ملف استشارة مطبخية مصرية عربية رمضانية

لقيتلك طريقة الفتة يا رشا لأبلة دون انا عملتها قبل كدة وطلعت جميلة بس حمرت العيش في سمنة
الفتة (دون)
ارز ابيض مستوى _ عيش بلدى محمص _لحمة مسلوقة بالشوربة _صلصة طمامم بالخل و الثوم .
طريقة سلق اللحمة ( ضانى او بتلو او كندوز صغير او رقبة )نضع الماء على النار و فية بصلة كبيرة مقطعة نصين و وورقتين لاورو و ملح وقلفل الى ان تغلى اضع اللحمة و اشيل طبعا الريم كل ما يطلع و ارمية الى ان تستوى 3/4 سوى اروح بالكبشة اشيلها من الشوربة و اصفى الشوربة بالمصفاة
اجيب حلة تانية نظيفة و اضع فيها ملعقة كبيرة سمن و لما تقدح ارمى فيها فصين مستكة و فصين حبهان حتلاقى ريحتهم طلعن تروحى حطة على طول اللحمة كلها ثقليبة فى السمنة و تروحى منزلة عليها الشوربة حتعمل تششششش و حتشمى بقى ريحة الشوربة الجميلة
حتستوى اللحمة اطفى النار
طريقة عمل الصلصة بالخل و الثوم :
اضع على النار 2ملعقة سمن و عليهم راس ثوم مفرى لحد ما يصفر بس الثوم
اروح حطة علية 1/2 كوب خل حتى يغلى ثم اضع صلصة طماطم وملح وفلفل و بهارات و قليل من الماء ؤ اتركها حتى تتسبك حوالى 10 دقائق
طريقة تركيب طبق الفتة :
1_ اقطع العيش قطع متوسطة فى الطبق او الصينية و ارشرشة بالشوربة لحد ما كلة يشرب شوربة
2_ اضع الارز على العيش و افردة كويس و اضع كبشة شوربة
3_ ثم اضع بالكبشة صلصة الطماطم علي وش الارز كلة بس مش قليلة
4_ ثم ارصص قطع اللحم الهوبر على و ش طبق الفتة و حيطلع منظرة و ريحتة تفتح النفس و بالهنا و الشفا

طيب البنات اللي جربوا بسبوسة ابلة دون هي بتقول الشربات من غير ليمون طيب إزاي وهو مش كده هيرجع يعمل سكر تاني ولا إيه؟
وحجم الصينية اد إيه تقريبا عشان عاوزة مقدار صغير على اد جذي بس أنا بادبس كل مرة في باقي الحلويات فيممكن أعمل نص المقدار؟؟
ومعلش اسئلتي كتير بس لو مش هحط مقدار جوز الهند ازود سميد ولا لأ؟

السلام عليكم
ام كريم نفس طريقة ابله دينا الفته بس
الزياده الصلصه انا بحمر ثوم في سمنه ولما يصفروا احط عليهم الخل واحط الصلصه قبل ما احطها ازودها مايه عشان ماتبقاش تقيله تكون لفه برده بس مش نفس تقلها ده وبعدين احط الصلصه ثم توم ني
واعمل في طاسه تانيه توم احمره واحط الخل عليه وبس ده يكون عندي على جمب
ولما احمص العيش احط عليه من التوم والخل اللي عملاهم لواحدهم وبعدين اسقيهم شوربه بس مش كتير عشان العيش مايعجنش هوه حلاوته وهوه فيه قرمشه واحط طبقة الروز وبعدين الصلصه والحمه واحط صلصه على اللحمه برده واخود من التوم والخل اللي معمولين لوحدهم اروش منهم على الوش ودوقي احلى فته بس خلي بالخ مش اي عيش تعملي بيه الفته بالعيش البلدي مش بتاع الفرن لاااا
النضيف شويه لانه مفيهوش لبابه لكن التاني كله لبابه بيعجن

ام كريم و لجين
و فيميل
ميرسي على ردكم

بس ياريت مش تنسوني في الرستو

عندى ريش ضانى و معنديش شواية يلا اقترحوا اعمل بيها ايه ما تفضحونيش