تجمع خاص لمتبعات رجيم اتكنز ، دشتي(البروتينات) =الجزء الثالث=

معليش بنات أنا أضطرية أضيف بعض التغيرات على الرجيم لأني حصلي هبوط بسببه ولا أقدر أقوم أو ألعب رياضة :(

فهذا الرجيم إللي راح أسويه بإذن الله مع مشي ساعة باليوم
تقريبا =1040سعر
الصباح: كوب ماء +عصرة ليمونة
الفطور: 7 تمرات +قهوة (140)
الضحى: كوب نسكافة بدون كافيين مع مبيض وسكر سبلندا (70)
الغداء: بروتين + سلطة أو خضار+(3ملاعق أرز أو مكرونة أو أي نشويات) (500)

المغرب: كوب نسكافة بدون كافيين مع مبيض وسكر سبلندا (70)
أو قهوة عربي +3تمرات

العشاء: نسكافة بدون كافيين مع مبيض وسكر سبلندا (70)
+ كليجا خليجية(240)
ملاحظة:شرب لترين ماء +رياضة ساعة+شاي أخضر بعد الوجبات




الله يوفقج ....زوإن شاء الله تنحفين بصحه وعافيه :)

اهلين خواتي

انا نزلت في خلال ثلاث اسابيع 6 كيلو مو واجدبس الحمد لله ان شاء الله عالمراجعه الجايه اكون نازله اكثر..المهم انا لما كنت عند الدكتور

عطاني كتاب فيه جداول مقسمه ..تكتبين فيها كل يوم شنو تاكلين بالوجبات الثلاث وفيه كتب لي قياساتي (الخصر والحوض)وباجي

القياسات بعد موجوده بالكتاب(العضد -الفخذ..)..بالنسبه للي سألت عن النسكافييه انا سألته ن المشروبات قال الدايت +قهوة عربيه

بس من عندي ومن قرائاتي للمواضيع عن هذا الرجيم استعملت قهوة خاليه من الكافيين..

اختي لولا الهدف من الرجيم توقفين اي نوع كربوهيدرات او سكريات.. والتمر مليان كربوهيدرات بجذي جسمك ماراح يفرز كيتونات (يحتاج انك تصومين عن الكربوهيدرات لمده يومين الى ثلاث)

ويمكن تزيدين بدل ما تضعفين ..بالاول صدقوني حسيت بهبوط وتعب ونرفزه اول 4 ايام وبعدين الحمد لله

الحلو بهذا الرجيم انك اذا كنتى طالعه او معزومه ما تتقيدين بالاكل

الله يوفقنا اجمعين

اميره المكيه ابد يا عمري ما في ازعاج بالعكس

بالنسبه للكلوسترول ....انا كلوسترولي مرتفع وقالي هالرجيم راح ينزل الكلوستول عندك

واذا على الجوانب والارداف الحمدلله انا قياساتي متغيره والرجيم هذا يغير بالقياسات واجد..

والرياضه قالي امشي بس انا ما مشيت لحد الحين( ما ادري ليش خبال يمكن) بس ناويه امشي..

الفيتامينات قال اخذي مثل ما تبين بس بسأله عن (زيت كبد الحوت)اوميغا3 المره الجايه لاني قريت عنها بالمنتدي وابلغكم

الجزر ممنوووع

ودي اكتب لكم شنو كنت اكل بس اخاف في شي كنت اكله مخرب على النزول ف ان شاء الله اذا رحت له وشاف الجدول وقال كل شي تمام...راح انزله لكم :)

ماشاءالله تبارك الله