اطباق المغتربات

مس فلور
اعتقد ان طريقه الصوص عندي
بس في الجهاز الثاني
هو لونه ابيض وثقيل شوي
اذكر كان معه حبة بطاطه مسلوقه صغييره علشان تثقله وفعلا طعمه حلو وكثير اعجبهم لما سويته
ارجع لجهازي القديم وارجع لك هنا باذن الله

روشيه وصفتك ما وصلت الا بعد ما خلصنا متغدين :)
الله يعافيك يا قلبي .. الي سويتها نفس طريقتك بالضبط بس اللهم زدت على الصوص المويه الي طلعت وانا اقلب الستيك
وكان طعمها حلو ولذييييذ بالمره
الله يعافيك يا حلووووة .

الصوص زي ماقلتي ابيض وثقيل ,وطعمه واااو يفتح النفس:32:

تكفين وين جهازك الثاني روحوا شوفي الطريقه ,ماسكه معاي اسويه هالويكند :cook:

مرحبا بنات ,,


بكرة انا عازمه مرت صديق زوجي وهي آول مره تزورني فـ البيت ,,

سويت قائمه باللي ابسوية بكرة بإذن الله ,,


الحين سويت كيكة وزينتها مررره رووعه شكلها . إن شاء الله ابصورها لكم بعد ماتكتمل زينتها ,,
وسويت تشيز كيك برضو رووعه اول مره اسوي تشيز كيك بحياتي ,, والحمدلله ضبط ,,

وسويت عجينة العشر دقايق ودخلتها الثلاجه عشان بكرة آبدي شغل فيها ,, وطبعاً هذه العجينه اللي آنا معتمدتها من زماان ,,


ابسوي إن شاء الله من العجينة بيتزا دوار الشمس وبيتزا الوردات وابسوي فطاير باللحمة المفرومه وهذه المعجنات ممكن آقدمها للعشاء ,,
وسويت جلي طبقات من إختراعي سويته بالعصير والجيلاتين أبنزلكم صور بكرة بإذن الله ,,

أأأأأأأام وش بعد

إيه للعشاء ابسوي مكرونة البيتزا ,, مرره حلوة ,,
وابسوي البروست اللي موجود بتوقيعي مع بطاطس ودجز
وابسوي السلطة الملونه
وش رايكم ,,


وحبيت آقولكم اني ابقلل الكمية وآبكثر الآطباق لآن التنويع حلو ,,

ماشااء الله تبارك الرحمن الطريقة حقت المنتو حلوووه ومبسطة ,,

زوجي يحب االمنتو ,, ولاازم اسويله


بإذن الله جاري التجربة



بس ممكن آعرف طريقة الكشنة اللي تجي فوق ,,,

آنا دايما اسوي طريقة كشنة امي اللي هي عبارة عن بصل وثوم وطماطم ,,

ودي إذا فية طريقة ثانية تكتبونها ,,



وبالنسبة لقدر طبخ المنتو مااعرفه ولاقد مر علي ,, وأبحاول آخترع لي طريقة عشان ينطبخ المنتو بالبخار << الحاجه أم الإختراع :)

والله يعطيك العافية ياللي نقلتي الطريقة عسانا ماننحرم منك ..