قعدة ستات..(التجمع الرابع لستات البيوت الشاطرين جدا)

السلام عليكم

صباح الفل عليكم

ازيكم جميعا النهارده:27:
اولااااااااااااا نانااااااااااااااااااااا انتي يا ست دندن و الله كتبتلك في الرسايل علي الفيس بوك اسال عليكي ز بعدين انا قلت اكيد بتوضبي في حاجات حموده علشان المدرسه بلاش يا بطاطس الحساسيه الزايده مش فارقه معانا ليه بس:44: انتي ما شاء الله شايفه البنات كتيير و الله اوقات اقرا حاجه اقول هارد اقولها كزا الاقيني نسيت اساسا و مكتبتش:44:
المهم ايه اخبار سيادتك و مزاج سيادتك؟

حبيبه اوسو
انا هاموتك ان شاء الله ليه مش بتدخلي تكلميني علي الياهو زي ما اتفقنا؟ لو ايملي راح منك ابعتهولك تاني
اولا يا جميل استغفري ربنا كتيييييييييييير علي اللي انتي فيه لان دا شيطان هو اللي بيخليكي تقولي كده
بصي يا قمر حواليكي هتلاقي ناس كتير اوي معندهاش نص النعم او حتي ربع النعم اللي عندك
كفايه اوي ان اولادك معاكي و كويسيين و عندك بيت و زوج و و و
مفييش حد كامل يا حبيبه و انا عارفه ان الموود اللي انتي فيه ده هو اللي بيخلي كل حاجه في الدنيا مش فارقه معاكي
عارفه المثل ان عين الرضا تري كل جميل و عين السخط تري العيوب ( دا انا مالفاه حالا هههههه) المهم و الله
واحده واحده كده موضوع الماجستيير محدش هيحله غيرك اقعدي كده مع نفسك و صلي صلاه استخاره و اكتبي علي ورقه المميزات و العيوب و شوفي هتقدري و لا لاء و ملكييش دعوه باصحابك اللي قدروا دا مش معناه انك فاشله لاء دا معناه ان الموضوع قدرات
انا يا ستي مع اني متعينه في الجامعه لكن اهدت الماجستيير في 4 سنيين مع اني و الله كنت السادسه علي دفعتي بس انا اخدت اجازه علشان بنتي الكبيره و كل اصحابي و انتيمتي حتي خلصوا قبلي بقروون و حتي الدمتوراه كل اصحابي ما شاء الله خلصوا الدكتوراه من سنه او اكتر و انا برضه اجالت علشان بنتي الصغيره ههههه قصه حياتي بس فعلا انا مش ندمانه و ملييش دعوه بحد و الحمد لله ربنا بيكرمني من عنده علي نيتي يبقي الحكمه من الدرس ههههههه ملناش دعوه بحد و لا سبت هههه روقي كده
ادي واحده
التانيه مساله التردد برضه محتاجه انك تاخدي فيها موقف انك تعرفي تاخدي قرار مش سهل ابداا زي ما انتي متصوره دا ليه طرق اقولك انا باعمل ايه شوفي الموضوع و خدي نفس و متردييش علي طول و لو في حاجه عايزه تقري عنها او تسالي فيها ناس ثقه استني لخد ما تعملي كده و استخير ي و خدي القرار بعد دراسته و انتي مرتاحه لانك درستيه مش خدتيه اعتباطا فاهماني و بكده اي خد تاني عنده راي تاني هو حر
موضوع اخد الراي في الشرا كل الستات كده علشان احنا اتعودنا علي كده انا اختي مستناني لما ارجع علشان تلبس حلو علي رايها
ايه تاني موضوع الاولاد
عارفه المشكله فين و من غير زعل اننا فاهميين اننا اتولدنا و احنا عارفيين ازاي نربي اولادنا مع ان ده علم زيه زي اي حاجه
لازم تقري فيه كتير و تدخلي علي موقع اسلام اون لاين للتربيه و اقري المشاكل انا عامله فايل وورد كامل علي الكمبيوتر من حوالي كام سنه و كل شويه ادخل اقرا فيه و ازود عليه لانك محتاجه خبره و كلنا كده و كل ما هيكبروا المشاكل بتزيد
و بعدين بالراحه هتعرفي ازاي طرق الثواب و العقاب و ازاي تتصرفي معاهم
هونيها علي نفسك بلاش الاكتءاب
و لو انتي شايفه ان موضوع القران فعلا هو اللي اخرك و انا معاكي في كده ابداي اخفظي و متقولليش معندييش وقت انا باحفظ و انا باكوي الصبح و الله قبل الكليه:44: مش لاقيه وقت غير كده و التجويد باقراه كل يوم قبل ما انام 10 دقايق و عماله اقول حتي لو هاخد سنه في صفحه احسن من الاكتءاب و المهم النيه
ماهو لازم تاخدي موقف مينفعش تسيبي الدنيا كده و تقولي شخصيتي مش عاجباني اوكي حاولي تصليحها و احنا معاكي لاننا كلنا زيك
روقي كده :27:


روشاااانا
ميرسي يا قمر علي القايمه انا طبعتها فوراااااااااااااا و علي التلاجه عدل اول ما اروح ان شاء الله
الملوخيه الناشقه انا باجيبها من مصر لان هنا موسم الملوخيه شهرين بس و مهمها خزنت في الفريزر مش بيكفي فجربتها و حلوه اوي علي فكره
اه و برضه رداا علي سؤالك انتي و مادو
انا لما هاكون اعمل ملوخيه باسلق اللحمه و بعد كده اعملها زيك يا رشا و اخد الشوربه للملوخيه او لاي شوربه تانيه بس الفراخ مش باحب شوربتها اصلا و مش باسلقها اصلا و برضه يا مادو انا مكنتش اعرف فته الملوخيه غير من هنا من المنتدي و لا فته العدس تخيلي اصلا لا انا و لا عيله جوزي اكلنا تقليدي فتلاقي في اكلات كتير معرفاش بس احب اجرب اوي

