حلوياتي الرمضانيه ... :)

يعطيك العافية ..
شكلهم يشهي ..متي يجي رمضان علشان نسويهم ..
الف شكر يالغالية..

والله الكنافة الكذابة حاولت بكل الطرق اسويها ماضبطت مع ان شاء الله اسوي طريقتك هذي وتضبط
على فكرة:
احس صعب تفرشين التوست على القشطة مو تقولين التوست متفتفت مع الزبده؟؟؟

الاحلام الورديه

حلىىىىى سهل وسريع وحلو لرمضان

2 علبة جلي فراوله

1 علبة قشطه

وسكر حسب الرغبه



ترى القلب سويته بالفوتوشوب يعني ماعليكم منه :)


نسوي الجلي بالطريقه العاديه وبعدها نضيف عليه القشطه ونخلط جيدا

نوزعه في اواني شفافه حلوه للتقديم

نحطه بالثلاجه ولما اطلعينه راح تشوفين انه صار لونين احمر ووردي

شكل وطعم وصج احلام ورديه

لقيمات اللبن








2 كاس دقيق هوم بريد الكيس الازرق

ا م وسط خميره مذوبه في ربع كاس ماء دافي مع م وسط سكر

ولبن دافي استعملت لبن البيت :42: ... يعني تاخذين مقدار كاسين وتخلينهم بره يدفون في جو المطبخ

و 3 ملاعق نشا



الطريقه :

نخلط المقادير مع بعض لما تتكون عندنا عجينه متجانسه وسائله نوعا ما ... مو شرط تستعملين الكاسين اللبن كله .... صبي على العجينه اشوي اشوي حتى تتجانس معاج

وخليتها تخمر لمدة ساعه الا ربع .... بعد تغطيتها طبعا وحطيتها في مكان دافي

صبيتها في الزيت الغزير والحار ... وعلى نار هاديه صرت احرك فيها وكانت هذى النتيجه




وطعمها لذيذ مابين الحموضه والحلو ( مابين اللبن والشيره )

ومثل ما شايفين تطلع مقرمشه من الخارج وعجينه من الداخل

وبالاخر ممكن ترشين عليها هيل ناعم او سمسم




وبالعافيه

زاد عندك كاستر من امس تعالي سوي هالحلى منه اليوم

طبعا رمضان لا يخلو من المهلبيه او الكاستر

وانا عن نفسي لازم نسوي منه يوميا

وقبل كم يوم سويت كاستر وزاد عندي... وانتو عارفين بسرعه تخترب ان طولت اكثر من يوم ... ويصير عليها ماي

اخذت الزايد عندي ... وحطيته كله في وعاء واحد
بعدها اخذت 1 كيس دريم ويب وخفقتها مع الحليب البارد لما تكونت معاي كريمه
خلطت الكاستر معاها ... وخفقتهم مع بعض لما تجانس الخليط
بعدها اخذت بسكوت ... وغمسته بالحليب اشوي وصفيته بالبايركس عملت طبقه وحطيت من خليط الكريمه عليه اشوي وبعدها حطيت طبقه ثانيه من البسكوت ... وصبيت كل الخليط عليه
بالاخر فتت اشوي بسكوت عليه مع قطع صغيره من الاناناس ... وزينته بالتوفي
وطلع رووووعه يا بنات طعمه مثل الايس كريم

اتمنى تجربون الطريقه وخاصتا لما يزيد عندكم الكاستر



اهني قبل لا احط التوفي ... وهذى صحون الكاستر خليت منهم صحنين بس :)



وهذا بالتزين

واتمنى تجربونها وراح تعجبكم اكيد