يومياتي في النادي الرياضي
متابعة النقاش، صفحة 5
شاركي في النقاش
سجلي الدخول لإضافة تعليق.
التعليقات
36- الله ينحفك من غير شر
- خواتي الغاليات جزاكن الله الف خير والله ينحفني انا وياكن من غير شر يارب ياكريم
والبنات اللي اسئلو عن النادي اسمه نادي سباير للسيدات
وهالنادي موجود في قطر مهو في السعوديه
والاشتراك فيه - سعر رمزي - مابي اقول علشان مااصدمكن ياخواتي
بس عندي نصيحه حتى لو ماقدرتن تدخلن نادي تقدرون تسون رياضه مع الرياضات اللي في اليوتيوب
واللي تبي انواع رياضه نفس اللي اتدرب عليها في النادي تعطيني خبر بقولها باذن الله
بس اهم شي تشتري لها زي كذا
علشان تشد الزنود والظهر وتحرق السعرات الحراريه - النادي فيه فتره صباحيه وفتره مسائيه
طبعا انا الخميس بالعاده اروح الظهر بس هالخميس رحت الصبح
فتره الصبح اغلبها اجانب وفتره المساء اغلبها مواطنات
كنت متردده ادخل حصه شكل الجسم ولا حصه الايروبيك
بس قررت ادخل ايروبيك -اول مره - قلت خلني اجربها وفعلا لقيتها ممتعه والمدربه كاترينا تهبل - امووت عليها - صحيح انها تكرف بالتمرين بس روحها حلوه وتمزح وهي تدربنا ...
ع فكره هم يلبسون مايك علشان تتكلم وهي تدرب والكل يسمعها ....
التدريب عباره عن عده مقاطع ....وبين كل مقطع ومقطع تقول لنا اشربوا ماء - الفكره العامه عندنا انه ماينشرب ماء اثناء التدريب وهذا الشي خطا لان المفروض نشرب علشان نعرق ونحرق سعرات حراريه هالشي عرفته من النادي
طبعا انا استخدم هالمطارة والله يابنات نفعتني في النادي وفي البيت لاني صرت اعبيها واشربها طول اليوم
هي اقل من اللتر حجمها 750 مل والحلو انها مصاص يعني تخلصين المطاره بدون ماتحسين
واغلب اللي بالنادي يستخدمون مثلها بس الوان مختلفه ... انا خذيت الوردي ... لاني احب هاللون
بالنسبه للبس لازم ملابس رياضيه وتكون ساتره يعني مايطلع البطن واغلب اللي معاي بلبسون برمودا وتي شيرت رياضي اليد كت اما الاجانب يلبسون فانيله رياضيه علاق صحيح اجسامتهم تهبل ومافيهم اي زياده كل وحده ممشوقه القوام بس يابنات صايره هالرياضه عندهم شي رئيسي مثل الشرب والاكل واحنا مانمارسها الا علشان نضعف وبس
الحصه الثانيه كانت عباره عن رياضه تشبه رياضه الدفاع عن النفس بس مسوينها بطريقه حركيه عاد هذي صبينا فيها عرق لين قلنا بس رجولنا ويدينا تتحرك مثل حركه الكو نغ فو طبعا انا في اخر التمرين قمت اوقف تعبت ماعاد فيني حيل واللي بجنبي بعد وقفت مثلي يعني الصف الاخير وقف ....
المدربه ايلينا انقزت وجاتنا اشوفها تعدل حركه اللي بجنبي التفت علي وغمزت لي عينها يعني كملي ...عاد انا طنشتها ولا كاني شفتها ريحت شوي وبعدين كملت معاها ... هو صحيح التمرين متعب بس لما تشوفين البنات وهن مجتهدات وهن يسون الرياضه ترجعين تسويين مثلهن لان اللي يبي نتيجه لازم يصبر ويتعب علشان يحصد
الله لايخسر تعبنا ولا تعبكم يارب ياكريم - ماشاءالله حلووو
ياريت تقوليلنا نبذه عن حصه شكل الجسم ااذا جربتيها تحمست والله
واكثر شي عجبني ان اللبس يكون ساتر.. ياريت عندنا يسو كذا الله يهدهم البنات في الناادي البطن باينه واللافخاذ باينه
وياريت الجسم حلو الا يسد النفس استغفر الله
متابعه وبقوة - هلا فتفوته
شوفي بالنسبه للملابس اغلب بناتنا لبسهم ساتر يعني القله من تلبس عاري .... ترا احنا للحين مجتمع منغلق رغم التطورات اللي سايره عندنا
اما بالنسبه لرياضه شكل الجسم فتخص الجسم كله تقدرين تقولين تحرك كل قطعه من عضلات الجسم نستخدم فيها كورتين وحده كبيره وحده صغيره واوزان علشان الزنود واوزان ع الرجل بالاضافه الى شي مثل الاستيك كبير نحطه مره بين ايدينا ومره بين ارجلنا ...انا ماعرف اسمه واول مره اشوفه
نسوي تمارين ضغط وتمارين بطن وارجل وايدين ومؤخره بحركات مدروسه صحيح ان بعضها متعب بس لما نشوف البنات ونتايجهم الحلوه تتحمسين وتستحملين
وترا مشوار الالف ميل يبدا بخطوه والله يعين الجميع يارب
مواضيع مشابهة
تابعي تجارب أخرى من هذا القسم.