قصتي مع زوجي وصديقه حسبي الله عليه

بعدها اتصلت فيني انه وقالت ان بيجي قريب عشان يشتري لنا لبس العيد وان بياثث لنا شقه قريبه منهم بيت شعبي قديم بجمب اهل زوجي مكون من مطبخ وغرفه وحمام وصاله قلت يصير خير

اهمشي بيت ماحد يبلش فينا ولانبلش ب ب احد هاذا الي ابيه

كلمت اخوي وقلت له قال لونك بنتي والله ماراح اخليك ترجعين له قلت ماعليك بس اذا شفت شي ماعجبني بعد هاذي خلاص برجع لكم >>وانا كذابه اهمشي ابي انحاش

صحيح ان الاهل عزوه بس صعب يتحملون عيال غيرهم

وانا ماابي عيالي يتشردون

يكفيهم ثلاث سنين وهم يشوفون المشاكل وكنهم عاله ع غيرهم خلاص انا جربت الحياه عند اهلي صح انهم مالومهم ببعض الشي بس حتئ انا ماكان بيدي شي كنت علئ امل انتظر الايام والشهور تمر بسرعه عشان اروح ل بيت مستقل

كان حلمي اشوف عيالي يلعبون براحتهم يكسرون عند اهلي كان حتئ المكيف ماهو عندي تخيلو فترة الصيف الي اجلس فيهم بدون مكيف انام عشان امي تشوف ان المكيف تكيييف لي يبرد ع قلبي ههههه التلفزيون كان ممنوع يحضرون فيه

زي ال لاجئين

لين جا الحمدلله الفرج وارسل لي انه جاي بياخذنا وتجهزت واخذنا وحطنا ف البيت الشعبي بس اقسم بلله انه يسوا هلبيت ملايين الدنيا
فيه حوش ي الله راحه سعاده

حطني فيه وسافر وصار يغيب شهر ويجي اربع ايام

كذبت ع اهلي ان هو عنديوان سافر يومين ب الكثير ويرجع عشان ماحد يبلشني ويقولو جالسه بروحها
والحمدلله كذبتي ماانكشفت

استمر الوضع لين خمس شهور تقريبا بعدها اتصل علي

الحين هو يسافر شهر
وين يذلف وين ينقلع
ايش هالشغل الغريب
والله ولا وزير خارجية

متابعتك كملي

يالله الله يكتب اجرك وربي انك بطله تحملتي كل ذا😖

طبعا لمن صرت ب البيت المستقل
من فضل ربي والحوقله والصلاه الابراهيميه وسورة البقره والتقرب لله شوفو كيف بعد العسر يسر


من اليوم الي اخذني فيه وكن الي صار صفحه وانطوت معاد فتحناها رجعنا زي قبل وجلس عندي اسبوعين بعدها سافر

صرت اكلم امي كل فتره
اسلوبها تغير معي ومع عيالي يووو امري بي وتدللي يبنيتي صارت تشتاق لنا
اخواني صار تعاملهم عسسسسسل


لمن اكلم امي طبعا قلت لامي ان زوجي يسافر ويغيب شهر وعليها وان ماتقول لاحد من اخواني قالت معليه اهمشي امسكي بيتك >>تبي الفكه من ازعاجنا😂

ولمن اكلمها تقول الحين اخلي احد من اخوانك يجيبك لنا تتونسين عندنا وف اليل يرجعني لبيتي

وتقول لخوي يمرني وياخذني بشرط ان م انام عندهم

صرت كل اسبوع اروح لها ساعتين وارجع لبيتي

وصرت اعزم امي واختي كل فتره من العصر لليل نفل ام امها ويجوني محملين من كل شي حلويات وبطاط وعصير واكل من المطعم مرات

اما ام زوجي اجيها مره او مرتين ف الشهر من العصر لين المغرب لان اخاف يكونون عندها عيالها واستحي ينقال تدوج وزوجها مسافر واعزمها وماترضئ تجي كل مره تقول اذا جا ولدي اجيكم وكل مره يجي تسحب علينا


زوجي لمن يكون عندنا يشتري المقاضي واللوزم ويملئ الثلاجه واقسم لام زوجي من الخضره والشي الكثير وارسل مع عيالي لها وتفرح والله

وان احتجت شي وهو مسافر كان يكلم اخوانه يجيبون لنا بس لين طفشو اخوانه واقترحت عليه

يكلم موصل الطلبات يوصل لنا ويحول له فلوس وعيالي يطلعون يجيبون الاغراض

عشان ومانبلش احد ابد

الحمدلله هم وانزاح نوعا مااااء بس كان ناغز قلبي شي مو مرتاحه له ان اخواني يدرون ويسببون لي مشكله فاتحت امه ب الموضوع وقلت لها ان هاذا الشي مضايقني قالت ماعليك بشكل موقت باذن لله وبعدها ياخذكم معاه لين يخلص شغله

لان مره من المرات قبل سنتين نقزت فيها لمن كنت عند اهلي وقلت اصلن فيه بيت عند اهل زوجي يمكن يحطنا به قال اخوي والله ب الرشاش بعدين وش شايفنا محنا رجال يحطك لحالك عند اهله ويسافر

>ف صار يراسلني كل فتره واقوله اني عندً ام زوجي او ام زوجي وزوجي عندي ولمن يجون ياخذوني لاامي اقول لهم زوجي عند امه رجعوني لبيتي عشان مايعصب علي وسيارة زوجي مع اخوه

لين صار خلاص قال لنفسه ذي دامها مع زوجها وش دخلني فيها