<<ملف ونصائح حلوة فى الحلويات >>

معلومة عن عسل الجولكوز
ابيمنع تسكير السكر داخل المقدار
بيخلى المنتج طرى
بيخلى المنتج داخل الفرن يحمر بسرعه فى الفرن

بسيمة بعجينة السابلية



100ج دقيق – 70ج ذبدة – 30ج سكر بودرة – 150ج جوزهند ناعم - 120ج سكر خرز – 45ج عسل جولكوز – 45ج دقيق – 75ج ماء – 45ج سمنة
الطريقه
فى الخلاط نضع الذبدة والسكر وال 100ج دقيق واعجنها على السرعه المتوسطة لحد ماتتكون عجينة ناعمه ثم افردها بالنشابة مع رش شوية دقيق ونضعها فى الصينية ونفردها كويس
الحشو
فى طبق نضع جوز الهند والسكر ونقلبهم مع بعض بالمعلقة الخشب ثم نضع الدقيق ونقلبهم ثم نضع السمنة ونقلبهم كويس
اذوب العسل فى الماء ثم اضعه على الخليط واخلطهم مع بعض لحد مايتجانسوا ثم اضعها على التارت فى الصينية وافردها كويس وادهن وشها سمنة بالفرشاه وادخلها الفرن على حرارة 190 لمدة 25 دقيقة بعد ماتطلع وتبرد ممكن نرش وشها خفيف بالشيرة التقيلة الباردة

ملحوظة
بعد ما بتستوى بتكون حمرا من الخارج وبيضاء وطريه من الداخل

جزاكى الله خيرا وربنا يجعله فى ميزان حسناتك:39:

ابلة دينا معلش انا يمكن اكون زهقتك بس والله العظيم انا بدعيلك كتيييييير لانك فعلا بتتعبي معانا ومبتتاخريش علي حد
اولا البيتزا لما باجي اعملها فيه مشكلة ان الطماطم بتنزل مايتها علي العجينة وهي في الفرن وبتعجنلي الوش مع انها بتكون استوت من تحت ايه الحل لاني بقطع الطماطم والبصل والزيتون والفلف الرومي واحطهم علي الصلصة اللي هي بتبقي معجون طماطم بدوبه في شوية ماية وبحط عليخ زعتر وريحان وملح وفلفل واعشاب بيتزا انا مش عايزة اغير الصوص بس الطماطم اعمل فيها ايه

سؤال كمان....انا عاوزة اعمل البسبوسة وعندي الطريقتين اللي كتبتيهم بس بصراحة مش عارفة مين احلي لاني عاوزة اعملها وانا راحة لسلفتي وعاوزة احسن طريقة كلهم هنا قالوا عملنا البسبوسة وطلعت هايلة طيب اللي بالقشطة ولا التانية ؟؟ينفع اعملها في صاج البيتزا؟؟والسميد السايب ولا اللي في العلب احسن؟؟
ولو باتت لتاني يوم هتبقي حلوة ولا تبوظ واحفظها لتاني يوم في التلاجة ولا برة
اول ماعمل اي حاجة من كلللللل دة هصورها وانزلها ان شاءالله بس كل ماجي اعمل جوزي يجيب حاجة من برة او بيكون فيه فاكهة ومش عاوزة اللي اعمله يترمي لاني انا عاملة دايت وبرضو مستنية اليوم الفري بتاعي