يوميات المجموعة الثانية (من وزن 70 إلى 79) / رشيقات2007(2)

هاي بنات يااحلى بنات في الكون والله
انا الحمد لله مبسوطه الحين عشان شيء حلو صار لي
وزعلانه عشان :09: مجنونه اكلت صحن كبسسسسسسسسسسسسسه مو مني من كبرت هالقدر وانا ملقيت خير عرفت اني بخوق :(

معليش من يوم قفلت الصبح وانا في المطبخ هاك ياطراق انا وهالقدر الله يغثه اكبر من الفرن بسم الله عليه وموعدي اودي هالكبسه الساعه 2,30 بعد الظهر وماخلصت اللين تملخت اكتوفي الله يملخ هالقدر واحطه في حافظتين واسكب لجارتي منه لانها تحبها كثير واخلي منه عشاء لرجلي وعيالي واروح المدرسه وانا وحافضاتي انتهاوش بالشارع مالحقت اطلب تاكسي اخذتها كعابي ... هي المدرسه قريبه بس مع الحافضات بعيده وينزل هاك السنو علي ويا برد يغطي عيوني وحجابي وحالتي حاله يوم وصلت للمدرسه وانا تافله العافيه ويدخلوني على فصل ولدي الله يصلحه وتنفرج خشته وتطلع سنونه من فرحته اني ماخذلته وتقدمني المدرسه وتفك الحافضه الأولى ومادريت اللي المدرسين في الفصول الثانيه يمدون رؤسهم ويسألون وش هالريحه وتقول لهم كبسه واغرف وماتغرف اللين خلصنا الفصل والمدرسين وتاخذ الحافضه الثانيه توديه للفصل الثاني واستأذنهم الا شوي وقفوا الطلاب ويصفقون لي ويشكروني والله استانست كثيير واللي يمدح واللي يسأل عن طريقته كنه بسويها :hahaha:
طولت عليكم جايتكم في الكلام
وارجع انا وعيالي لانه خلص دوامهم الساعه ثلاث وربع وادخل البيت الا فكوا حلوقهم يبون كبسه وهم دايم ياكلونها ......... بس لا اليوم طعمها غير اكلوا منها الأنغليز
واحطلهم وكلن ياكل الا واتذكر شغله مهمه ............................................. وهي اني مابعد افطرت او اكلت شيء مالت اختكم على الكبسه وهاتي يانتقام وكلي صحن وه اه اه اه اه اه بعد ماخلصت حسيت اني قتلت نفسي هيء هيء هيء

وهاذي سالفتي الشينه

jp.com
الله يحيكم والله انه راح يكون عندنا عيد
ان شاء الله ارسلك طريقة الكبسه عللى الخاص
اخاف استذنب في وحده من البنات وتروح تاكل منها :p


ام لولي
اكيد عيونك حلوه والله يحيكم
شدي حيلك في الرجيم مانبي تخبيص مكرونه وما مكرونه >>>>>>>> ليتك تشوفين نفسك :22:


**لينا**
هلا والله يالغاليه
ايه انا متغربه بس مبسوطه كثير هنا اللي ذابحني شوقي لامي وابوي
ودي اسولف معهم واجلس وياهم واتقهوى وامزح معهم مشتهيه اشياء كثيره اسويها معهم
الحياه هنا فيها متع كثير


الدبدوبه
هلا والله وغلا فيك
من طول الغيبات جاب الغنائم ههههههههههههه
ان شاء الله الهمه تمام


رومنسيه ومنسيه
الله يحيك ويبقيك يالحبيه ان ماشالتك الأرض تشيلك عيوننا
شوفي حجز الحبيبه دي دي واحجزوا سوى وانا في انتظاركم
تصدقون والله ودي انكم تجون حاسه انكم اخوات لي واحبكم كثير


بسيسته
مشكوره يالغاليه
الله يوفقك وينجحك يارب
اذا نجحتي لك هديه :S_45:


غزوله الغزلان
تمام عليك الله يقويك


لغد (ارشق)
والله كنت مثلك الأسبوع الماضي وانقهرت مره بس ايش سويت
خبصت يومين بس مو مره لا اكلت عادي شوي حلى مع سلطات مع بعض المعجنات >>>>>>> وتقول مو مره
بعدها سويت رجيم ماتصدقين نزلت800 الحين في ثلاث ايام بس انا اساساً لاغيه العشاء تماماً
بسفطور وغداء الساعه ست او خمس وعليها لليوم الثاني
يالله الله يعينك ويقويك ان شاء الله نسمع اخبار زينه ولا تكدرين خاطرك


وين معلمه بتتقاعد ان شاء الله تكون بخير
وكرماله مالها حس
ومريم جوردي
رؤيا خير
مامثلها عذاري
وفتاة الأسلام11
وفراشه سعوديه
وباقي البنات
الله يستر عليهم ويعافيهم

وسلامتكم
شكلي طولت ماني بصاحيه والله

السلام عليكم ورحمه الله وبركاته
كيفكم بنات انا نسيت ادخل السبت واخبركم اني نزلت 2 كيلو واصبحت 87 كيلو :)
ادعوالي بالاستمرار

قصدي 78 يا بنات:42:

صباح الخير على الجميع سمعت فيه كبسه وش الحكايه
الله يعطيك العافيه أم الدرر
رجيمي تمام
اليوم قست وزني لقيت نفسي ناقصه نصف كيلوا
تبون تعرفون السبب
صرت مأكل عشاء
جربوها ماراح تندمون الي يقولون أن الوزن ثابت