أهلين بالحبيبة طيبة القلب . بتأسف على التأخير تدرين بعد شغل البيت ما يخلص . وبعد دراسة بنتي والامتحانات ما تتصورين اشكثر ضغط علي بالبيت وكله فوق راسي . الله يعين الجميع إن شاء الله .
الحمد لله الأمور الحين عادية يعني مثل ما قلتيلي أحاول أن أكون باردة الأعصاب بس للحين مو قادرة أهدي 100 /100 لازم أصارخ مع بنتي بدراستها والله أنا زهقت من هالصراخ بس يعني أحسن من الأول مشكلتها عنيدة وتتحامي بظهر أبوها وهو يشجعها ويلومني أنا وهي تزيد . بس إن شاء الله هالحالة بتخف . آآآآآآآمين .
وبالنسبة للخدامة بتسلم وايد عليكي ( تري أمزح ) . والله أشوفها متغيرة كلها تفكر وشارده وتبي تصير مثل أختها عندها محل وشغل زين وتبيع وتشتري يعني حاسة بالغيرة ( الله ما يطق بالعصا ) وقالتلي سفرتها كلها مشاكل وما ارتاحت وكله اهواش مع زوجها وغيره . واللي لقيته الحين إنها ما إلها خلق على الشغل وبعدها كسلانه وهمدانه ومو مثل قبل تنام متأخره وتقعد امبشر الحين تبي تنام امبشر وأشوفها تقعد شوي متأخره كانت تقعد 5 الصبح الحين ما تقوم من السرير إلا الساعة 8 تقريبا . بس أقول يمكن من المشاكل اللي صارتلها ما إلها خلق ويمكن أقول أهلها علموها لا تتعبي نفسك ونامي قد ما تقدرين ومن هالسوالف . الله أعلم بس المهم الشغل كله بتسويه ولو تشوفيها حزت العشاء لما أحد يقول زهبوا العشاء ياسلام على وجهها العكر والله تبين تحذفيها باللي بيدك وشنك قاعده تطلبي منها شي فظيع وما تقدر عليه بس أنا ما أهدها والله أساعدها وأحضر كل شي بيدي ومو عاجبها بعد .
من يومين كانت الساعة 8 بالليل كانت قاعده تكوي الملابس والحين بيبدأ فيلم والكل يبي يشوفه المهم قالتلي من جهتي أنام أحسن ما أشوف فيلم وكان الكل بالبيت والبنات للحين مو نايمين ونبي نتعشى وأخوي بالبيت وهو شوي طلباته وايد وزوجي بعد بالبيت وتبي تنام وطالعتها وقلت لها شنو تبين تنامين وكلهم بالبيت وحتى البنات مو نايمين وكل شي أسويه بروحي وإنتي تبين تنامين لما تخلصين ونتعشى والبنات يناموا روحي نامي مو مشكلة عندي بس الحين ما يصير . وما شفتها إلا زعلت والله تركتها ولا شنه شي صار .
المهم طولت عليش السالفة وإن شاء الله ما تكوني مليتي مني . والله يوفق الجميع .
يا محبي الخير أرجو المساعدة أختكم في ورطة زوجية
متابعة النقاش، صفحة 25