شاركي في النقاش

سجلي الدخول لإضافة تعليق.

التعليقات

183
  1. @lashyaa_msthyl

    صاحبة الموضوع




    حلم ضبابي ..





    صدقيني ماستعجلت بالرد .. لاني قريت ردك كذا مره ..

    شوفي خلينا نتفق على أشياء .. ونتحاور بطريقة صحيحة .. عشان نوصل لنتيجة صحيحة .. اتفقنا ..؟؟



    انتي قلتي في ردك انك ماتسمحين لوحده انها تنصح بأسلوب مو حلو .. لانها دارسة ومتعلمة الدين ..

    بس فيه نقطه مو صحيحة عندك وهي انها تكون لازم دارسة الدين ,, او تكون متعلمة اكثر من الباقين .. لا .. موشرط .. كثير من العوام واللي ما تعمقو في الدين مره ينصحون .. لان اي انسان مسلم يقرا القران ويشوف ايه الامر بالمعروف والنهي عن المنكر .. راااح ينكر ..صح؟

    طيب اذا جو بعض العوام او حتى الناس المتعلمة .. واخطأو في النصح .. يصلح نروح نتكلم عنهم بسوء في دينهم ونستهزء بدينهم بشكل عام ..هل تحسين هالتصرف فيه صحة ..؟؟ هل يصلح اننا ننتقدهم ونستهزء فيهم عشان يتغيرون .؟؟ ترى عمر النقد والتهجم على الاخرين ما اعطى نتيجه زينه ..

    احنا كلنا نحب النصيحه اانا وانتي وكل مسلم ان شاء الله لانه جزء من ديننا .. هل تتوقعين انه بأسلوب الهجوم والنقد اللاذع عاللي ينصحون بطريقه مو حلوة سواء بجهل او بدون جهل راح يتغير شي ..

    هل اسلوب النقد والتهجم على الاخرين ترين انه يفيد -ويخليهم يتركون الطريقه الغير جيدة اللي ينصحون فيها ولا الاسلوب الحسن واللطيف هو اللي يجعلهم يغيرون طريقتهم - __> وبهذا كلنا نستفيد ؟؟ وهذا سؤال عام ابغاك تجاوبين عليه بكل انحيادية - ومصداقية -؟؟



    طيب ليه بدال مااحنا نسبهم عند الناس وعند الزين والشين ونروح نشوه صورتهم قدام العالم وقدام اللي يسوى واللي مايسوى وبدال مانكره الناس في النصيحة .. اننا ناخذ اللي يتكلمون بهالطريقة على جنب وننصحهم بتغيير اسلوبهم ؟؟ اذا كنا فعلا نحب الخير ؟؟ وبهاذي الطريقه نكسب أجر .. ؟؟

    واذا اللي نصحتيها بتغيير اسلوبها رفضت كلامك خليها .. وافرحي انك سويتي خير ,, ولاتتكلمين عن هالشي قدام الناس ..
    عشان ماتكسبين اثم وحده سمعت كلامك وصدقته وصارت تكره كل الملتزمين .. وان كانت تقبلت كلامك وغيرت اسلوبها فلك اجر نصحها واجر ثاني انك تاخذين اجر كلما نصحت وحدة بأسلوب حلو ..؟؟



    مو لازم يكون تفكيرك واحد .. خليك مرنه في طريقة تفكيرك .. انا اعرف انك تحبين الخير ويمكن مو قصدك انك تسبين الملتزمين .. لكن ماهكذا تورد الابل يا أخية ؟؟



    وفيه نقطة ثانية انتي قلتي ان العاصيه يمكن تكون حزينه يمكن تكون مو نظيفه وبعد يمكن تكون عبوسه يمكن تكون مو واثقه يمكن تكون عنيفه يمكن تكون رقيقه يمكن تكون قوية ممكن تكون ضعيفه..

    <<< اللي تنصح والملتزمه ينطبق عليها بعد كل هذا .. مو هي انسان .. مو كل انسان عنده اشياء سلبيه واشياء ايجابيه ..؟؟ تصدقين ؟؟ شكلي عرفت السبب اللي يخليك معترضه .. انتي تظنين ان الملتزمه لازم تكون اسمى من كل هالأشياء وماتخطئ في شي؟؟ صح ؟؟؟؟

    << وهذا الخطأ..<< وهنا يكمن السبب .. عزيزتي// الملتزمة تراها مو كامله .. اللي تنصح تراها مو كامله .. حطي هذا ببالك دائما .. اتوقع هذا السبب اللي يخليك تنقهرين منهم ..

    لاتقولين هم لازم يكونون اكثر مننا .. عزيزتي:: الملتزمه مو لازم يكون عندها علم كثير .. ممكن تشوفين وحده عادية وما تعمقت في دينها .. لكنها ملتزمه بحجابها وصلاتها ماشاء الله خاشعه فيها و..الخ لكنها لاتحمل العلم الكثير .. مثلها مثل الكثير ..< ويسمونها الناس ملتزمه لانها حافظت ع الاشياء الاساسية ويروحون يطالبونها باشياء كثيرة هي ماتعمقت فيها كثير او درستها ؟؟؟؟

    تدرين الدرجه اللي انتي تبغين الملتزمه تكون عليها من الاخلاق العاالية والابتسام والاشياء اللي ذكرتيها مايوصل لها اي احد .. حتى الملتزمين مو كلهم يوصلون لها .. مايوصل لها الى اللي بلغ مرتبة عااالية جدا من التقوى والعلم والايمان .. << وهذا كلام واقعي ..

