معاناة سمينه //ابي تشجيعكم

29 يونيو 2009

السلام عليكم ورحمة الله وبركاته

هلا خواتي انا اعرف عالم حواء من زمااااااان بس كنت من خلف الكواليس :27:

والله يشهد علي احب المنتدى والعضوات اللي فيه ماشاء الله اشوف فيكم تعاون وكل وحده تحب الخير لغيرها الله
لايغير عليكم والله ادعي لكم واحبكم في الله

ياخواتي انا ابي منكم التشجيع

انا قصتي قصه مع هالوزن من يوم يومي وانا سمييينه بس ومافكرت انحف الا لما كبرت وصرت بثنوي

وكل فتره يزيد وزني الى ان وصل 115 :44:

وجاني احبااط وكرهت شكلي :09: ولا اقدر اشوف نفسي ابد :09:
قبل كان عندي قوة عزيمه واراده اللحين مدري وش جاني :44:
خاصه ان وزني صار يأثر على صحتي :44:
كل يوم اقول بكره بس يجي بكره ولا التزم بالرجيم

الشي الوحيد والحمدلله اللي استمريت عليه الخلطه اللي الحمد نفعتني وخف وزني 5 كيلو

كنت يوم امشي بالرجيم ويومين لا

اشرب مردقوش معه زنجبيل وقرفه وادهن نفسي بالخلطه اللي روووووعه والله اخذتها من المنتدى الغالي

ولكن اتمنى اثبت واسوي الرجيم والرياضه

احس جسمي شد مع الرياضه والخلطه بس يبي لي رجييييييييييم عشان اساعد نفسي بالنزول

كل اللي ابيه التزم بالرجيم :icon33: لان عندي بالعطله زواجات كثيره

واهلي امي وابوي دااايم يقولون انحفي انحفي احس صرت هم لهم

تخيلو يابنات مهما كشخت ولبست يجي احد يقول لي ماشاء الله انتي حلوه بسسسسسسسسس هالبس عقدتني:icon33:

حتى الصغار يقولنها بس يبي لك تنحفين

السمنه مسويه لي عقده بمعنى الكلمه في حياتي

بنااااات الله يخليكم ابي منكم تشجيع والدعاااء ياخواتي والله انا عهدت منكم حبكم للخير ومساعدة الغير

الله يرزقكم من واسع ابوابه ويفرج همكم

انا قررت بإذن واحد أحد اليييييييييييوم مو بكره اليوم ببدا وبلتزم

رح يكون هنا فضفضتي واتمنى تقبلوني اخت لكم

:26:

وأي شي رح ينفعني رح اقول لكم عليه إن شاء الله

انا المردقوش بديت اشربه لان حماة خالتي سمينه مره ونحفت بشكل ملحوظ وخالتي قالت لنا انها تشرب المردقوش

مره على الريق وبعد الوجبات وضفت الزنجبيل والقرفه لانهم مفيدين للي يبي ينحف وللجسم على العموم

والخلطه من اخت في هالمنتدى ادعي لها من كل قلبي

سويت بحث ولقيتها

الاخت ~ الذوق كله ~

http://forum.hawaaworld.com/showthread.php?t=1555313

بسم الله الرحمن الرحيم

كيفكم ياحوائيات وحشتوني

طبعا اكيد موضوع الكرش هذا مهم لجمال جسم المراءه وطبعا حجمه الكبير يعطي منظر كريه واحنا يالعرب ماحن صححين بالاكل ولا بالرياضه وملولين وخبركم الحمل والولاده هذي بحد ذاتها مشكله الحمدلله على كل حال

طبعا هذي الخلطه يبي لها مداومه لاكن نتائجها فتاكه وبتدعون لي

اولا يبي لك زنجبيل طازج مبشور يملي كوب كبير الي نشرب فيه الجليب

كاس ماي ورد اي نوع وهذا طبعا تجميلي للبياض وتحسين بشرة البطن والخصر

وكاس خل التفاح

وعلبة جوليسيد كبيره

الطريقه

نحط الجنزبيل المبشور يعني تبشرين حوالي نص كيلوا تراه هو الي عليه المعتمد في خلاط الكاس مع مويه الورد والخل ونخلطهم عدل وبعدها نصفيهم عدل وناخذ المويه حقتهم ونحطها بخلاط الكيك مع الجوليسيد ونضربهم بالخلاط ضرب عدل بتشوفون بتتضاعف الخلطه وبتصر وااجد وبنتصر منفوخه هذا المطلوب

وبعدها حطيها ببرطمان كبير بالثلاجه وكل يوم تدهنين بطنك وخصرك وتلفين عليه بلاستك تغليف الاكل اربع لفات مع الضغط شوي اذا عندك احد بالبيت خليه يلف لك اياه عدل ويشده وبعدها اذا عندك بالبيت شغل اشتغلي او امشي بالحوش والي تمشي تسوي رياضه تحطه والي عندها سير مشي ياسلام المهم انك تتحركين لك من نص ساعه الى ساعه عشان النتايج تصير احسن وبتبدين تسوفين النتايج خلال شهر واستمري عليها لين تشوفين الي يرضيك طبعا اذا كرشك كبير مره يبي لك وقت اصبري

الفوائد بطنك بيشد بيبيض وبيروح

والله شفت نتائجه بنفسي على مرت اخوي وصديقتها خلاص طارت عيني اقول لها راح بطنك الي لك عشر سنين ماخليتي شي ماسويتي فيه قالت ايه وعطتني الطريقه تقول انها من عند المصريه المدربه الي بالنادي الي داخل ارامكوا

طبعا رحت وسويتها ولي اسبوعين استخدمها واحس بطني خلاص بيروح مشاء الله لانه مش كبير وااجد لاني اسوي رياضه وامشي لاكن هالنتفه ابيها تروح بعد

وابي دعواتكم لي ان الله يهدي ولدي ويصير يسمع كلامي وتخف شطانته ههههههههههه

في امان الله واي استفسار انا جاهزه لان انتوا يابنات حواء ماتخلص اسئلتكم هههههههه امزح تسعدني استفساراتكم

رووووووووووووعه والله

معاناة سمينه //ابي تشجيعكم

التعليقات

رحلتي مع خسارة الوزن في رمضان <<< مين معانا ؟

مين تدخل معانا في تحدي/يمنع افتتاح تجمع بدون أخذ إذن مشرفات القسم.

الي تبغا تبدأ معانا الصيام العكسي

الحمدلله والشكر لله بأشياء بسيطة جداً نزل وزني بعد معاناة من الثبات

معاناة معاناة مع الرجيم وتنزيل الوزن