يوميات المجموعة الثانية (من وزن 70 إلى 79) / رشيقات2008 ج4

السلام عليكم

كيف حالك حبيبتى
ان شاء الله تنحفى انتى وزوجك بصحه وعافيه :)

بالنسبه لى اسهل حاجه للسمك والفراخ واللحمه انى اتبلهم قبلها بيوم واشويهم بيكون طعمهم حلو جدا وبدون اى دهون

الفراخ : -
بالبصل والتوم والملح والفلفل الاسود والبهار
واشويها

السمك :_
احيانا احط عليه تتبيله التوم والخل والليمون والبهار الخاص بالسمك واشويه
او اضع داخله بقدونس وكسبره ولمون وارش عليه ملح وفلفل واشويه

اللحوم :_
مره اسلقها واقدمها مع الشوربه المسلوقه فيها
او اشويها

او افرمها مع البصل والبقدونس والتوابل واعملها اصابع وادخلها الفرن
اوافردها فى صينيه وادخلها الفرن وتطلع اقطعها مثلثات او مربعات

البيض :
اما مسلوق اومقلى فى طاسه تيفال بدون زيت اوسمن

شوربه خضار:_
بشوربه اللحمه بحط كوسه وجزره واحده ( او بدون جزر ) وكرنب وكرفس وفاصوليا وقرنبيط واحيانا سبانخ
والله يعين على الطعم :22: لانها بتحرق الدهون لكن طعمها مش اى حد بيحبه

الخضار :-
خضار مشكل وعليه توابل وتوم وبصل شرائح وصلصه بدون اى زيت او سمن وتدخل الفرن

محشى الكرنب او الكوسه :-
بتعملى لحمه مفرومه مع بصل وكسبره وتوم ونهدى النار عليهم الى ان ينضج اللحم
وتحشى الكرنب بعد سلقه وتقطيعه
وتسويه بشوربه اللحم

وممكن الكوسه بنفس الطريقه

الارز :_
الارز البسمتى افضل عشان نشوياته قليله اقل من الرز المصرى
رز مسلوق عادى فى ماء وملح وشويه زعفران وتوابل ويتصفى ( مثل سلق المكرونه )


رز بكور اللحمه المفرومه :_

بتعجنى اللحمه مع بصل متصفى من المياه بتعته وتحطى البهار
وتكوريهم كور صغيره وتحطيها فى صينيه وفى الفرن
بعد ما تطلعيهم تحطيهم فى حله وعليهم الرز والشوربه وتسويه

مكرونه :_
اى نوع مكرونه مسلوقه وعليها لحمه مفرومه متعسجه بالبصل ومستويه وشويه صلصه وتقلبيهم مع بعض مع المكرونه ( ممكن يتكلو كده على طول ) او تحطيهم فى صينيه وبشاميل بحليب قليل الدسم وتقلبى معاه معلقه دقيق وملح وفلفل ومكعب مرقه دجاج وعلى النار بيكون خفيف
وتحطيه على المكرونه وفى الفرن ( بس دى كفايه مره كل اسبوع )

ولو افتكرت حاجه تانى هكتبهالك ان شاء الله :)

السلااام عليكم



كيفكم بناات


فطووري لبنه و 1 توست




الغداء ربع دجاج تبوله 3 ملاعق رز

مشكوره على الدعوه الحلوه

انا مثلك ....... لو مفيش نتيجه بيجيلى احباط وصعب اكمل :(

ان شاء الله ربنا يكرمنا وينزل وزننا بصحه وعافيه

وان شاء الله تنزلى لل60 بصحه وعافيه