خمس كيلوات فقط

اختي انا مشكلتي الكبيييييييييره اني اسهر وما احس بالجوع كثر ما احبه بليل عشان جذي صعب علي احذف العشاء.. غير اني سمعت مره دكتور مصطفى ساري قال انه ماله علاقه لو اكلتي الاكل بليل او الصبح بس الفكره انه الصبح معدل الحرق يكون اكثر عشان الحركه تكون اكثر (بس مو كل الناس تتحرك الصبح) بس بليل نكون نايمين ماكو مجال للحركه(فيه ناس ما يتحركون الا باليل وانا منهم ههههه)..وانه الوقت ماله علاقه بتراكم الدهون يعني لو قلتي الساعه 6 بوقف اكل.. ماكو ساعه رقميه بجسمج تقول انه بعد الساعه 6 لو ما اكلنا راح ننحف. . يعني مو مشكله متى ناكل..المشكله شنو الي ناكله ولازم نتحرك عشان نحرقه.انا نفسي نزلت 30 كيلو بدون ما احدد مواعيد اكلي او اني احذف العشا بس كنت اكشي على ريجيمات فيها وجبات صبح وعصر وليل..انا اشوف ناكل في اي وقت بس ناكل الي ما يمتن ولو نقرق بالتلفون ممكن نقرق وحنا نتمشى بالبيت انا اسوي جذي على طول من كثر ما اقرق اشوف نفسي مشيت اكثر من ساعه هههههههه بدون ما حس بعد.. وترا الشوربه الحارقه ما تسوي مفعول مع التخفيف بس لازم تشربينها مع الريجيم المحدد لها بس الريجيم المحدد لها كيميائي كل يوم اكله معينه وهالريجيم تنحفين عليه ويوم تهدينه تردين اكثر من قبل ..

ايناس القلب
هدفي نفس هدفك
وانا مرتبطه مع بنات
بس حبيت اقولك نصيحه امشي كثير وكل ما جعتي كلي خس
وسلااااااااااااام

انا نفسي مثلك يصير وزني 60 حلم عمري

وان شاء الله يصير الحلم حقيقة

والله يابنات انا اقولكم من واقع تجربة !
اذا تركتي العشاء تنحفيييين !!!
صدقوني انا جربت وتركت الفطور يعني احاول ماافطر الا الساعة 12 الظهر بس مانحفت كثر يوم تركت العشا اخر وجبه اكلها الساعة 6 المغرب وطبعا الفطور والغداء احاول اقلل وحتى العصر اكل وجبة يعني افترضي انك قدمتي العشا للساعه 6 مثلا وبعد سته سكري فممممك لا فاكهه ولا خضار بس موية.
اذا بغيتي الوقت يمر عليك بسرعة ولا تجوعين نامي :)
انا طلعت انام بدري واذا قمت الصباح افطر مبكررره وقبل لاافطر اوزن واسجل وزني.
سوو هذي الطريقة اسبوع وجربي وشوفي يمكن الاجسام تختلف واللي يناسب لي مايناسب لك وممكن تنحفييييين وترتاحين على هالطريقة وتدعين لي:)

السلام عليكم

انا مدري وش دخلني بهالموضوع لان وزني 47 كيلو ... هذا وانا متزوجه ... الحمدلله

على فكره ... انا من النوع اذا طلعت لي كريشه ولو صغيره ... امتنع على الاخر من الاكل ..
لدرجة انها تمر ايام مااكل بس اشرب ماء .. او غازيات ,, او عصيرات .. او شاي طبعاً الشاي هو اللي على راس القائمه ...

ودي منك اختي اذا صحيتي من النوم ... تشربين كاسة مويه وتكون شوي بارده .. لانها تجمد المعده شوي وتخليك تتحملين الجوع ..
واذا حسيتي نفسك جيعانه ماعليك ... قاومي ..اشربي لك من هالماء ...
واذا خلاص تعكر مزاجك من الجوع ... كلي لك شيبس بس ... وارجعي مره ثانية للماء
واذا جلستي ... خلي قدامك ترمس شاي اخضر بالنعناع ...
وكلي نوع واحد من الفاكهه في اليوم ...
وشوفي وش راح تصيرين ...!!!!

مع انك من كلامك ... ماتتحملين الجوع ... الله يكون في عونك ...

تقبلي تحياااااااااااااتي ..