يوميات المجموعة الثانية (من وزن 70 إلى 79) / الرابحه الكبرى2007 ج1

السلام عليكم

بنات ابغا اشكي لكم .. تقدرون تسمعوني ؟؟؟؟؟؟؟

وشكراً:(

يارب رحمتك :(

شكراً:(

هلا اختي عسى ماشر قولي اسمعج

أولا تعوذي بالله من ابليس وصلي لج ركعتين وادعي ربج ييسر لج امرج ويشرح صدرج للريجيم

تدرين عاد :

من فترة اربع سنين ضعفت من 89 الى 67 خلال يمكن ثلاث شهور وكان الكل عينه علي ويضرب بي المثل في العزيمة وقوة الإرادة ظليت سنة تقريبا وزني ما تعدى ال 75 ومن بعدها الله لا يراويج اخذ وزني في الازدياد واللي حولي من اهلي اللي يحبوني يقوللون لي انتبهي تراج متنتي وانا اقول عادي كنت اشوف نفسي ضعيفة او مليانة بس لين وصلت لل 100 تقريبا وبعدها ظليت محتارة ومتعجبة من الوضع اللي وصلت له

طبعا خلال السنوات الثلاث الماضي حاولت اني اضعف او بمعنى اخر اسوي ريجيم ما قدرت اسوي ريجيم يوم وباقي الاسبوع اكل بشراهة ما تتخيلينها

المشكلة ما صارت عندي عزيمة مثل قبل والسمنة تعبتني جسديا ونفسيا بس والله مش قادرة اسوي ريجيم فكنت ابرد قهري في الأكل تخيلي وحدة تاكل 24 ساعة اعوذ بالله

وتخيلي مرة سمعت ناس يقربون لي بعد ما نحفت اول مرة يقولون اني انا عندي ارادة قوية اذا بغيت شيء اوصل له خاصة بالريجيم اقدر انحف ومن يومها ما ترقعت

من غير كلام بعض الناس اللي حواليه وتعليقاتهم على حسمي السمين ما تتخيلين كيف كنت اتضايق وازيد في اكلي

بس بعدها جتني مرحلة وحطيت امامي هدف اني لازم انزل وزني لأن صعب اظل طول حياتي بهذا الشكل وبتييسير من رب العالمين وتشجيع اللي حوالي ودعواتهم لي يعني انا اخلي امي تدعيلي وخواتي مثلا واللي اعز عليهم ان الله يثبتني واقدر انزل من وزني من غير دعائي انا بروحي وطلبي من ربي

والحين انا من 9 شهور وانا اسوي ريجيمات وواوقف يعني اسوي فترة وانزل مثلا 5 كيلو واواقف فيرجعلي 3لا3 كيلو وبعدعا اكمل وانزل خمسة وايرجعن 3 وجذي طول ال9 شهور والحمدلله الحين انا بحدود 68 واللي شجعني اكثر ترى عشان انزل ان طلع معاي مرض السكر عارض وانا بعدي في الثلاثين من عمري

صدقيني اختي ما عليج من الانسانة اللي تتحداج ولا تفكرين فيها بعد اذا تبين تنزلين وزنج نزليه عشان نفسج وصدقيني ايضا لازم تجيج لحظة تنوير وتنتبهين عدل لنفسج وتعرفني ان خلاص ما في تراجع عن الريجيج ولازم تحاولني تتداركين صحتج

هذي تجربتي وربي يوفقج وييسر لج امرج وتنحفين من غير شر