شاركي في النقاش

سجلي الدخول لإضافة تعليق.

التعليقات

2,025
  1. ROSHANA
    امانى وفطومة انا لسة مخلصة غدا ارز الضحى الياسمين ده حلو جدا زى وريجته جميلة مش زى التانى الذهبى و 8 ونص يا فطومة مش فارق عن السايب جربوه يا بنات
    شكرا على اقتراحك
    ازاى الفراخ الكوردن بلو بتتعمل
    وكمان مابيظبطش معاي الرز بالخلطه عملته مرتين ماظبطش فبطلت اغامر ياريت لو تقولولى طريقه مظبوطه



    اهل ليبيا طيبين اتعرفت على اتنين ليبيات هنا انا فى كندا بس ماشاء الله محترمين وطيبين جدا احسبهم ولا ازكيهم على الله
  2. @aman61

    ROSHANA
    امانى وفطومة انا لسة مخلصة غدا ارز الضحى الياسمين ده حلو جدا زى وريجته جميلة مش زى التانى الذهبى و 8 ونص يا فطومة مش فارق عن السايب جربوه يا بنات
    حبيبتى رشروش انا لسه اللى كنت عايزه اسألك عنه لانى لقيت اللى عندى برضه مكتوب عليه ياسمين كويس طمنتينى هابقى اجربه بس قوليلى انتى عملتيه ايه ؟يعنى عادى ولا كبسه ولا بريانى يلا قوليلى على طريقتك
    وفعلا سعره معقول بالنسبه للانواع التانيه جزاكى الله كل خير
  3. @roshana

    امانى61
    حبيبتى رشروش انا لسه اللى كنت عايزه اسألك عنه لانى لقيت اللى عندى برضه مكتوب عليه ياسمين كويس طمنتينى هابقى اجربه بس قوليلى انتى عملتيه ايه ؟يعنى عادى ولا كبسه ولا بريانى يلا قوليلى على طريقتك وفعلا سعره معقول بالنسبه للانواع التانيه جزاكى…
    والله يا بنتى انا لحد دلوقتى مش عارفة الفرق بين بهارات البريانى والكبسة انا بشوف انهم زى بعض :)

    المهم انا بسمى اللى انا بعملة بريانى :)

    شوية زيت على زبدة اشوح فيهم فصين حبهان وفص قرنفل وورقتين لورى وعود خشب قرفة مكسر وقطعة صغيرة جنزبيل كله صحيح عشان يدى النكهة واعرف اشيلة بعد كده من الاكل

    وبعدين اضيف فرخة (كنت مقطعاها 8 وشايلة الجلد ومتبلاها قبلها بيوم)
    واشوحها شوية وبعدين اضيف بصلة مقطعة صغير واشوح واقلب
    وبعدين اضيف جزرة مبشورة (عشان مش تبان فى الاكل لان اطفالى الاعزاء شكرا بيشلوها من الرز لو مقطعاها قطع)
    واضيف معاها شوية صغيرين كارى وكركم

    وبعدين اضيف مية مغلية وبسلة واسيبهم يغلوا شوية والفراخ تدخل فى السوا اضيف الرز المغسول البسمتى واسيبة على نار هادية مع نفسة
    ولو احتاج مية ازود بسيط بسيط


    دى اللى عملتها النهاردة

    وساعات بقى اريح دماغى اسلق اللحمة او الفراخ عادى واخدشوربتها اعمل بيها على طول عليها البهارات والجزر والبسلة والرز
  4. @roshana

    roney7892000
    ازيكم يا بنات ممكن تقولولى طريقة عمل الزيتون المخلل
    ازيكم يا بنات
    ممكن تقولولى طريقة عمل الزيتون المخلل[/QUOTE

    الطريقة دى كانت فطومة كاتباها

    الزيتون

    كيلو زيتون
    نصف كيلو فلفل حامي احمر
    نصف كيلو فلفل حامي اخضر
    ملح
    عصير ليمون من كيلو لكيلو ونصف
    خل

    اغسلي الزيتون كويس وانقعيه في الماء من الصبح لبليل مثلا وبعدين نشفيه
    اغسلي الفلفل ونشفيه
    اخلطي الفلفل الأحمر مع الملح وقليل من الخل في الخلاط بحيث يبقى عامل زى العصير المضبوط لا تقيل ولا خفيف
    شقي الزيتون من جنب واحد بالسكينة شقة بسيطة
    هاتي برطمان نظيف وناشف
    افرشي في قاع البرطمان جزء من خلطة الفلفل الحامي
    وبعدين طبقة زيتون
    طبقة فلفل اخضر
    طبقة من خلطة الفلفل الأحمر والملح
    وهكذا لحد آخ رالكمية تحطي آخر طبقة خليط الفلفل والملح وبعدين تضيفي عصير الليمون بحيث يغطي وش الزيتون كويس وتضيفي معلقتين زيت علشان الهوا
    هاتي قشر الليمون اللي عصرتيه وغطي به البرطمان وبعدين اقفليه بورقة فويل وغطيه واتركيه في صينية او حاجة علشان هيفور وينزل منه مية

    افتحي عليه بعد حوالي شهر او شهر ونص

تابعي تجارب أخرى من هذا القسم.