يوميات المجموعة الرابعة (من وزن 90 وأكثـــــر ) - الرابحة الكبرى ج1

فيه احد

يالله نوم العوافي
باي :)

أختي ممكن سؤال:39:

ينفع المشي الظهر .لان اروح النادي الظهر وأني صايمه؟؟

او لازم قبل الفطور؟

تحياتني لج

السلام عليكم


شلونكم بنات


انا قريت ملفكم كامل والصراحه مادري شاقولكم مع اني ماعرفكم ولا بيني وبينكم علاقه بس اعتبركم مثل خواتي

والله زعلتوني مادري شاقولكم .... كل وحده فيكم تتبع رجيم على كيفها ماتدري ايش هي قاعده تسوي بنفسها ..... باختصار ( تذبحون نفسكم بس بالبطيء )


الله يهداكم الدايت هو الأكل الصحي مع الرياضه <===== أكل مب تمنعين نفسج من الأكل


يعني انا اشوف اغلبكم ماتاكل طول اليوم شي وأخرتها تاكل شي صغير ... واللي تحرم نفسها من الأكل ... واللي ما تتفطر واللي ما تتغدى واللي ما تتعشى واللي تعتمد على نوع واحد طول اليوم واللي كل 3 ايام شي .... آلخ


والله حرام قاعدين تذبحون نفسكم .... الجسم يحتاج حق جميع العناصر الغذائيه

والمشكله تحركون نفسكم طول اليوم وفي الأخير يزيد الوزن تدرون ليش ؟؟؟


انا الله يسلمكم اتبع رجيم مع دكتوره ... وتقول خطر انج تحرمين جسمج من الاكل لأكثر من 5 ساعات قولي ليش ؟؟؟؟


لان الجسم ذكي ولما يشوف انه مافي شي دخل الجسم لمدة 5 ساعات فهو يحسب انه هناك مجاعه بتصير ... فايش راح يسوي ؟؟؟ هو ذكي طبعا ولازم يحمي نفسه .... فأول أكله تدخل على طول يبتدي يخزنها عشان يجهز نفسه حق هالمجاعه ( اللي هو مفتكرها )

فعشان جذي يا بنات ( اللي تحرمون انفوسكم من الأكل وتنوعه ) جسمكم يزيد ما ينقص .... واللي اتقول انها انفصت ( ترا الكيلوات اللي فقدتيها هي عن مرض مب صحه وقريب اذا استمريتي راح تمرضين )


تخيلي تحرمين نفسج من الأكل ؟؟؟ شلون بيعيش الجسم ؟؟؟ شلون بتشتغل وظائف الجسم الحيويه ؟؟؟؟ شلون تبين شعرج يطول ويغلظ ويصير حيوي ؟؟ شلون تبين جسمج ما يترهل ؟؟؟؟

الجسم له اشياء معينه يحتاجها ( فيتامينات - بروتينات - معادن ... الخ ) احنا لازم نراعيها وانقدمها له ... مب احنا نفرض عليه اللي احنا نبيه .... فعشان جذي لو الانسان التزم بالأكل باعتدال وبأوقات معينه جذي الجسم يحس بالأمان ويبتدي يرتب نفسه ومع الرياضه يبدأ يفقد الوزن


بنات الله يخليكم انتبوا لأنفسكم


انا جبت لكم هالموقع وهو مفيد وايد اكتبي وزنج وطولج وهو يحدد لج الدايت المناسب والسعرات كامله

وسبحان الله انا يوم كتبت طولي ووزني وشفت السعرات طلعت لي مثل ما حددت لي الدكتوره بالضبط

هاي الموقع هو لشبكة ومنتديات السكري ومعتمد ...

ارجوكم بنات اتبعوه ... اسبوعين وبعدها قيسو وزنكم

ومب مهم سرعة النزول لكن الاهم تنزلين وانتي بصحه وعافيه


http://www.dmeducation.com/view.php?action=page&id=135


شوفوه وكل وحده تتبع الرجيم المكتوب وهو دقيق وواضح ويقولج كم حبه تاكلين وشكثر ويحط لج مجموووعااات وايد وانتي تختارين



وانا راح اكتب لكم الارشادات اللي عطتني اياها الدكتوره كبدايه للرجيم


المياه : 6-8 اكواب ... ما يعادل 2 ليتر يوميا ( ضمنها الشاي والزهورات ) ( القنينة حجم 0،5 لتر نشرب منها 3 قنينات - بالنسبه للحجم الصغير 5 اغراش يوميا ) حاولي شرب السوائل قبل أو بعد الوجبات الرئيسية 15- 30 دقيقه وليس خلال الوجبات


الطعام المسموح به:

1- يسم لك بتناول الخضار الغير نشويه دون تحفظ ( كالخس والطماطم الخيار الجرجير البربير الفلفل البارد البقدونس البصل النعناع البروكلي الكوسا الفطر ) فهي قليلة جداً بالسعرات الحرارية وعاليه بالألياف === تجنب زيادة الذره والشمندر والبازلاء والبطاطا والجزر ( يسمح بتناول حبة جزر يوميا لا أكثر )


