صباح الخير صبايا :)
طبعا مشاركاتي معكم كتير قليلة والسبب الانشغال المتواصل الله لا يشغلنا إلا بطاعتو
بشكر الأخوات اللي رحبو فيه وبحكيلكم إنو أنا كتير مبسوطة بانضمامي للمجموعة لأنو فعلا بيلتزم الواحد أكتر وبعدين لما بيقرأالتزام الناس بيصير يلتزم معهم
طبعا أنا بعدني بادية فبالنسبة للرياضة ما كتير بمشي بحدود بين 20 و25 دقيقة وبلعب تماريت للإيدين شوي ما بعدهم بس يمكن بيجو 5 دقائق وامبارح آيروبيكس يمكن 15 دقيقة يعني ماشي الحال بالاضافة لشغل البيت والولاد الله يحميهم
أختي الله يسعدها اللي حكتلي إنو وزني مناسب لطولي وإنو النحافة الكتيرة مو حلوة .... هو في من كلامك خصوصي لما تكون الوحدة متزوجة وماشاء الله عندها ولاد بتحسي تكون فيها شوية صحة أحسن من معصقلة ...بس المشكلة إنو اللبس بدو وزن صغير ما بدو كبير والنحافة بتحلي اللبس لو شو ماكان بس الصحة المليانة لازم تنقي اللبس ما يتناسب مع الحجم
تاني شي الصحة السمنة بتجيب أمراض الله يبعدها عنا وعنكم ومتعنا اللهم بأسمعانا وأبصارنا وقواتنا أبدا ما أحييتنا واجعله الوارث منا ..... آآآآآمين ... فالنظام الصحي بيجنب الانسان المرض بإذن الله وخصوصي في حياتنا العصرية واللي ما بنتحرك فيها غير كل وين وين .....
بالنسبة ليومياتي :
الفطور :
قطعة خبز نخالة مع شوية زيت وزعتر (أزكى شي بالحياه :) )
الغداء
أكلت أربع كوسيات كتير صغار مخشي (يعني محشية باللحم المفروم ) وبعدها سلطة فواكه
العشاء
سلطة فطر
ويارب نكمل هيك بس مشكلتي أنا عندي نقص سكر بيضل يصيبني ولازم حلويات معها والحلو ما بينزل وزني فشفت إنو حبة التمر بتسد الموضوع وبتمشي الحال والله يعينا
المسابقة الكبرى للرشاقة الفريق الأخضر(70-79)
متابعة النقاش، صفحة 138