ملف استشارة يوميه ...4

سمعت يا رشا على لحمة القوات المسلحة انها مش حلوة ومش بتستوى وبتشد وناس شكرت فيها لخبطونى وكده كدخه اصلا بيقولوا لازم تقوفيلهم من الصبح وانا مينفعش معايا حكاية الصبح دى خالص يلا خير

مش فاهمة ليه عشان لازم يبقى واقف على العجل وهو بيدبح؟؟ طيب ممكن اخليه يسأل الجزار هيدبح امتى ويروح يقف معاه وهو بيدبح وبعدين نروح ناخد اللحمة متوضبة بالكيلو

ولا ليها سبب تانى؟؟؟ هل مثلا لازم ابقى شريا العجل بنية الاضحية ؟ طيب ما انا هبقى شاريه اللحمة بنفس النية؟؟

محتاجين نسأل شيخ فى الحكاية دى

بس والله حرام الواحد يدفع مبلغ كبير ويومها بنفضل واقفين كتير والجزار يتأمر علينا عايز يقطع حتت كبيرة ويسيبنا نخبط دماغنا فى دماغ بعض ويمشى مع ان الباشا كان واخد كام دبح بس السنة اللى فاتت 500 جنية غير تمن الاضحية نفسها بيتوزع علينا والنقل والعربية اللى هتنقل
والتوضيب بعد كده بياخد 5 جنية على الكيلو وانتى لسة جايباه بدهنة بكله

وطبعا السنة دى كل حاجة اكيد هتزيد

خالتى بتعمل حاجة بقالها كذا سنة بتدفع المبلغ لجمعية لرسالة وهما عندهم حسبة كده بيقولك فى الاخر الكيلو واقع بكام وبيجبولك الاكياس متقسمة ومتقطعة لحد البيت وبالنسبة للجزء اللى هيتوزع بيسألوكى يجيبوه ولا يوزعوه بمعرفتهم

برضه مريحة دماغها

منقول

"بالنسبه لقشر البرتقال واليوسفي انا باضربه فى الكبه مع سكر كتير وافرده فى كيس بلاستك واحطه في الفريزر ولما اجي اعمل كيكه اكسر حته منه واحطها عليها بتبقى تحفه"