كلت انزللكم اكله قبل مااروح للطبخ :42:
الاكله شويه صعبه بس طيبه هي عروق الفرن المصلاويه بس محشية اخذت الطريقة من بنيه مصلاويه وعجبتني الطريقة وطبقتها وان شاء الله تعجبكم
المقادير : كوب ونص جريش او سميد وكوب ونص برغل ناعم وشويه ملح وخميرة
الحشوة تكون عادية بصل مثروم ولحم بقر مثروم وبهارات حسب الرغبه وملح وصنوبر وتطبخ على النار كما في الصورة

حشوة الوجه عبارة عن لحم غنم مثروم ويفضل يكون دهين قدر الامكان وطماطة وفلفل مثرومين ناعم ومعجون طماطة وملعقه طحين ومعدنوس مثروم تخلط كله سويه مثل الصورة

ننقع البرغل والجريش لمدة ربع ساعة , بعدها نعجنه جيدا باضافة الخميرة والملح ونتركه في مكان دافئ لمدة ساعة حتى تتخمر شويه
بعد ان تتخمر العجينة نعجنها باليد مرة ثانية ونقطعها قطع كبيرة ونبدأ بفرشها على قطعة نايلون ونغطيه بقطعه ثانية ويفضل ان نبلل النايلونة باليد قبل الفرش
ثم نقطعه

ونحط الحشو عليه ثم نغطيه بالطبقة الثانية

ونحط الحشوه الثانية عليه بمعجون الطماطة وتحطيه بالفرن

وهاي الصورة بعد مطلعت من الفرن وبالعافيه على الكل
