السلام عليكم كيفكم يابنات يارشيقات المستقبل
الحين ابغى كل وحده تدخل تسمي وتصلي على نبينا محمد اللهم صلي وسلم عليه وتتعوذ من ابليس
زيييين استعديتوا الحين للي ابغى اقوله ...
انتم صدقتم ؟؟ تراني امزح عليكم :22::22: وعارفه انكم كذا الحين :16:
بس من جد قهرتوني يادبيات كل يوم طالعه لنا وحده بسؤال يجيب الاحباط كل حاجه خليتوها تسمن وتثبت الوزن حطمتونا :06::06:
تركنا الرز والمكرونه ..تركنا الخبز حبيب قلبي ..تركنا كل الدهون والمقليات ..تركنا الحلويات ..تركنا السكر ..
معليش هذي حاجات كلنا متفقين انها تسمن ومقتنعين بالكلام هذا ..
بعد فترة طلعتوا بحاجه الشاي الاخضر يثبت الوزن ...يالله تركناه وفعلا معكم حق ..
بعدها طلعتوا بسالفة التمر يثبت الوزن حتى لو حبه او حبتين ومن تجربه اكتشفت ان معكم حق ..يالله الشكوى لله تركنا التمر حبيب قلبي الثاني وحنا نتألم ونتحسر وكل يوم افتح الدرج واتأمل تميراتي بحسرة واقول متى ارجع لكن ياحبيبات قلبي الله ان شاء الله يلم شملنا مرة ثانيه وانا بصحتي وصايرة رشيقتن واهبل ..
كللللل اللي فوق بلعناااااه ..
تجي وحده قبل فترة الله يجزاها خير تنزل موضوع ..هل الحليب قليل الدسم يسمن ؟
انا قلت هاااااااه وشو ؟؟ وانا قاعده ابلبع بهالحليب كل صبح لا حول ولا قوة الا بالله ..بس ماقدرت اتركه قللت منه بس وتعوذت من ابليس وكملت ريجيمي ..
الطاااامه الكبرى اللي قضت علي وخلتني كذا :06: وكذا :icon33: وكذا :( ويمكن استخف بعد فترة واصير كذا :icon32: تدرون ايش هي !!!
القهوة ..القهوة ياعالم مااقدرت اتركها لو يصير اللي يصير تقولون تثبت تقولون تسمن ماني ماني ماني تاركتها
حاولت اتركها يومين وعجزت واكتئبت ورجعت لها والحين اكتبلكم ومعي كوب نسكافيه تفوح منه رائحة القهوة الغنيه ههههه
الحين يابنات تعوذن من ابليس وادحرن الشيطان وخلنا نسوي ريجيمنا وحنا نفسياتنا مرتاحه قسم بالله عقدتونا وكرهتونا بالريجيم والاكل الصحي كله بعد كم يوم بتجي وحده تقول مادريتوا يا بنات ترى الزبادي يسمن !!!!
حنا ماسمنا ونفخنا الا المبالغه بالاكل والحلويات والرز والشكلاطات والعزايم لو كل وحده فينا تصك فمها سنه عن الاكل الضار الي يسمن كان صرنا كلنا رشيقااااات لا تقولون لي قهوة وحليب وتميرتين وماادري ايش !!
يالله ابروح اسوي غداي وانتن كل وحده تفكر بكلامي وهاااه زي ماوصيتكن مانبي تحطيم وكلام يرجعنا لوراء ومواضيع تغم احيانا لما ادخل القسم هذا قسم بالله اكتئب يابنات من المواضيع اللي اقراها واحس اني ماراح انحف طول عمري ..
سلاااااااام
شاركي في النقاش
سجلي الدخول لإضافة تعليق.
التعليقات
71- كلام منطقي
والوسطية بكل شيء .. توصلك للمعقول
شكرا لكلماتك اللطيفة
وجزاك الله خيرا - هههههههه ياحليلك والله القهوة تسمن ولا تنحف ماني تاركتها انا جالسه الحين اتقهوى واكل تميراات
عقبال ماتنزلين موضوع نازله فيه 20 كيلوا الله ينحفنا بس على صحه - بالفعل القهوه تبطيئ من الايض اللي هو سرعة الحرق
والافضل مع الرجيم نقلل من القهوه قدر الامكان ... لكن مايمنع انك تاخذي كوب باليوم
اما الشاي الاخضر مين يقول انه يثبت الوزن بالعكس مع الرجيم يساعد على حرق السعرات
وترى كل جسم وله قوانينه يعني اللي يمشي معاك مايمشي مع غيرك والعكس
الله يحقق لك مرادك في خير - الحقيقه الوحيده هي ان القهوه تسمن او على الاقل تثبت الوزن
تدرين تركتها اسبوعين ونحفت وبين على جسمي وكلن لاحظ
بس ماقدرت رجعت اشرب ترمس قهوه كبيييييير ونزووووولي بطئ جدا
بس وش اسوي ادمااااان
انا كنت بقروب وتركنا القهوه سوا ونحفنا بس رجعنا ماقدرنا نتحمل - ههههههههههههههههه
والله انك صادقه بصراحه شيء مو طبيعي لو نسوي كل هذا وش بقي لنا يمكن بسكوت ومويه هههههههههههههه
انا عني رجيمي علي مزاجي اخفف وبس ومااحرم نفسي من شيء
مواضيع مشابهة
تابعي تجارب أخرى من هذا القسم.