ملف استشارة مطبخية مصرية عربية رمضانية

رشا

انا بخلى الجزار يقطعها اصلا مكعبات صغيرة عشان كدة لازم اغسلها بحس انها فيها دم وجوزى مش بيحب اللمون عليها

ميمسى حلو اللينك اللى حطيتيه بس ده مش تراميسو ده تشيز كيك بشكل التراميسو لان التراميسو بيكون بجبنة ماسكربون ومفيهوش كريم كراميل
انتى ممكن تطبقى نفس فكرة التقديم ورصة البسكوت بس تعملى الخلطة بتاعة مى نصير اللى مرة قالتها عن رونى وهى كالتالى
24 قطعة بسكويت lady fingers
6 ملاعق كبيرة نسكافية
4 ملاعق كبيرة سكر- 2 ملعقة كبيرة سكر
3 صفار بيض - فانيليا
250 جرام تقريبا جبنة ماسكربون) بعمله بجبنة فيلادلفيا و ازود عليها 2 م ك ساور كريم و باكيت دريم ويب بيدى نفس طعم الجبنة الماسكربون(
1 كوب whipping cream
2 كوب ماء كبار
كاكاو
نفصل الصفار عن البياض و نحط الصفار+ ال2 ملعقة سكر و نضرب بمضرب البيض علي pan Mary(حمام ماءي)
نضرب لمدة 10 دقاءق او لغاية ما لونة يبقي فاتح
نضرب الwhipping cream لغاية ما تمسك شوية
بعد كدة نضع الجبنة علي الwhipping cream
نضع صفار البيض علي خليط الجبنة و الwhipping cream
نضع ال6 ملاعق كبيرة نسكافية + 4 ملاعق كبيرة سكر
ونذوبهم بالمية 2 كوب
نضع البسكويت في النسكافية و نرصة في البيركس
نحط نصف مقدار الكريم علي البسكويت و نفردة
نكرر العملية تاني
نرش الوش كلة باكاكاو

بعد كدة تدخل التلاجة لاحسن نتيجة ممكن تسبيها طول الليل في التلاجة

مي الروز ماري بيستخدم اساسا مع الفراخ و اللحوم لما تشويها و بعض انواع الشربة
انا باحطه على شوربة البروكلي و المشروم بيديها طعم رائع
و الفراخ المسلوقة لما احب احمرها باعصر عليها ليمونة كبيرة و ارش عليها بابريكا و روز ماري و على الفرن بتفرق اوي في الطعم

رواء

طريقة الخضار دى قريتها في كتاب وعملتها و فعلا في طرق للفراخ بالروز مارى

طيب قولى لى شوربة البروكلى ازاى