    يعني مثل مشايخنا الكبار ومثل المشايخ القرني والعودة كلهم على مرتبة عااالية ماشاء الله ومو بالسهوله انه يوصل احد لهالمرحله اللي وصلو لها يا اختي .. ابدا مو بهالسهوله .. وصعبه نطالب الناس كلهم انهم يوصلون لهالدرجة .. مو اي احد يقدر عليها من الملتزمين .. ممكن نحثهم على انهم يوصلون لها .. بس اننا نطالبهم يكون على هالمرحله .. واذا ماكانو عليها سبينهاهم .. هذا خطأ ..






    تدرين ليه انا اقول لك هالكلام ؟؟ لاني حسيتك فعلا تبغين الحق .. وتبغين تعرفين الحقيقة .. وأسلوب الناس وطريقتهم تبين هم ايش يبغون في الحقيقة ..

    واذا كان عندك كلام ثاني انا ارحب فيه بشرط اننا نلتزم باداب الحوار ..



    بانتظارك ..
  2. @lashyaa_msthyl

    صاحبة الموضوع
    ما عُدتُ أنا
    لا حول ولا قوة إلا بالله.. بعض الردود كشفت عن أمور غربية... قال الله تعالى " كنتم خير أمة أخرجت للناس تأمرون بالمعروف وتنهون عن المنكر" الأمر بالمعروف والنهي عن المنكر ليس خياراً.. هو جزء من كونك مسلمة.. وإذا كنتِ تخليت ع…

    كفيتي ووفيتي ..



    لاعدمتك أختي
  3. @dmooooo3

    لاشيء مستحيل
    وعليكم السلام والرحمة .. احيي فيك ذكائك .. وتصدقين انك انتي بنفسك جاوبتي ع السؤال اللي سألتينياه .. اذا انتي وزميلاتك كنتو مع بعض وجت وحده ونصحتكم باسلوب مو حلو ..ايش تسوون..؟؟ تقولين انكم راح تتكلمون عن تصرفها فقط .. وانها اخطأت في أ…
    اهلين اختي شكرا على الرد......والمعنى وضح اكثررر


    والله بصراحه ورغم اني عاشرت معظم الفئات الا اني لم اجد احد يستهزئ بمطوع او ملتزم بشيئ ديني ابدددد

    مثلا استهزاء بمظهره او طريقه لبسه او شكله ....لم ارى هذا الذي تتحدثين عنه الا عند الاطفال والمراهقين فقط

    واذا كان هناك بعض الاشخاااص كبار في العمر ويستهزئون فمعليش هذول ناس مريضه جداااا....


    وهل من الطبيعي ان نحاسب الاطفال الذين لايفقهون شي او نحاسب المراهق الذي لم يكتمل لديه النضج او نحااااااسب المريض......!!!!!!!!!!!!



    صدقيني اقولهااااا لك وانا واثقه لايوجد من يستهزئ برجل او امرائه في دينهم مهمااا كان شكلهم ....


    واي شخص عاقل يحترم غيره سواء مطوع او غيره...يحترم لبسه وشكله وكلامه

    الحمدالله احنا نحترم الاديان الاخرى ونحترم المتشددين منهاااا في لبسهم وشكلهم وكل شي ....فمابالك في ديننااااااا




    صدقيني الاستهزاء بدين شخص ظاهر في لبسه او شكله....هذا عند الاطفال او بعض المراهقين او اصحاب العقول المريضه....!!!!!!





    ارجع واقولك الاستهزاء احيانا يكون بسبب سوء التصرف الذي ظهر من المطوع على قولتك .....وصدقيني لو كل واحد او وحده يتعلمون كيف ينصحون العالم بطريقه حلوه والله راح الناس تحب اشكالهم لو هم يمشون بالمقلوووب وبيقلدونهم بعد بفرح.......واحيانا الشخص من القهر ولان هالشخص ضايقه يقول جى هالمطوع وهو في نيته قصده جى هالمطوع الي مايعرف ينصح مو قصده دينه لالالالالا ابد.....



    اتمنى يكون وضح المعنى اكثرررر.....
  4. @lashyaa_msthyl

    صاحبة الموضوع
    dmooooo3..
    اهلين اختي شكرا على الرد......والمعنى وضح اكثررر والله بصراحه ورغم اني عاشرت معظم الفئات الا اني لم اجد احد يستهزئ بمطوع او ملتزم بشيئ ديني ابدددد مثلا استهزاء بمظهره او طريقه لبسه او شكله ....لم ارى هذا الذي تتحدثين عنه الا عند الاطفا…

    هلا اختي ..

    الحمدلله انك ماصادفتي هالنوعية .. ربما لان مجتمعك او الناس اللي حولك محافظين ولله الحمد .. او ع الاقل فيهم خوف من الله ..

    يااحبيبتي فيه نااااااااااااس كذا انا بنفسي شاهدت وسمعت .. سب في الملتزمين وفي تدينهم عيني عينك .. بدون اي خوف من الله سبحانه وتعالى .. وهذا اللي خلاااني اكتب هالكلام .. ..


    يمكن انتي ماشفتيهم بس انا شفتهم وشافهم غيري ..

    بس انا ابغاك تعرفين ان البعض قد يسب بقصد والبعض بغير قصد .. وموضوعي هذا تذكير لهم ..
    ..

    الله يهدي الجميع ..



    وأشكرك على تفاعلك ..

تابعي تجارب أخرى من هذا القسم.