كنت أمس في مجلس وبدون أي مقدمات فتحت وحدة من الحضور موضوع ورق العنب والملفوف وكلنا توقعنا إنه سؤال عادي
فجأة انقسم المجلس لفريقين 😂
فريق يقول مكانها الطبيعي مع الشاهي وفريق مستغرب أصلًا كيف تنأكل مع الشاهي ويشوفها وجبة عشاء متكاملة
وصل النقاش لدرجة إن كل واحد صار يدافع عن رأيه وكأنه حقيقة و محد يقبل الجدال ابد
الورق العنب والملفوف بالنسبة لي مو مجرد أكلة له وقتهم ومزاجهم أشوف مكانهم الطبيعي مع الشاهي
أما تقديمهم على العشاء فأحس إنه يفقد جزء كبير من متعته صراحة
هل فعلًا ورق العنب والملفوف اطباق لهم وقتهم المناسب أو أن الموضوع مجرد ذوق شخصي وكل واحد يستمتع فيه بالطريقة اللي تعجبه ….؟؟؟؟
الغريب إن ورق العنب والملفوف من أكثر الأكلات اللي الناس تختلف على توقيتها فيه اللي يشوفه وجبة عشاء متكاملة وفيه اللي ما يتخيله إلا مع الشاهي
انتـم شرايكـم..!!
شاركي في النقاش
سجلي الدخول لإضافة تعليق.
التعليقات
55- معليش لكن مو شرط الكل يثبت ع رأي اللي بالفريقين ببساطة كلٍ وذوقه
اللي تبي ورق العنب مع الشاي بالعافية عليها واللي حتى تبي مع الماء هي حره أو اللي تاكله سادة بدون مشروبات عافية ع قلبها
الناس بشكل عام مقتنعين في أكلة معينة مو لازم الفريقين يصيرون رئيسات عليهم ويبدون يغيرون طريقة أكلهم أو حتى إضافة المكونات
في البيوت السعودية أغلبنا إذا مو كلنا طريقة عملنا للقهوة مختلفة فيه اللي تحب الهيل أكثر وفيه اللي تسويها وتضيف مسمار وفيه اللي تشتري القهوة من أسر منتجة
عاد كيف ورق العنب الجاهز أو اللي يسوونه إختلاف كبير بعضهم يفضل الحامض أكثر والبعض يفضل دبس الرمان
عزيزتي قولي لهم الكل ياكل اللي يحبه وما عليهم من الفريقين - والله يرجع عالمزاج و رغبة الشخص
أنا و عيالي مره نخليه وجبة غداء او عشاء ومره نعتبره سناك و تصبيره
ومره ناكله مع الشاي - الملفوف وورق العنب صنف مرن
يعني عادي يتقدم مع الوجبات كطبق جانبي مع المقبلات و السلطات
وعادي يتقدم مع الضيافه جنب الفطاير والحلويات
وفي ناس ياكلونه وجبه متكامله خاصة في بعض الدول العربيه يطبخونه بطريقه يكون معاه لحم وما يحطون ليمون كثير وياكلونه وجبه
اما احنا الطريقه اللي نسويها ودارجه عندنا في دول الخليج اللي هو ملفوف او ورق عنب او بصل محشي رز وورقيات خضراء ما نحط لحوم فيكون عادي نقدمه كطبق جانبي للضيافه - ممكن مقبلات مع الاكل والسلطات لان حامض لازم يكون معه اكله اضافيه
....
وانا احبه مع الشاي - بالنسبه لي صنف مالح لازم مشروب حالي عصير او شاهي وحسب مزاج الشخص يعني لو حابه معا قهوه عادي
مواضيع مشابهة
تابعي تجارب أخرى من هذا القسم.