(ملف)*** برنامج من كل بلد أكله ***

سمك بالخرشوف



½ كيلو سمك فيلية – نص كوب بقسماط ناعم – 3 ثمرة خرشوف – ربع كيلو سبانخ
2 ليمونة – معلقة كسبرة خضراء مفرومة – 2 معلقة كريمة
3 مشروم – 3 معالق ذبدة
الطريقة
نقطع السمك شرايح
نضع ورق السبانخ فى شوية زيت صغيرين فى مقلاية مع ملح وفلفل لحد ماتتشوح ونضعها فى طبق
نضع شريحة السمك من ناحية واحدة بس فى البيض المربوب ونضع على البيض شوية كسبرة خضراء
اللى على السمكة ونضعه فى بقسماط ناعم برضه من ناحية واحدة اللى فيها البيض
نشوح السمك فى الزيت لحد ما يستوى ويتحمر
فى مقلاية نشوح المشروم والخرشوف المقطعين فى الذبدة مع شوية ورق بصل اخضر
ثم نغرفه فى طبق مع شوية بقدونس مفرومين ثم نرصص السمك فوقهم
نصب على السمك الصوص
الصوص
فى نفس المقلاية اللى حمرنا فيها السمك نضع عصير ليمونة
و3 معالق كريمة وحتة ذبدة صغيرة ويادوب يغلو غلوة
نطفى عليها ونصبها على السمك

ارز بالشبت (صيامى)



طماطم – فلفل ملون – بصل – لرز بسمتى – مشروم – بصل – شبت
بقدونس – ليمون – ملح – فلفل – كسبرة
الطريقة
نضع الزيت على النار ونشوح فية الفلفل الشرايح والطماطم الشرايح والبصل الشرايح
وملح وفلفل وكمون ومعلقة كبيرة كزبرة ناشفة ومعلقة صغيرة كمون
ونشوحهم لحد مايستووا ثم نضع عليهم الارز ونقلبهم كلهم ثم
نضع المشروم والبقدونس والشبت ونخلط ونضع الماء ونقلب
ونتركه لحد مايستوى

كفتة جمبرى

جمبرى بيبى – سمك فيلية مفروم – ثوم – بصل – كسبرة – بقدونس – ملح وفلفل
كمون – كزبرة ناشفة – ممكن سنة مستردة
الطريقة
نفرم كله فى الكبة ناعم خالص
نبل ايدنا بالماء ونعمل الكفتة صوابع ونضعها فى الدقيق
ونضعها فى الزيت على النار لحد ما تستوى وتتحمر

ملوخية ناشفة بالصلصة



ملوخية ناشفة – بصل – ثوم – طماطم مبشورة – شوية بقدونس – ليمون
الطريقة
نضع ماء على النار يغلى ونضع فيه بصلة مبشورة
ومعلقة كزبرة ناشفة وملح وفلفل ثم نضع الملوخية مع الاستمرار فى التقليب
وبعدين نغطيها
الدمعه
نضع فى طاسة زيت وثوم مفروم والطماطم المبشورة والبقدونس المفروم ومعلقة صغيرة كزبرة ناشفة وملح وفلفل ونقلبهم حوالى 5 دقايق ثم نعصر نص ليمونة ونقلبها
ثم نضعها بسرعه على الملوخية تقليبة ونطفى

يا don
بحاول اكتب من امبارح في المنتدي مش عارفه:(
المهم حضرتك عامله ايه؟؟؟
و خير هيثم ماله يارب مش تكون حاجه خطيره!!!!