2- يسمح باستخدام بعض مطيبات الطعام لتحسين مذاق المأكولات مثل : ( الخل - عصير الليمون - الأعشاب المطيبه - البهارات -) أما الملح والخردل والكاتشاب يسمح باستعماله باعتدال مالم يكن هناك مانع صحي لتناوله

3- يسمح بشرب الشاي آو شرب الأعشاب ( الزهورات ) دون زيادة سكر... أما اذا كنت تعاني من فقر الدم نتيجة نقص الحديد فعليك بشرب الشاي قبل أو بعد الوجبة الرذيسية ب 2 ساعه لتأثيره سلبا على امتصاص الحديد

4- الاعتدال بشرب القهوه على انواعها ( لا تتجاوز 2 كوب يوميا) ويفضل عدم زيادة سكر او مبيض القهوه

5- المشروبات الغازية يفضل تجنب تناولها واذا كان لابد من ذلك فاشربها دايت ... وتحديد الكمية المتناولة يوميا ( ا كوب ) فهي تحتوي على الاملاح والمحليات الصناعية والكافيين

6- يسمح بتناول العلكه الخاليه من السكريات والدهون باعتدال <=== موجوده في السوبرماركت قسم السكري


الأطعمه التي يجب تجنبها:

1- يمنع منعا باتا اظافة الزيت والمايونييز والزبده والصلصات الجاهزه ( حتى لو كانت مخفظة السعرات الحرارية)

2- يمنع تناول عصائر الفاكهه والمشروبات الغازيه العاديه



ممارسة الرياضه جزء أساسي من نظامك الغذائي الصحي > على الأقل 3 مرات اسبوعيا اذ يجب ممارسة المشي لمدة 30 دقيقه على الاقل بشكل متواصل .... بنات اللي مب متعوده على المشي لازم تعود نفسها عليه مب فجأه تبتدي تمشي 30 دقيقه ... الدكتوره قالت لي ابتدي أول يومين 5 دقايق وثاني يومين 10 دقايق واللي بعدهم 15 واللي بعدهم 20 دقيقه الين أوصل 30 وبعدها ازيد بعد كل يوم 5 دقايق .. على حسب طاقتي
لين اوصل 60 دقيقه ... لأن الجسم ما يبتدي حرق الدهون الا بعد 20 دقيقه من المشي المتواصل


بداية المشي لازم يكون هادي ومريح وبعد 10 دقايق ازيد السرعه وبعد 30 دقيقه خلاص نحمي عدل والعشر دقايق الاخيره نبتدي نهدي عشان نهدي ضربات القلب مع مراعاة شرب الماي



يجب تنظيم تناول الوجبات في أوقات محدده يوميا ... فلا تكثر من تناول الطعام خلال فترة المساء .. ولا مانع من استبدال الغداء بالعشاء عند الحاجه

الفطور من 8 الى 10 صباحا
بين الفطور والغدا حبة فواكه

الغداء 12 لين 2 ظهرا

بين الغدا والعشاء حبة فواكه او سويت خفيف جدا ... ( واذا كان فيه عرس او عزيمة عشاء لاتاكلينها )

العشاء من 7 لين 9 مساء


عند البدء بتناول الوجبات الرئيسية ابدأ بالشوربه اذا وجدت ثم السلطه ثم الطبق الرئيسي : تناول طعامك على مهل واعط جسدك الوقت الكافي للأحساس بالشبع وعند انتهائك من الطعام غادر السفره فورا

عند تناول الوجبات لا تقوم بأي عمل آخر كمشاهدة التلفزيون > عندها قد تتناول كميات اكبر من الطعام دون أن الاحساس بالكمية المتناولة ، اعط قيمة لوجباتك كأن تضع الطعام في صحون صغيره الحجم ولا تزيني مائدتك بالمقبلات الشهيه


في حال احساسك بالحاجه الملحه لتناول الحلويات أو آي من الوجبات العالية السعرات والدهون كالشوكولا والشبس اشغل نفسك بأي شي آو اي هوايه غير الطعام ..... تبين اذا كنت حقا جائعا أو انك تهرب من حالة نفسية معينه كالغضب او الملل او الاحباط - فهذا الاحساسب الجوع نتيجة الحالة النفسية قد لا يدوم أكثر من 20 دقيقة اذا استطعت تجاوزها فأنت على الطريق الصحيح .


وهذا اللي عندي يا بنات ... والله يعلم اني احبكم في الله ولا انا مالي مصلحه منكم عشان اكتب لكم او انصحكم غير اني اخاف عليكم وانكم حسبة خواتي


اسمعوا اللي قلته لكم واتبعوه لمدة اسبوعين وشوفوا

والحمدالله انا نزلت عليه وماكنت احس بالجووووووع ابدا كنت أفطر واتغدى واتعشى واكل سويت وامشي ساعه ونزلت الحمداالله


ماطلب منكم الا الدعاء لي بالتووووفيق وان الله يرضى علي ويشفيني ويعيني على الدايت

انا مثلك ماشية على تخفيف الاكل


بس اكل من اكل البيت العادى لكن بكميات قليلة



وانا ما احب الخلطات والسفوف ما استحمل طعمهااا


وعشان كدة بردو بحاول اتعود على طعم الشاى الاخضر بالنعناع

لانى ما كنت احبه