كيف الناس العسل ..
بنات وش السالفه اشوف كاننا بردنا هالاسبوع .. بصراحه الوضع عندي مش تمام
ضايق صدري كل يوم اشوف الميزان قدامي وتسول لي نفسي اوزن ومااكذب خبر
الاقي اني زايده غرامين واحيانا ثابت مدري وش السالفه ..
امس خبصت بس ودي تعلموني كم كالوري في ساندوش الدجاج المشوي من كدو ( صدر + شوية خس + نص صامولي بالطول الجزء الي من غير سمسم مع مسحة كاتشب من دون مايونيز وجبنه ) عساني ماجبت العيد .. بعدها شاي اخضر بالليمون .. وكاستين زنجبيل بالليل وشريحتين اناناس قال ايه ابي احرقهم .. ومن الساعة 9 مااكلت شيء __ ليه هو باقي شيء مااكلته ..
اليوم .. الفطور كان توست بر + شرائح طماطم + خيار + خس + 1 جبنة شرائحه منزوعه الدسم من المراعي + ( تخبيصات - سلطة ملفوف مع الذرة 4 ملاعق طعام )
شاي اخضر الربيع
العصر - كوب شوكلاته ساخنه ( لا تتخضون كلها 25 كالوري ) + حبه واحده تين طازج ..
الغداء قبل ربع ساعه - ربع عيش بر + قطعة واحده همبرغر امريكانا بالتوابل العربيه ( 110 كالوري حطيته بالمقلاه وسلقته ببيالة ماء لين تنشف الماء وبعدين اشويها + حطيت عليها ربع شريحة جبنة شدير منزوعة الدسم وطماطم وخس وبصل + سلطة ( خس + طماطم + خيار ) مع تتبيلة للسلطة عبارة عن ( ملعتقين لبن زبادي منزوع الدسم الرشاقه + ملعقة شاي صغيرة مره خردل + ملعقة طعام خل ابيض + ملعقة شاي زيت زيتون + عصير نص ليمونه + ربع ثوم مهروس + رشة فلفل ابيض + ملعقة طعام او اقل نعناع ناشف + تخلط جيدا وتضاف لها بصل اخضر وكزبرة او بقدونس ) جربوها لذيذه مره .. طبعا اتمنى مااكون خبصت
الحين اشرب زنجبيل
العشاء مافي باذن الله
الرياضه - مشيت نص ساعه
ملاحظتي هالاسبوع اني فجعانه واشتهي لبن العصفور .. مع العلم ان غير متزوجه عشان محد يقول اتوحم ..
عندي احساس هالاسبوع مافي نقصان .. الله يعين ..
الله يوفق الجميع
يوميات المجموعة الثالثة (من وزن 80 إلى 89) / رشيقات2008 ج2
متابعة النقاش، صفحة 137