~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~

ام محمد



الله يخليكي عيوني
باهي فرحتني وعجبتي السله هي حلو بكل وتقدري ادريها بي الكرميل توهانزلها ان شاء الله بس مش انا الي درتها كانت ديرتها العزيزيه دموع المهاجر نحن ثلاث ليبيات في منتدى .... دايرين ملف للحلويات الليبيه كان الحق ملف متميز ,اما بخصوص الشكولاتة بضبط ابتاع الكيلو وتسيحيها.
باهي فكره المعمول حلو مع القهوه .

ان شاء الله ربي ايعاون واتزيكي عزمه نزيكه وخفيفه ظريفه



ام تقى الدين



الله يخليكي هذا كله من ذوقك عيوني ,ام تقى الدين حتى انا عندي اقاربي في ابوظبي هوو مدامته من نفس العائله هو دكتور اعصاب .

السلام عليكم ورحمة الله وبركاته

كيف حالكم اليوم يا بنات

ام محمد
كيف حالك اليوم , وشنو صار في العزومة

حتى نحن اليوم كان عندنا عزومة توا بس كيف كملت
عازمين خالي اللي وصل من السفر الاسبوع اللي فات وبيسافر بعد 3 أيام ومعاه خوالي اللي قاعدين هنا
درنا العشي شربة وعصبان وبيتزا وطاجين جبن ودجاج مشوي

وبالنسبة للحفظ الحقيقة انا ماحفظتهاش سورة المرسلات وان شاء الله نحاول نحفظها بكرة او السبت اذا حصلت وقت فراغ و لكن الحمد لله راجعت جزء عم كامل مع بنات حافظات الربع وسمعوا عليّا


حياه
اهلا يا غالية
توا فتحت الياهو لقيت منك اوف لاينز ولكن الياهو باين عليه فيه مشكلة عندي
لأن طلع لي رسالة خطأ بكرة ان شاء الله او في احد الايام القادمة انعاود تحميله عالجهاز
توا وانا نكتب طلع لي تحديثات والله ماني عارفة شنو قصته

أمل
كل عام وانتِ بخير وربي يطول عمرك في طاعته


ذات الهمة
كيف حالك
ربي يرزقك الذرية الصالحة

والدكتور اللي قالت لك عليه ام تقي الدين (المحيشي ) اللي في مصراتة كان تبي رقم الهاتف والا العنوان قولي لي وانا نبعته لك ماهو امي دارت عنده عملية العام اللي فات
لكن الموعد كيف ماقالت ام قي الدين ايضا يتأخر تبي تراجي فترة بيش تحصلي موعد معاه

ام تقي الدين
كيف حالك . وكيف حال اهلك وعائلتك

ليبيا قلبي
كيف حالك يا غالية , وعاش من شافك
وتسلم ايديك عالحلويات الروعة ماشاء الله تبارك الله

تعرفي ذكرتيني بالكعك متاع الجلجلان المعسل درته في العيد اللي فاتت هههههههههه حصلت فيه وماعرفتش نتفاهم معاه ماهو انا مانعرفش نبرم الكعك هههههههه لكن قاومت وكملته وطلع حلو
هو الكعك بجميع اشكاله عندي معاه مقالب الايام اللي فاتت خاطري في كعك درت كعك اللي يطلع من القمع بيش مانتعبش في البرم هههههه

ليبية 100*100
كيف حالك وكيف حال ولدك توا ان شاء الله احسن

اريام
كيف حالك يا غالية و ان شاء الله عتبة مباركة

وسلامي للجميع .... سامحوني مانقدرش نكتب بالاسم ماهو مستعجلة

سلامات

السلام عليكم

تجمعنا في الصفحة الثانية:( ليش العفو:09: وينكم ان شاء الله بخير..

كيف حالكن كلكن اكيد غاطسات العيال والرجالة امعطلين كان حصلتن فرصة خشن وطمنونا عليكن.


سلامااااااات توا

السلام عليكم

جي ليبيا
شكرا حبيبتى اولدي توا احسن والحمد لله وبارك الله فيك علي السؤال...

ذات الهمة
ربي يشفيك ويرزقك بالذرية الصالحة عليك باخذ الاسباب الاطباء والقران تلاوة او سماعا وبالرقية ..

سامحونى انا متاخرة في الحفظ ان شاء الله نتابع حتى بروحي...
ام مودى وميمي ....امواج.....وينكن ان شاء الله خير انشغلنا عليكن وتوحشنا هداريزكن....

باقي البنات الغاليات ان شاء الله كلكن طيبات وبخير.....

سلامات توا

السلام عليكم

كيف حال الجميع

ليبية 100 *100
شفتي الموضوع وين رايح .....
وان شاء الله ربي يوفقك في الحفظ . والحمد لله على سلامة ولدك



سلامات