اليوم لي سابع يوم في الريجيم الكيميائي ، الحمدالله الأيام مرت وخلصت من الاسبوع الاول،امس جاسني ملل فظيع من الوجبات وكنت طفرانة وايد ومتملله من روتين الوجبات المتكرر،لكن اليوم حسيت الوجبات هونت علي شوي احسن عن كل يوم وانا كنت حاطه فبالي ان شفت عمري ناقصه اليوم بتوكل على الله وبكمل وفعلا هذا اللي شفته فمن جيه احتمال كبير اني أواصل الريجيم الكيميائي...
وتقريري اليوم التالي..
الريـــوق:
(بيضتين + نصف برتقالة)
الغـــداء:
(كباب دجاج مشوي+طماطم+بازلاء مسلوقة+بيبسي دايت)
العشـــاء:
(بازلاء مسلوقة)
وشرب شاي أخضر بعد الغداء والعشاء..
الحين بس باجيلي أشرب خلطة الأعشابقبل النوم واتفرك بكريم التنحيف واسوي رياضة..
وبجيه يكون انتهى تقريري لليوم ، انتظروني غداً مع تقرير متجدد بإذن الله :)