يوميات المجموعة الثانية (من وزن 70 إلى 79) / صيفك أحلى مع الرشاقة(1)

صبببببببببببببببببببببببببببببببببببباح الخيييييييييييييييييييير
كيفكم اليوم
مبين الكل نايم....نوم العوافي ان شاء الله
انا عندي اجازه بس احب انام للساعه 10 وبعدين اقرا الردود الحلوه
مياس غناتي ماشاء الله عليك عيني عليك بارده الله يقويك وتواصلين على هالعزيمه...وكلامك يالغاليه كله صح

ام الامير علي
انتي بعد عجبتيني ....الله يثبتك ان شاء الله ويقوي عزيمتك وتواصلين لين توصلين للسمول

قمراي حبيبتي
انتي لازم يكون عندك قناعه انك لازم تضعفين وبتلقين نفسك قويه امام المغريات(الاكل والحلويات والعصاير) ....انا عن نفسي يوم يكون عندي عرس او عزيمه تصيبني حاله وما اكل ذاك اليوم لاني اكون خايفه من الاجسام الحلوه اللي بشوفها واكيد جسمي بيكون من الاجسام اللي محد بينتبه عليها ....ثاني شي في اثناء العزيمه تكون نفسي منسده من اجسام البنات الحلوه اللهم لا حسد وبعد الصراحه اكون شافطه بطني للداخل علشان ما تبين البلاوي ويكون اللبس حلو فما اشتهي الاكل وكل عزيمه تلقيني في اليوم الثاني ناقصه كيلو او حتى نص

انا مشكلتي 10 كيلو بس انا طويله 169 فما يبين متني بس انا عندي مقاسات معينه في الاجسام يعني احب الاجسام الحلوه

باقي البنات احبكم كلكم واتمنى تستمرون على العزيمه لين توصلون لهدفكم ...واللي ما عندها عزيمه تدخل وتخبر البنات عن مشكلتها وبتلقا المساعده من خواتها

عندي نصايح احب تشوفونها يمكن تستفيدون منها وكلها من المنتدى

1) الصبح اول ما تصحون من النوم شربو كوب ماء مع عصير ليمونه ينظف المعده

2) الشاي الاخضر اذا شربتيه العصر او المغرب بيسد النفس وما بتاكلين وايد في الليل

2)لازم مع الرجيم رياضه حتى لو كان لمدة نص ساعه المشي حلو بس لازم رياضه علشان تشدون الجسم وما يترهل يعني خلي هدفك خلال شهر توصلين للجسم الحلو وليس الجسم النحيف المترهل اعملي رجيم مع رياضه بيضعف الجسم وبينشد وركزو على المناطق اللي ما تحبونها مثل البطن او الاوراك ...بعد هذا خارج الموضوع بس اعتقد انه مهم اللي عندها مشاكل في جسمها مثل عدم توحد اللون او سواد الركب او انقاط اللي في الساق تحاول تحلها في خلال هالفتره وعندكم قسم البشره شوفو اللي يناسبكم وشدو حيلكم خلي هدفك بعد شهر قدام عينك ودايما اتذكري كيف بيكون شكلك وانتي احلى الحلوات

3) كل وحده تحاول دايما ترز طولها يعني دايما خلي ظهرك مستقيم واشفطي بطنك وابرزي صدرك مع الاستمرار بتحسين الصدر والبطن والخصر انشدو وهذا التمرين بيخلي تقاطيع جسمك تبين يعني بيخصر الجسم حتى لو كنتي متينه

4) في تمرين بديت فيه من كم يوم من المنتدى بعد بس حلو يشد الزنود ويشد الصدر ويبرزه واعمليه كم مره في اليوم يعني وانتي امام التلفزيون او امام الكمبيوتر او انتي في الحمام المهم كثرو التمرين ....خلي ايديك قدام صدرك وشبكيهم مثل اللي يسلمون على بعض بعدين خلي ايديك يضغطون على بعض بتحسين زنودك وصدرك يتحرك مع كل ضغطه وهذا يعني انه هاي المنطقه المستهدفه من التمرين عدد الضغطات على كيفك بس احسن اكثر من 20 انا اعمل 50 مره وفي اليوم اكرر التمرين 5 مرات بس جربوه كم يوم انا هذا خامس يوم احس بألم في هاي المنطقه يعني اكيد العضلات بدت تنشد

5) نسيت ....بس اذا عجبتكم النصايح بكتب لكم زياده واذا لا اتمنى تكون في ميزان اعمالي لاني حبيت افيدكم بالاشياء اللي جربتها

ودمتم لمحبتكم ام علي

هاي ياا حلويييييييييييييييييييين انا كنت معاكم بالمسابقة اللي فاتت لكن لو ادري اجن شاركت لاني كنت مسافره وتوني راجعة بس بكون وياكم عموما

7elwa<==== شخبارررررررررررررررج تدرين كنت وابد احاتبج ايام الاعصار عندكم يالله الحمدالله عالسلامة

انتوووووووو للحين بالمجمووووعة الثانية عاجبتكم هالمجموووووووووعة صححححححح
انا وزني
71 هم وياكم
لاني سافرررررررررت اكلت الاخضر واليابس خلال اسابيع الثلاثة المنصرفة
بس الحمدالله مازدت وهذا الاهم


لي رجعة وبسوي رجيم بس بخفف

حاليا لانه مالي مزاج رجيم وخاصة علي الدورة اليوم ثاني يوووووم

بس اهم شي ابتعد عن السكريات وعن نشويات اقللها ودهون طبعا يكون رجيمنا اوكي

صباح الخييييييير............ ولو إن الدنيا الصبح..
بس أنا ما كنت نايمة.. توني ياية من عيادة الإسنان إموديه بنتي.......

رديت البيت ميته من اليوع..والحر.. والتعب..وهجوووووووووووووووووووووووم على المطبخ..
بس الحمدلله قدرت أقاوم .. فشربت كوبين ماي بالليمون.. وسلقت بيضة مع ربع خبز رقاق..
وكلث ثلاث قطع من بسكوت ولدي خخخخخخخخخخخخخ >>>>> فجعانة..
بس.......... حسيت عمري بعدني يوعانة..
فتحت النت.. وقريت الردود.. والله ردت الإرادة والحمد لله..

وبتغدا حبتين برجر مشواي + عصير أنناس وكيوي..

بحاااااااااااااااااااااااااااااااااااااااااول أمشي اليوم..لأن اليوم بطلع لزيارة وحدة إمربية..والله يعين



أم علي ____________ تسلمين على النصايح الحلوة...