(( من قال ان رمضان شهر اكل ؟!! )) تعالوا معانا نثبت العكس

الله الله
ما شاء الله يا لافندر
امممممممم
ما تعزميني يوم على الفطور عندكم
؟؟؟!!!
ارجو الرد في اسرع وقت
عليكي بالعافيه يا قلبي
وما قصرتي
من جد شاركتينا
وبالمره خليتي البنات اللي محتارين في نظامهم
يتعلمون منك
استمري يالغاليه
وان شاء الله خير يارب

اهلين يا بنات

اليوم هو اليوم الرابع



اشتغلت اليوم في البيت
واكلت خفيف
بس
افكر من بكرة
اتبع نظام
احس نظام التخفيف
ما ينفع معاي
لان اوفات انسى نفسي
عجبتي حركة لافندر لما اختارت الصحن
المناسبب اللي يحدد كمية الاكل

بس اتوقع من بكرة راح اتبع نظام
وان شاء الله بعدل جدول الرياضة

وبكرة ان شاء الله راح انقيس وزنا

شوفوا يا بنات
اللي تدخل

تكتب وزنهاا السابق
وتكتب وزنها الحالي
وان شاء الله كلكم اتكونون نزلتوا وزن

يلا في الانتظار بكرة ان شاء الله

سلام اولا بكتب يومياتي

عالفطور كليت حبتين سمبوس
وعصير فيمتو

وبس اول مره اخفف كذا

على الساعة 9 رحت انا واختي لمده نص ساعة سوينا رياضة مشي سريع

بعدها بساعتين كليت ساندويش صغير روتي مع دجاج وجبن
وخيار

وسحوري خربتها كليت شوي دجاج بس مقلي ههههه

لوحده بدون شي وشربت كوب حليب بس كامل الدسم مع حبه واحده تمر

وكثرت من شرب الماي كثير


كنت ناوية اسوي رياضه للبطن بس عيالي الله يصلحهم ماخلوني

بحاول بكره ازيدها على المشي

بالإضافة الى اللي اقدر عليه بجهاز الأوربت تراك

__________________________

أختي كلت اكثر مني بس يعتبر خففت بالنسبه للأول

وكلت 3 ملاعق حلى بس بعدها سوت رياضه نص ساعة

وسوت معي رياضه نص ساعة

يعني سوت رياضه اكثر مني وبس هذي يومياتنا