رابطة لا أكل بعد اليووووم تعالو انضموولي لهالرابطه بسرعه (سيتم اغلاقه بتاريخ 30/7)

هلا والله بام حظيظ
تسلمين حياتي اخجلتيني والله باطرائك
والف شكر على الدعوات اللي تجنن يارب لك مثلها

وهذا الريجيم واتمنى ان ينفعك به الله وان توصلي للي تتمنيه

ريجيم ام عبدالرحمن

يوميا ملعقة عسل صغيرة مع 2كاس ماء على الريق
بعدها بساعه
الفطور
1- كوب حليب قليل الدسم / او عصير برتقال طبيعي ( مسموح الجوالين الطازجه )
2- قطعة توست واحده / او نصف كوب رقائق افطار خاصه بالحميه / او ربع رغيف عربي صغير / او نصف خبز صامولي
3- جبن قليل الدسم ما يعادل ملعقتين / او ملعقتين فول / او ملعقتين لبنه

( لك خيار واحد يوميا من كل رقم )

الغداء
1- صحن سلطه كبييير ( ممنوع استخدام المايونيز او الزيت او التتبيلات الجاهزة)
2- خضار مطبوخه بأي كميه ( مسموح قطعة بطاطا بحجم البيضه فقط )
3- لحم / او دجاج / او سمك ( كلهم ما يعادل حجم 4 اصابع من الكف وبلا جلد او شحوم ) / او بيضتان / او نصف كوب عدس او فول
4- اربع ملاعق طعام فقط من الرز / او المعكرونه / او الجريش / او الفريكه / او البرغل / او قطعة خبز بحجم قطعة التوست

( من كل رقم تختاري صنف واحد يوميا )

العصر
3 تمرات / او قطعة فاكهه ( حميع الانواع مسموحه بشرط حبه واحده فقط وما تكون كبييره )

العشاء

فقط علبة لبن زبادي قليل الدسم مع حبتين خيار
( يجب الالتزام بالعشاء كما هو ويجب تناوله قبل النوم بثلاث ساعات على الاقل )
--------

- مسموح تناول الشاي والقهوة بأي كميه بلا سكر ( ممكن استخدام المحليات الاصطناعيه بكميه قليله)
- مسموح تناول الوجبات السريعه بالغداء ولكن بلا مايونيز ولا جبن وشرط ان تكون مشويه
مثلا
همبرجر مشوي بلا جبن ولا مايونيز وازيلي خبزة واحده ( الكاتشاب مسموح )
البطاطا المقليه 10 حبات على الاكثر
المشروب يكون دايت
وهذا الكلام مسموح مرة واحده فقط بالاسبوع

بامكانك تناول الجريش والهريس والمرقوق ولكن فقط صحن صغير على الغداء مرة بالاسبوع
ضروري المشي يوميا لمدة ساعه
مافي داعي لاي تمارين رياضيه فقط المشي وكل ما زادت المده كان افضل
مسموح لك الحذف من الاكل ولكن ممنوع الاضافه الا بالسؤال قبل
يعني اذا عندكم عزومه او شي قوليلي حتى اضع لك نظام يوم واحد توفقين به بين العزيمه وبين الريجيم
مسموح الفلفل الحار والليمون مع كل الطعام

هذا والله الموفق

---------------------------------

يومياتي :22:
الفطور
عسل وكورن فليكس وحليب = 300 تقريبا

الغداء
همبرجر سويته انا بالبيت
اللحمه 75
2 توست 160
بندوره 30
كاتشاب 25
جبن 36
بصل 30
خس وجرجير وكرفس 10

= 366 يعني نقول 370 تقريبا ( دائما احب ازيد علشان ما ااخذ راحتي ):)

تمرتين = 60
بطيخ = 80

المجموع الكامل للغداء والفطور
=
806
مو مرة فرحت بس يلا احاول امشي اليوم باذن الله
والعشاء بكون برتقاله او لبن زبادي
اذا جاء العشاء قلتلكم باذن الله

وبصراحه زمااااااان ببالي همبرجر البيت:42:

وعلى فكره هذا همبرجر فيتا دايت
اللحم 75 للقطعه
والدجاج 70 للقطعه
مره لذيذ جربوه

يلا بنات سلام يا غاليات

السلام عليكم حبيباتي وحدة وحدة
شخباركم وانا ما طليت عليكم امس لأن الويك اند وطلعنا لذلك ما صار وقت للنت وسامحوني لكن سجلت يومياتي لكم..

شكرا لكل وحدة ردت علي أو سألت عني.
بحاول ارد قدر المستطاع لأن بنتي ما تخليني افكر مضبوط ههههههههه..

أسيرة الجمال مشكورة حبيبتي على الدعوة الحلوة ولا تتركينا احب اقرأ كلامج واذا ما بتسوين رجيم على الاقل لا تاكلين حلا وايد وقللي من الدهن والمقلي وبترتاحين اكثر.

هي دادا مشكورة حبيبتي وانا مثلك بنتي ما شاء الله عليها ما تخليني اكتب كلمتين على بعض وابوها موجود احسه يغار من جلستي على النت وما احس براحة وادخل بسرعة واتحسر واطلع هههههههه وهذا غير شغل البيت وغيره وريجيمك ياام عبد الرحمن عجبني وايد واتمنى اطبقه.

دنيا ملونه حبيبتي ما قصرتي وايد سألتي علي وانا امس ما دخلت لكن لا تخافين الحمدلله مقاومه ما خبصت ووزني 67 طولي 160 وابي انزله عشرة كيلو واااااااي متى بس يتحرك هالوزن.

البنات الباقي شرفتونا واهلا بالجدد.

هاااااااااااااااااااااااي حبايبي

باقي معكم بس عندي تحضير اسئلة ورصد دردجاااااااااااااااااااااااااات اذا خلصت رجعت لكم

مشكوووووووووووووره يا ام عبدالرحمن
وان شاء الله اتواصل معاك بالرجيم.........

بس بهية فينها من زمان ما دخلت الرابطه
عسى المانع خير

وكمان طمنونا عن شموووووووووووووسه والله أشتقنالها
وسلاممممممممممممم

دنيا ملونه نسيت اقولج ما عليج شر ما خفيتي؟ شوفي اشسالفة الترجيع لا تخلين روحج وعالجيه يمكن تسمم او شي.

هلا بأم حظيظ البداية حلوة بعدين كتبي الباقي نستناك.

تهلل البهية وينج ما اشوفج اي والله الحين اكيد زحمة عندكم وامتحانات ودرجات الله يساعدج.

اما بالنسبة لأمس فطرت 1 توست اسمر جبن لايت كوب حليب ملعقة عسل وسطة.

الغدا كان برا لأن الويك اند وتعرفون لازم ارتاح من الطبخ فأكلت قطعتين بيتزا ودايت كولا. بعدها مشيت في السوق وتشريت بعد.

المغرب برتقالة وحبة كيك صغيرة 122 كالوري وبس هذا كان امس ما يتجاوز 1000 سعر حراري.

اليوم فطرت 1 توست مع جبن لايت كوب حليب 2 تمرة وسلطة.

الضحى اكلت تفاحة

الغدا راح يكون فخذ دجاجة وربع خبزة وسلطة وباخبركم عن العشى اذا الله اراد.