يا محبي الخير أرجو المساعدة أختكم في ورطة زوجية

خيتو داينس ,, ممكن تفعلين الخاص ؟

ابي افيدج في شغلة :)

أختي العزيزه
انا لاحظت من كلامك أنك تنظرين لنفسكنظره أقل من الطبيعي وهذا مو حلو
كذلك لاحظت من كلامك أن زوجك مايحب فيكخصلة أنك تتهربين من المشاكل
لاوم تعدلين هذا الاسلوب إذا صار نقاش بينكم لاتتهربين وحاولي وحاولي وحاولي (هذي أكررلها لك) تتناقشين معه بإسلوب عقلاني وبإسلوب ودي بحيث يخفف من حدة الوضع ولايزيده ومو مشكله لو ما يقتنع ويحطك الغلطانه (هذا معروف عند كل الرجال)
وبعدين والله من خبرتي في الحياة ومن قصص كل الناس اللي أعرفهم الرجل مايحب الزوجه اللي مالها رأي وتوافقه على كل شيء بدون تردد
لازم تعرضينرأيك وجهة نظرك ومو مشكله تصرين عليها بعض الوقت لحد ما تلاحظي انه يحاول يقنعك بوجة نظره وانتي توافقينه من جل استمرار العلاقه
وأنصحك بالالستغفارأكثري منه فهو الطريق لفرج كل مهموم
وشغلي سورة البقره في البيت حتى تعم الرحمة والبركه في بيتكم

وأتمنى من كل قلبي أن يسخر قلب زوجك لك ويصلح ربي حاله ويعيش طول حياته ممنون لك
ويفرج لك ماأهمك من أمر الدنيا والاخره

والله مادري شاقولج ..الله يكوووون في عونج في زوج مثله ..بس أكيد في أخس منه .. (اللي يسمع مصيبة غيره يهون عليه مصيبته)

رغم أنه موضوعج قديم شوي(يعني بديتي فيه قبل رمضان) بس توني شفته قبل كم يوم وقريته واندمجت فيه وقريت كل صفحات ..قريت ردودج فقط ..ما لحقت أقرى ردود الأخوات عليج ..يعني اذا شوفتي أي نصيحة مكررة فاعذريني.. وموضوعج جدا طويل (لحد الحين 13 صفحة) ..وممكن في أشياء قريتها ونسيتها لأني نساية(تعرفين ماشاءالله مشاغل العيال ودراستهم)..

من خلال قراءتي لموضوعج ..فهمت أنج وحيدة ما عندج حد تشكيله همومج ..لا أخت(تعتبر غير موجودة وهي موجودة) ولا أم ..ولا صديقة .. فيا ريت تعتيريني أخت أو صديقة ترتاحين لها..
طبعا بدايتكم كانت غلط لأنه كان عصبي وانتي خوافة ..على الأقل كنتي وضحتيله أخطائه (اذا خايفة وجه لوجه) تكتبيله على ورقة ..وتعبّرين عن مشاعرج وكيانج..وتبينين له أنج فاهمه بس تحترمينه وماتعلين صوتج عليه ولا تفرضين رايج وتطلبين منه أن لايعتبر عدم ردج غباء بل حبا واحتراما.. لأنه كل هذا أكيد كان بيفهمج أكثر ويقدّرج ..

وفي البداية ..كلمتينا عن عصبيته الزايدة بعض الأخوات (أكيد هم مب وياج ..وانتي أدرى بوضعج ..يعني ما كانوا يعرفون أنه عندج خدامة مكارة) فنصحوج في تقليل من التصاق بريلج بقدر الأمكان ..فخلى الجو لها(اتكلم عن الخدامة) اللي كانت تتريا من زمان هالتصرف منج ..عشان تتقرب من زوجج .. وطبعا أنتوا معطينها المجال من البداية ..ماعلمتوها حدودها .. معروف عنهم أنهم ما ينعطون ويه (وأرجو أن مايفهم كلامي البعض غلط أنا مب عنصرية وهاي الحقيقة لاتنكرونها)..

