضر عباره عن عصير ورقيات خضراء بالليمون
    تقدرين تضيفين اللي متوفر عندك من الورقيات الخضراء نوعين الى ثلاثه انواع بحجم قبضة اليد مليانه من كل نوع
    وتضيفين للورقيات خياره صغيره وعصير ليمونه ونص كاس ماء بارد وتضربينه بالخلاط وتشربينه الصباح قبل الافطار بنص ساعه على الاقل
    وممكن اختياري تضيفين له اي شي مفيد مثل تفاح اناناس جزر كوسا بروكولي اوراق نعناع و زنجبيل طازج

    الطريقه المعروفه مكوناتها :

    نص كاس اوراق سبانخ
    نص كاس بقدونس
    نص كاس كرفس
    عصير ليمونه
    خياره صغيره
    تفاحه
    نص كاس ماء بارد
    زنجبيل طازج قطعه قد اصبع الابهام
    واضربيهم بالخلاط واشربيه طازج

    ومو شرط تلتزمين بنفس المكونات يومياً
    ممكن يوم تكتفين بالسبانخ والكرفس والليمون
    ويوم تكتفين بالبقدونس والكرفس والخيار والليمون
    ويوم كزبره وبقدونس وخيار وليمون

    اللي متوفر عندك من ورقيات خضراء تستسيغين طعمه استخدميه

تابعي تجارب أخرى من هذا القسم.