<<ملف ونصائح حلوة فى الحلويات >>

• بودرة الكريم شانتى ( الخام )

منها نوعان.... بودرة كريمة مضاف لها سكر ومنها بدون سكر
اللى بدون سكر بنضع لكل كيلو كريمة بودرة 400 ج سكر خرز عند الضرب

جزاك الله خير

بتى فور سابلية مربى



100ج دقيق – 70ج ذبدة متماسكة – 30ج سكر بودرة
للديكور
مربى – سكر بودرة
الطريقة
1-نضع فى العجانة المقادير ونعجنهم لحد ماتتكون عندك عجينة تسيب اجناب العجانة وتكون ناعمه متماسكة
2-نفرد العجينة على الرخامة ونقطع العجينة بالقطاعات السادة الصغيرة المدورة او على شكل وردة ونخرم نصهم بقطاعه تانية اصغر (زى الدوناتس) وندخلها الفرن على درجة 160 لمدة نص ساعه
3-بعد مايستوى ويبرد اضع مربى فوق كل واحدة سابلية مقفولة ثم اضع فوقها واحدة سابلية مخرومة ثم ارش سكر بودرة عليهم ونضع مربى تانى فى كل فاتحه فى النص

ملحوظة : ممكن نعمل من العجينة دى سابليه جاتوة و تارت
وممكن نعمل كمية من العجينة مرة واحدة واشيلها فى الثلاجة ثم اطلعها من التلاجة قبل الاستخدام بساعه لحد ماتفك وبعدين افردها على الرخامة واعجنها علشان تطرى
اذا حبيتى تضيفى بيض للعجينة دى يبقى امامك حاجة من اتين اما تقللى الذبدة او تزودى دقيق يعنى مثلا بالنسبة للمقدار بتاعنا لو اضفتى بيضة يبقى تزودى حوالى من 30 ل 40 ج دقيق علشان تمسك

• اساس عمل الكيكة الاسفنجية غير المتعارف عليها
اعملى بعد كدة الكيكة الاسفنجية بالطريقة دى دايما وحتنجح معاكى تماما يعنى المقدار اللى حكتبة فى اى وصفه فيها كيكة اسفنجية او جاتوة وحنكون كاتبين المقادير تتبعى الطريقة اللى انا حكتبها دلوقتى بالترتيب اللى حكتبه

اول حاجة تعمليها نضع السكر والبيض والفانيليا والمحسن وربع كمية الدقيق اللى مكتوبة ونص كمية الماء ونشغل الخلاط على اعلى سرعه لحد ماتعلى وتنفش ثم نضع باقى كمية الدقيق بالبيكنج بودر وباقى كمية الماء ونخلطهم على درجة متوسطة ثم نعلى السرعه لاعلى قوة لمدة نص دقيقة






ضروووورى ولازم ويجب



لسهولة توضيب اجناب الكيكة الاسفنجية انك تضعى ماء ساخن فى طبق وبعدين تجيبى سكينة كبيرة وتضعيها الاول فى الماء وبعدين تقطعى بيها اة زيادات انتى مش محتاجاها وكدة الكيكة مش حتتفرفط منك بل بالعكس حتتساوى زى الخط المستقيم

جاتوة الفاكهه




2بيضة – 70ج سكر خرز – 100ج دقيق – 7ج محسن كيك – ورقة فانيليا – 2ج بيكنج بودر – 50ج ماء
للحشو
75ج كريم شانتى بودر – 150ج ماء مثلج
للديكور
برتقال – فراولة
الطريقة
نضع البيكنج بودر على الدقيق ونقلبهم
1- نضع فى الخلاط السكر والبيض والفانيليا والمحسن وربع كمية الدقيق ونص كمية الماء ونضربهم على سرعه عالية لحد ماتعلى ثم نضع باقى الدقيق والماء على سرعه متوسطة ثم نعلى السرعه لمدة نص دقيقة
2-نضع العجينة فى فى صاج مبطن بورقه ذبدة ونفرد العجينة كويس
3-ندخل الصاج الفرن على درجة 200 لمدة ربع ساعه
بعد مايطلع نشيل الورقة ونقطعها بالطول على 3 مستطيلات ثم ندهن المستطيلات بالكريمة ثم ندخلها الثلاجة شوية وبعد ماتطلع نساوى الاجناب بسكينة مبلولة بماء ساخن
4- ثم نقطع التورتة على هيئة وحدات جاتوة بالتساوى ونزوقها بوردات من الكريمة وقطع البرتقال والفراولة
لعمل الكريمة
نضع فى طبق الكريمة البودرة والماء ونضربهم على اعلى سرعه لحد ماتتكون الكريمة