ايمان
تسلم ايديك علي طريقه الملوخيه الدمياطي انا هاحربها لان اختي قالتلي انها داقتها قبل كده و عجبتها اوي

ياريت نكتب كنا انواع الشوربات و المقبلات لاني زي عروس باكل حفيف جدااا في رمصان و كله بيقي شوربه و سلطه و مقبلات
انا عن نفسي هاكتب اسامي واللي عايز حاجه هاكتبها تاني ان شاء الله
شوربه لسان العصفور
شوربه الكريمه بالدره و المشروم و البروكلي و الفراخ
شوربه البصل باموت فيهااااااااااا
شوربه الطماطم
شوربه الخضار
شوربه العدس
الشوربه الليبي باموت فيهاااااااااااااا
شوربه السي فوود الحمرا او البيضا بالكريمه

صببببباح الصباح
ازيكم يابنات
وحشتونى
تقريبا لازم ااخد اجازه اسبوعيه علشان ابقه معاكم

هااالو نانا
هالو حبيبة اوسو


مالكم يابنات يامدلعات
واحده زعلانه والتانيه زهقانه



التفاااااااااااااااااااااؤل

النظره الايجابيه

احنا كلنا مع بعض يانانا
ارواح متلاقيه وفى حب الله
يعنى مهما تعيبى
ادخلى كأ نك من لاحظه معانا
مجرد استعادة قرأت المواضيع
تدخلى علطول فى الخضم
حلوه الخضم

العدد بيكبر
وياريت نسيب الحساسيه شويه
هى ميزه جميله
لكن حاذرى منها


والست حبيبة اوسو
صباح الفل

صباح الانتعاش
بسرعه
انفضى غبار الملل
والاكتئاب
وحساب النفس
لا تنظرى وراءك خطوة
استمدى الشجاعة من المجموعة
قوى بيها نفسك
لو اللى حواليك محبيطين
غمضى عينك وسدى ودانك عنهم

واحنا فين
دا احنا نحرك بلد بحالها
بدايه اكثرى من الاستغفار
اغلبى الشيطان
ابتدى ورودك ولو القليل للاستعاده
ادعى الله عز وجل ان يقويك من الناحيه الدينه
والدين يأتى بالدنيا
سلالالالالالالالالالاج

صباح الخير يا ماما زوز
معلش بناتك و بيدلعة و لازم تستحمليهم اصلهم هيروحوا فين مش دة بيتنا كلنا و كدة كدة بنرجعلة

ربنا يفرج هم كل انسان يا رب و يسر امزرنا جميعا

حبيبة اسو مالك يا قمر مستسلمة للاكتئاب كدة لية فرفشى و غير مودك عشان الدنيا كمان تتغير معكى عايزة اسمع منك اخبار حلوة
وشوفى الكلام الاى البنات كاتبة و باذن الله ربنا يقدم الاى فية الخير

صباح الفل
بقولك اييييييييييييييييييييه ااقرى الرد بتاعى على نانا فوق
قولنا ايييييييييه
وبعدين فيكوا بقى انا الظاهر هامسكلكم عصاية اللى هيزعل تانى هايضرب
انا هاجيب عصايا اخليها جنبى هنا

بعد اذنك يا ماما زوزو انا عارفة ان دى المفروض تبقى مهمتك عشان انتى ماماتنا :)

يا بنت الحلال انتى لسه كاتبة المشاركة بالليل يعنى الناس كلها كانت داخلة تنام
والله انا كنت عايزة ارد عليكى بس ماجمعتش الرد كويس فقولت بكرة على رواءة

وبعدين بسم الله ما شاء الله
رانيا اول ما مصحيت جابتلك المفيد وكمان افتكر عرووس ردت عليكى امبارح صح انا شفت الرد
ولو كنتى صبرتى شوية كنتى هاتلاقى البنات تباعا بترد عليكى


زى ماقالتلكوا ماما زوزو
مش عايزين حد يزعل ومش عايزين حساسية خلاص اتفقنا


يلا يا نانا احكيلنا مغامراتك اليومين اللى فاتوا وايه اخر اخبار الاستعداد لرمضان ااقرى مغامرات ايمان وانتى تتشجعى تقومى تقلبى البيت راسا على عقب :)

مرسي لكل البنات اللى عجبتهم القائمة
انا عارفة انها تقليدية ومتواضعة جدا ومفيهاش كمان افكار شوربات جميلة زى اللى رانيا كاتباه
على فكرة يا رانيا
انا بموووت فى شوربة كريمة الفراخ بس للاسف مفيش حد بياكلها معايا فمش بعملها الا اذا اكلنا بره (نادرا) بطلبها

انتم ممكن يا جماعة تاخدوها كوبى على وورد وتعدلوا فيها واضيفوا اكلاتكم الخاصة كل واحد على حسب زوق عيلتة لان اكيد الاذواق والتفضيلات بتختلف وتزودا فيها قسم الشوربتا معلش اصل احنا الشوربتا عندنا محدودة اوى :)

وبعدين اطبعوها كده هاتبقى عملية لكل واحدة اكتر

هى الفكرة بس ان الواحد دماغة متحبش التفكير فى حكاية الاكل وخاصة فى رمضان فلما تبقى قائمة قصادك اسهل تفرى فيها قراية بعينك وتختارى بسرعة


وانا متشكرة ليكو جدا انها عجبتكم لان دى شيئ مفرحتى جدا ورافع من روحى المعنوية جدا :)
جزاكم الله خيرا