الي يسوون الرجيم كيف تطبخون الدجاج و اللحم المشوي؟؟؟؟؟

السلام عليكم ورحمه الله وبركاته


اخواتي


انا لقيت رجيم روعه

ولقيت مكتوب فيه دجاج ولحم مشوي

طيب كيف اسوي اللحم و الدجاج المشوي ماني عارفه كيف اسويه بالبيت؟؟؟؟

ممكن تعلموني طريقة طبخه ؟؟

12 تعليق 64,405 مشاهدة

شاركي في النقاش

سجلي الدخول لإضافة تعليق.

التعليقات

11
  1. @fdyt_bnty_1

    انا اتبل الدجاج بدون زيت واحطه في القلايه واقلبه لين يستوي تكون صدور شرايح واذا دجاجه اللفها بقصدير واحطها بالفرن او بكيس الفرن
    واللحم نفس الشي
    وبالخلطات اللي تبغي بس بدون ملح
    احسن من المسلوق

    انا احط هالتتبيله( فلفل احمر مجروش_ليمونه_شوي خل_وشوي كمون وكزبره)

    واي سؤال انا حاظره
  2. @looly09

    انا عندي طريقة دايم اسويها حتى لو ما كنت اسوي رجيم لانها مره لذيذة و سهلة حيل

    تجيبين صدور دجاج رقيقة شوي حطيها في المقلى اللي يجي كبيرو له غطا ، يعني اهم شي تكون مفرودة مو على بعض

    حطي عليها بهارات اللي هي ثوم، بابريكا ، رشة كركم ، رشة كاري، فلفل أسود، و فلفل أبيض ، أو أي بهارات تحبيها

    أنا أحط معها سماق يعطيها نكهة لذيذة ، بس تقدرين تستغنين عنه اذا مو موجود

    و اعصري عليها ليمونة ، و حطي ماجي و رشي عليها شوي زيت زيتون

    حطي عليها شوي ماي و غطيها و خليها على نار وسط على ما يستوي الدجاج

    اذا نضج الدجاج و نشف الماي ، حطي عليها شوي زيت زيتون و حمريها من الجهتين

    و بالعافية ان شاء الله

    أنا آكلها مع سلطة اذا كنت مسوية رجيم ، و مرات آكلها مع رز أبيض أو بطاطس مقلي اذا ما كنت اسوي رجيم

    جربيها و ان شاء الله تعجبك
  3. بالنسبه للحم انا مو مره زود معاه بس في طريقه روعه


    روحي للجزار اطلبي لحم بقر مو عجل بقر من عند الظهر مو اي مكان ثاني الظهر فقط ويقطعلك اياه ستيك مو رفيع ةلا تخين هو يعرف اكيد

    تبلي لشوية ملح وفلفل اسود وملعقة زيت زيتون شوي بس وسخني القلايه وحطي فيه وقلبي لين يتحمر من الجهتين ولو تحبي تحطي ثوم يعطي طعم روعه


    او تجيبي لحم مفروم وتقلبي بالقلايه على نار مو قويه مره بتلاحظي ان الماء حقو نزل خلي لين ينشف ويستوي ممكن تحطي معاه بصل اثناء الطبخ ولما ينشف ويستوي ضيفيلو ثوم وفلفل اسود وملح يطلع طيب


    بالنسبه للسمك تتبلي ببهاراتك المفضله وله طريقتين يا تلفي بقصدير في الفرن مع فلفل رومي مثلا او تشوي على القلايه بس لازم شوية زيت زيتون قدر ملعقه تتبلي فيها السمك او تجيبي سمكه وتنظفيها وتفتحيها من ظهرها وتفرديها على قصدير بحيث يكون الخارجي على القصدير والداخلي مفتوح وما تنظفي اللي برا لانو بيلصق بالقصدير وحطيه في الفرن بعد ما تتبليه سماق كمون ليمون ولما تلاقي ماء على وجهه شوي حطي شرايح ليمون يطلع واو



    الدجاج اسهل شي جيبي صدور دجاج تبليها

    عندي لك طريقتين روعه

    الاولي تبلي الدجاج بثوم وبهاراتك المفضله انا اضيف اورجانو يعطيه طعم رهيب وملعقة زيت زيتون علشان ما يلتصق وبعدين سخني المقلاه وحمريه من الجهتين


    الطريقه الثانيه جيبي صدور الدجاج قطعيها مو صغيره ولا كبيره وانقعيها بزعفران وبصله مبشوره وثوم وعلبة لبن زبادي واهم شي الزعفران والعصفر بيعطيها نكهه روعه

    من بالليل النقع وثاني يوم حطي ملعقة زيت بالمقلاه او الطنجره وضيفي القطع قطعه قطعه كأنك تقليهم جنب بعض بس مو فوق بعض شوي غطي عليهم وبعدين اقلبيهم وذوقي الطعم كأنك في مطعم 5 نجوم


    تعبت خلاص واي سؤال انا حاضره على الخاص
  4. @rnd55

    استغفر الله
    تبلية ببهارات وملح خفيف وشوية كاتشب
    وولعي الفرن من فوق بس وقلبية
    لذيذة

تابعي تجارب أخرى من هذا القسم.