أعلمج عن حدود الخدم .. المفروض تختارين وحدة أقل جمالا وأقصر منج وأسمر منج وكبيرة في سن يعني جاوزت سن ممكن ريال يشتهيها ..يستحسن تكون سيرلانكية ..أو اندونيسية خسفة عشان تكونين جدامها ملكة جمال..وتفهّمين ريلج ماله خص فيها انتي سيدة البيت لج حق تعلمينها حدود الأدب وممنوع تقعد وياكم أو تطالع تلفزيون وياكم أو تسهر.. ويستحسن غرفتها بعيدة عنكم على الأقل باب غرفتها يكون برع ومايكون على الصالة عشان ما تراقبكم وانتي لاتبينين لها عن خلافاتكم ولازعلكم وتفهّمين ريلج مايصرخ عليج جدامها ومايقلل من شأنج..صحيح هم من بشر والرسول وصانا بهم..ولكن كما تعلمين الآن معظمهم نواياهم سيئة ..فاتقي شرهم ..اذا كان زوجج صحيح خايف من شرهم كما تقولين ...للأسف أخطأ في معاملته بهاي الطريقة ..مهما زعلتي منه وما كلمتيه ماله حق يتكلم ويسولف مع الخدامة ..وانتي لج تمنعينها من دخول غرفتج أنتي وزوجج ..هذا من حقج ..ومادام أنج عرفتيها على حقيقتها لاتخلينها تقرب من غرفتج ..حتى من تنظيفها بعد ..انتي بروحج نظفيها عشان ماتعطينها مجال وتعرف أنها ممنوعة من الأقتراب من غرفة نومكم...واذا زوجج عارض هاي الفكرة(طبعا الظاهر عاجبه الوضع) وقالج أنج تغارين منها ..جاوبيه : من حقي أغار عليك انت ملكي ولأني أحبك ..لو ماأغارعليك معناها ما احبك....وخاصة أمنعيها من المساج ..معقووووولة ماعندج غيرة لهدرجة تخلينها بروحها وياه تسويله المساج ..أصلا حتى لوجدامج أخته أو بنته ماتخلينهم يسوونله مساج ..لأنه عيييب ..فما بالج بوحدة أجنبية عنه وبروووووووحهم ..وبسااااااعااااااات..شو هالقلب اللي عندج ..أخاف سوتلج سحر..لأن معروووووف المساج يهيئ للـ......وانتي مب وياها شواللي عرفج أنها ما تلمس أماكن حساسة لزوجج عشان....وتقولين بساعات ..ياترى يقفلون الباب ولا لا وليش ماكنتي تفاجئينهم ..يمكن زوجج طفشان من تجاهلج في هالموضوع (قصدي تخلينهم بروحهم يسولفون) لأنه يعرف مستحيل في حرمة تخلي ريلها ويا وحدة أجنبية بروحهم حتى لو خدامة لاتقولين يرتاحلها انتي ليش ماتحاولين تفهمينله ..وبعدين تقولين هو يبى وحدة تفهمله على الطاير ..معقووولة الحين الخدامة تفهمه أكثر منج..أي لغة يتفاهمون مع بعض؟؟أنجليزي؟؟ ولا عربي ..كم صارلها عندكم حسب علمي سنتين تقريبا يعني بسرعة تعلمت لغتكم بهالسرعة..

ومعروووووف عن اندونيسيات وخاصة الفلبينيات يقولووون عنهم أن(...) مالهم ضيقة(ومعظم رياييل نظرتهم جذيه ..للأسف) ومايقدرون يصبرون عن الجنس..

هاي أول مرة أكتبلج ..يمكن قسوت عليج ..بس لاتزعلين مني أنا مثل أختج.. كسرتي خاطري ..وأبغي أساعدج..ان شاءالله لي عودة وياج..ولا تحرمينا من أخبارج..

بالنسبة للمشكلة الرسائل ..اسمعي اللي بقولج عليه..

أول شئ ..
روحي للأسفل ..مكان الأنتقال السريع ..أختاري لوحة التحكم الخاصة بج..
عقب أختاري تعديل الخيارات..يفتحلج ..أول شئ تشوفين مكتوب استقبال بريد من الأعضاء ..تلغين استقبال بريد من ادارة المنتدى ..وايضا استقبال بريد الكتروني من الأعضاء على البريد الخاص بك (في حال رفضج للخيار ..ما تظهر علامة صح بالأخضر)

وتشوفين تحت شوي مكتوب الرسائل الخاصة ..تختارين صح للـ
السماح بالرسائل الخاصة ..وعلى المربعين اللي تحت(استقبال تنبيه على البريدفي حالة وصول رسائل خاصة و مشاهدة نافذة صغيرة تلقائية في حالة وصول رسالة خاصة) لاتختارينهم هالخيارين ..يعني لاتحطين علامة صح ...

وخلاص...الحين انزلي تحت أخر شئ مكتوب حفظ التغييرات دقي عليه .. وبس

بالنسبة للرسائل الخاصة ..لاتخافين ..لأنج كل ما تبين تطلعين من المنتدى لازم تختارين تسجيل الخروج ...ويوم تدخلينه تكتبين اسمج وكلمة المرور(لاتنسين كلمة المرور ..خليج حافظها)..بهذي الحالة..محد يعرف أنج مسجلة هني ولا يقدر يفتح الرسائل الخاصة بج غيرج...

الله يعينك اختى بصراحه انا ..ما عندي طولة بال على الرجال..

الله يسعدك..البنات ما قصروا معك..