يومياتي مع المحاولات المختلفة للنحف..اللي تحب تشارك تتفضل (انتهت المدة)

أهلييييييييييييييين جوانا كيفك يا قمر ..

إن شاء الله تنزلي كل الوزن الزايد بسلامة وأمان ...

تبغي تكملي هنا ولا هناك ،، أو في المحلين على كيفك ..

منتظرتك ..

لا طبعا ياعيوني :27:
رح اكون معاك ابي اكون مع صحبتي الحلوه
وش صار مع الملكه خلصتي كل شي
شوفي قلبي اذا تبغين اي مساعده عشان الملكه انا حاضره :icon28:
لاني مريت بهالتجربه وعارفه معاناتها زييييييين:09:

شكولاتة وفراولة >>>>>>>.ممكن تعطيني طريقه الشوربه الحارقه للدهون ...وكم الكميه علشان اشربها خلال اليوم ......وشكرا

أهلين جوانا كيفك ...

تسلمين حبيبتي ما قصرتي ..

الملكة باقي لها من الوقت ثلاثة أسابيع ، ومن التجهيزات .... خليها على الله أستنى أخواتي يخلصوا الاختبارات عشان نفضى ..

إن شاء الله مع بعض الرجيم وننحف مع بعض ..

أنا يوم السبت بكرة أقيس وأحط وزني ،، ما صرت أتبع نظام معين ،، بس لما أجوع أشوف إيش في أكل دايماً ينأكل في الرجيمات وآكل شوي وأكمل ..

سي يو ،، ترى أنا حأكتب في دا الموضوع وحأكتب هناك كمان عشان في لمى ،،

أهلين فلوريدا ..

الشوربة الحارقة أخذتها من النت ،، وأحط لك طريقتها زي ما هي ..

بس أنا عن نفسي ما استخدمتها كثير عشان كانت تقربع لي بطني .. هههههه

لكن أخواتي ياكلوا منها على الغدا ..

بس في النت مكتوب كل ما تجوعي كلي منها ،، وكل ما تاكلي أكثر كل ما يكون أحسن ..

أصلا في يوم كنت جوعانه وأكلت منها زبدية ،، ما قعدت شوية إلا رحت على الحمام الله يكرمك ..

بعدها رجعت كأني ما أكلت شي ،، وقلت أبغا زبدية ثانية ،، الشغالة انفجعتتتتتتتتتت هههههههههههه

حسبتني مفجوعة ، وترى حتى الزبدية الثانية ما شبعتني عشانها تسوي عملية إخراج سريييييييييعة بالنسبة لي ،، بس أخواتي يقولوا ما تسوي لهم زي كدة ....

إن شاء الله تناسبك ، ونشوف إيش طلع معاك .. أكتبي لنا النتايج يوم بيوم ..